ಲಕ್ಷದ್ವೀಪದಲ್ಲಿ ವಾರ್ಷಿಕ ಟೂನ ಮೀನು ಉತ್ಪಾದನೆ 50,000 ಟನ್‍ಗಳಿಗೆ ಹೆಚ್ಚಿಸಲು ಯೋಜನೆ-ದ್ವೀಪ ಮೀನುಗಾರಿಕೆ ಅಭಿವೃದ್ಧಿಗೆ ಮಾಸ್ಟರ್ ಪ್ಲಾನ್ ಸಿದ್ಧ

ಕೊಚ್ಚಿ: ಮುಂದಿನ ಐದು ವರ್ಷಗಳಲ್ಲಿ ಲಕ್ಷದ್ವೀಪದಲ್ಲಿ ವಾರ್ಷಿಕ ಟೂನ ಉತ್ಪಾದನೆಯನ್ನು 50,000 ಟನ್‍ಗಳಿಗೆ ಹೆಚ್ಚಿಸುವ ಯೋಜನೆಗಳೊಂದಿಗೆ ದ್ವೀಪ ಮೀನುಗಾರಿಕೆ ವಲಯದ ಅಭಿವೃದ್ಧಿಗೆ ಮಾಸ್ಟರ್ ಪ್ಲಾನ್ ಸಿದ್ಧಪಡಿಸಲಾಗಿದೆ. ಕೇಂದ್ರ ಸಾಗರ ಮೀನುಗಾರಿಕೆ ಸಂಶೋಧನಾ ಸಂಸ್ಥೆಯಲ್ಲಿ  ನಡೆದ ಜಂಟಿ ಪಾಲುದಾರರ ಸಭೆಯಲ್ಲಿ ಮಾಸ್ಟರ್ ಪ್ಲಾನ್ ಅನ್ನು ಅಂತಿಮಗೊಳಿಸಲಾಯಿತು. 

ಪ್ರಸ್ತುತ ಟೂನ ಮೀನು ಹಿಡಿಯುವಿಕೆಯನ್ನು ದ್ವಿಗುಣಗೊಳಿಸುವುದು ಇದರ ಗುರಿಯಾಗಿದೆ. ದ್ವೀಪದಲ್ಲಿನ ಮೀನುಗಾರಿಕಾ ಸಮುದಾಯದ ಜೀವನೋಪಾಯ ಮತ್ತು ಆರ್ಥಿಕ ಸ್ಥಿತಿಯನ್ನು ಸುಧಾರಿಸುವ ಗುರಿಯನ್ನು ಹೊಂದಿರುವ ವ್ಯಾಪಕ ಯೋಜನೆಗಳನ್ನು ಮಾಸ್ಟರ್ ಪ್ಲಾನ್ ಒಳಗೊಂಡಿದೆ.

ಇದರಲ್ಲಿ ಆಳ ಸಮುದ್ರ ಟೂನ ಮೀನುಗಾರಿಕೆ ವಿಸ್ತರಣೆ, ಸಾಗರ ಕೃಷಿ (ಸಾಗರ ಮೀನು ಸಾಕಣೆ), ಕಡಲಕಳೆ ಕೃಷಿ ಮತ್ತು ಮೂಲಸೌಕರ್ಯ ಅಭಿವೃದ್ಧಿ ಸೇರಿವೆ.

ಕೇಂದ್ರ ಮೀನುಗಾರಿಕೆ ಇಲಾಖೆ, ಲಕ್ಷದ್ವೀಪ ಮೀನುಗಾರಿಕೆ ಇಲಾಖೆ, ರಾಷ್ಟ್ರೀಯ ಮೀನುಗಾರಿಕೆ ಅಭಿವೃದ್ಧಿ ಮಂಡಳಿ, ಅಒಈಖI, ಅIಈಖಿ, ಒPಇಆಂ, ಅIಈಓಇಖಿ, ಓIPಊಂಖಿ, ಈSI ಪ್ರತಿನಿಧಿಗಳು, ಲಕ್ಷದ್ವೀಪದ ಮೀನುಗಾರಿಕಾ ಉದ್ಯಮಗಳು ಮತ್ತು ಸಹಕಾರಿ ಸಂಘದ ಪದಾಧಿಕಾರಿಗಳು ಚರ್ಚೆಯಲ್ಲಿ ಭಾಗವಹಿಸಿದ್ದರು.

