ಹೈಕೋರ್ಟ್ ನ್ಯಾಯಾಧೀಶರನ್ನು ನಿಂದಿಸಿದ ಭೂಪ; ಯುವಕನನ್ನು ವಶಕ್ಕೆ ಪಡೆದು ದಂಡ

ಕೊಚ್ಚಿ: ಹೈಕೋರ್ಟ್ ನ್ಯಾಯಾಧೀಶರನ್ನು ನಿಂದಿಸಿದ ಯುವಕನನ್ನು ವಶಕ್ಕೆ ಪಡೆಯಲಾಗಿದೆ. ಸೋಮವಾರ ಸಂಜೆ 5:30 ರ ಸುಮಾರಿಗೆ ನ್ಯಾಯಾಧೀಶರು ತಮ್ಮ ಅಧಿಕೃತ ನಿವಾಸಕ್ಕೆ ಹಿಂತಿರುಗುತ್ತಿದ್ದಾಗ ಪಚಲಂ ಕೆ.ಎಸ್. ಉದಯನ್ ರಸ್ತೆಯ ಬಳಿ ಈ ಘಟನೆ ನಡೆದಿದೆ.

ಅಜಾಗರೂಕತೆಯಿಂದ ಸ್ಕೂಟರ್ ಸವಾರಿ ಮಾಡುತ್ತಿದ್ದ ಆರೋಪಿ, ನ್ಯಾಯಾಧೀಶರಿದ್ದ ವಾಹನದತ್ತ ಮುಖಮಾಡಿ "ನಿನ್ನ ವಾಹನವನ್ನು ಕೊಂಡೊಯ್ಯೋ ಬೋ...ಮಗನೇ " ಎಂಬಿತ್ಯಾದಿ ಅವಾಚ್ಯ ಪದಗಳಿಂದ ನಿಂದಿಸಿದ್ದ. ಸ್ಕೂಟರ್ ನಿಲ್ಲಿಸದೆ ಚಲಾಯಿಸಿದ್ದು ನ್ಯಾಯಾಧೀಶರ ಭದ್ರತಾ ಅಧಿಕಾರಿ ಕೆ. ಕಾರ್ತಿಕ್ ಈ ಬಗ್ಗೆ ದೂರು ದಾಖಲಿಸಿದ್ದರು. ಎರ್ನಾಕುಳಂ ನಗರ ಪೋಲೀಸರು ಪ್ರಕರಣ ದಾಖಲಿಸಿದ್ದಾರೆ. ಬಳಿಕ ನಿನ್ನೆ ಆರೋಪಿಯನ್ನು ವಶಕ್ಕೆ ಪಡೆದು ದಂಡ ವಿಧಿಸಲಾಗಿದೆ.