ಜನದಟ್ಟಣೆ: ಪ್ರಿಯದರ್ಶಿನಿ ಬಸ್ಸಿನಿಂದ ಬಿದ್ದ ಕಂಡಕ್ಟರ್ ಗೆ ಗಾಯ

ಪಾಲಕ್ಕಾಡ್: ಕೆಎಸ್.ಆರ್.ಟಿಸಿ ಪ್ರಿಯದರ್ಶಿನಿ ಬಸ್ಸಿನಿಂದ ಬಿದ್ದು ಕಂಡಕ್ಟರ್ ಗಾಯಗೊಂಡಿದ್ದಾರೆ. ಅಲತ್ತೂರಿನ ವನೂರ್ ಮೂಲದ ಮುಹಮ್ಮದ್ ಗಾಯಗೊಂಡಿದ್ದಾರೆ. ಮಂಗಳವಾರ ಬೆಳಿಗ್ಗೆ 9 ಗಂಟೆ ಸುಮಾರಿಗೆ ಈ ಘಟನೆ ನಡೆದಿದೆ. 

ಒಟ್ಟಪಾಲಂನಿಂದ ವಡಕ್ಕಂಚೇರಿ ಮೂಲಕ ಪಾಂಡಂಕೋಟೆಗೆ ಸಂಚರಿಸುತ್ತಿದ್ದ ಬಸ್ಸಿನ ಕಂಡಕ್ಟರ್ ಅವಘಡಕ್ಕೊಳಗಾದರು. ಬಸ್ ಆಯಕ್ಕಾಡ್ ಮನ್ನತ್ ತಲುಪಿದಾಗ, ಬಾಗಿಲು ತೆರೆದುಕೊಂಡಿತು. ಈ ವೇಳೆ ಮುಹಮ್ಮದ್ ಹೊರಗೆ ಬಿದ್ದಿದ್ದಾರೆ. ಘಟನೆಯ ಸಮಯದಲ್ಲಿ ಬಸ್ಸಿನಲ್ಲಿ 130 ಕ್ಕೂ ಹೆಚ್ಚು ಪ್ರಯಾಣಿಕರಿದ್ದರು ಎಂದು ವರದಿಯಾಗಿದೆ. ಜನದಟ್ಟಣೆಯಿಂದಾಗಿ ಆಯಕ್ಕಾಡ್ ನಿಲ್ದಾಣದಲ್ಲಿ ಬಸ್ ನಿಲ್ಲಲಿಲ್ಲ. ಮೊಹಮ್ಮದ್ ಈ ನಿಲ್ದಾಣದಿಂದ ಇಪ್ಪತ್ತು ಅಡಿ ದೂರದಲ್ಲಿ ಬಿದ್ದರು.

ಗಾಯಗೊಂಡ ಮೊಹಮ್ಮದ್ ಅವರನ್ನು ಇಟ್ಟಕ್ಕುಮಲ್‍ನಲ್ಲಿರುವ ಖಾಸಗಿ ಆಸ್ಪತ್ರೆಗೆ ದಾಖಲಿಸಲಾಯಿತು. ಪುಲಿಂಗುಟ್ಟಂ ಬಸ್ ನಿಲ್ದಾಣದಿಂದ ಕಂಡಕ್ಟರ್ ಮುಂಭಾಗದ ಬಾಗಿಲಿನಿಂದ ಇಳಿದು, ಹಿಂಬಾಗಿಲಿನಿಂದ ಒಳಗೆ ಬಂದು ಬಾಗಿಲು ಮುಚ್ಚಿದ್ದರು ಎಂದು ಪ್ರಯಾಣಿಕರು ಹೇಳುತ್ತಾರೆ. ಆರಂಭಿಕ ತೀರ್ಮಾನದಂತೆ, ಜನದಟ್ಟಣೆಯಿಂದಾಗಿ ಆಕಸ್ಮಿಕವಾಗಿ ಬಾಗಿಲು ತೆರೆದಿರಬಹುದು ಎನ್ನಲಾಗಿದೆ.