ಪ್ರಧಾನ ಮಂತ್ರಿ ಮತ್ಸ್ಯ ಸಂಪದ ಯೋಜನೆಯ ಮೂಲಕ ಗುರುತಿಸಲಾದ ನಿಧಿಯಿಂದ ಯೋಜನೆಗಳನ್ನು ಕಾರ್ಯಗತಗೊಳಿಸಲಾಗುವುದು

ದ್ವೀಪದ ನೀಲಿ ಆರ್ಥಿಕತೆಯನ್ನು ಬಲಪಡಿಸಲು ಈ ಯೋಜನೆಯು ಹಲವಾರು ನಿರ್ಣಾಯಕ ಪ್ರಸ್ತಾಪಗಳನ್ನು ಮುಂದಿಡುತ್ತದೆ:

24 ಮೀಟರ್‍ಗಿಂತ ಕಡಿಮೆ ಉದ್ದದ 50 ಹೊಸ ಆಳ ಸಮುದ್ರ ಮೀನುಗಾರಿಕೆ ದೋಣಿಗಳನ್ನು ಅನುಮತಿಸಲಾಗುವುದು. 5 ಚದರ ಕಿಲೋಮೀಟರ್ ಪ್ರದೇಶದಲ್ಲಿ ಕಡಲಕಳೆ ಕೃಷಿಯನ್ನು ವಿಸ್ತರಿಸಲಾಗುವುದು.

ದೊಡ್ಡ ಪ್ರಮಾಣದಲ್ಲಿ ಸಮುದ್ರ ಅಲಂಕಾರಿಕ ಮೀನುಗಳನ್ನು ಸಾಕಲು 10 ಮಧ್ಯಮ ಪ್ರಮಾಣದ ಘಟಕಗಳನ್ನು ಸ್ಥಾಪಿಸಲಾಗುವುದು.

ದ್ವೀಪಗಳ 4,200 ಚದರ ಕಿಲೋಮೀಟರ್ ವಿಸ್ತೀರ್ಣದ ಲಗೂನ್ ಪ್ರದೇಶ ಮತ್ತು 300 ಕ್ಕೂ ಹೆಚ್ಚು ವಿವಿಧ ಅಲಂಕಾರಿಕ ಮೀನು ಪ್ರಭೇದಗಳ ಉಪಸ್ಥಿತಿಯನ್ನು ಇದಕ್ಕಾಗಿ ಬಳಸಿಕೊಳ್ಳಲಾಗುವುದು.

ಲಕ್ಷದ್ವೀಪದಲ್ಲಿ ಪ್ರವಾಸೋದ್ಯಮ ಯೋಜನೆಗಳನ್ನು ಅಭಿವೃದ್ಧಿಪಡಿಸುವ ಸಂದರ್ಭದಲ್ಲಿ, ಕ್ರೀಡಾ ಮೀನುಗಾರಿಕೆ ಮತ್ತು ಮನರಂಜನಾ ಮೀನುಗಾರಿಕೆ ದೋಣಿಗಳನ್ನು ಉತ್ತೇಜಿಸಲಾಗುವುದು.

ಮೀನುಗಾರಿಕೆ ವಲಯವನ್ನು ಆಧುನೀಕರಿಸಲು ಹೊಸ ದೋಣಿ ನಿರ್ಮಾಣ ಅಂಗಳಗಳು, ಅತ್ಯಾಧುನಿಕ ಶೀತಲೀಕರಣ ಸೌಲಭ್ಯಗಳು, 50 ಮೌಲ್ಯವರ್ಧಿತ ಉತ್ಪಾದನಾ ಘಟಕಗಳು, ಮೀನು ಸಂಗ್ರಹಣಾ ಹಡಗುಗಳು (ತಾಯಿ ಹಡಗುಗಳು) ಮತ್ತು ಯಾಂತ್ರಿಕ ಕಾರ್ಯಾಗಾರಗಳನ್ನು ಸ್ಥಾಪಿಸಲಾಗುವುದು.

ಮೀನುಗಾರರ ಸಹಕಾರಿ ಸಂಘಗಳು, ಕುಟುಂಬಶ್ರೀ ಮಾದರಿಯ ಸ್ವಸಹಾಯ ಗುಂಪುಗಳು ಮತ್ತು ಮಹಿಳಾ ಉದ್ಯಮಿಗಳ ಸಕ್ರಿಯ ಭಾಗವಹಿಸುವಿಕೆಯೊಂದಿಗೆ ಅಭಿವೃದ್ಧಿ ಯೋಜನೆಗಳನ್ನು ಕಾರ್ಯಗತಗೊಳಿಸಲಾಗುವುದು.

ಲಕ್ಷದ್ವೀಪ ಮೀನುಗಾರಿಕೆಯ ಅಭಿವೃದ್ಧಿಗೆ ಕೇಂದ್ರ ಸರ್ಕಾರವು ಸಿಎಂ.ಆರ್.ಎಲ್. ಅನ್ನು ನೋಡಲ್ ಏಜೆನ್ಸಿಯಾಗಿ ನೇಮಿಸಿದೆ.

ಸಭೆಯನ್ನು ಉದ್ಘಾಟಿಸಿದ ಲಕ್ಷದ್ವೀಪ ಮೀನುಗಾರಿಕೆ ಕಾರ್ಯದರ್ಶಿ ರಾಜ್ ತಿಲಕ್ IಈS, ಮುಂದಿನ ಐದು ವರ್ಷಗಳ ಕಾಲ ಮೀನು ಉತ್ಪಾದನೆಯನ್ನು ಹೆಚ್ಚಿಸುವುದು ಸರ್ಕಾರದ ಪ್ರಮುಖ ಆದ್ಯತೆಯಾಗಿದೆ ಎಂದು ಹೇಳಿದರು.

ಸಭೆಯ ಅಧ್ಯಕ್ಷತೆ ವಹಿಸಿದ್ದ ಅಒಈಖI ನಿರ್ದೇಶಕ ಡಾ. ಗ್ರಿನ್ಸನ್ ಜಾರ್ಜ್, ಲಕ್ಷದ್ವೀಪದ ಶ್ರೀಮಂತ ಸಮುದ್ರ ಸಂಪನ್ಮೂಲಗಳನ್ನು ಇನ್ನೂ ಸಂಪೂರ್ಣವಾಗಿ ಬಳಸಿಕೊಳ್ಳಲಾಗಿಲ್ಲ ಮತ್ತು ಅತ್ಯಾಧುನಿಕ ತಂತ್ರಜ್ಞಾನದ ಸಹಾಯದಿಂದ ಅಒಈಖI ಈ ಪ್ರದೇಶದ ಸುಸ್ಥಿರ ಅಭಿವೃದ್ಧಿಯನ್ನು ಮುನ್ನಡೆಸಲಿದೆ ಎಂದು ಹೇಳಿದರು.

ಕೇಂದ್ರ ಮೀನುಗಾರಿಕಾ ಅಭಿವೃದ್ಧಿ ಆಯುಕ್ತ ಡಾ.ಮಹಮ್ಮದ್ ಕೋಯಾ, ಎನ್‍ಎಫ್‍ಡಿಬಿಯ ಹಿರಿಯ ಕಾರ್ಯನಿರ್ವಾಹಕಿ ಡಾ.ಕಂಚಿ ಭಾರ್ಗವಿ ಇತರರು ಮಾತನಾಡಿದರು.