ಜಂತರ್ ಮಂತರ್ ನಲ್ಲಿ ವಿದ್ಯಾರ್ಥಿಗಳನ್ನು ಗುಂಡಿಕ್ಕಿ ಕೊಲ್ಲುವ ಹೇಳಿಕೆ: ಆರ್.ಎಸ್.ಎಸ್. ಪ್ರಚಾರಕ ಟಿ.ಜಿ. ಮೋಹನದಾಸ್ ವಿರುದ್ಧ ದೂರು

ತಿರುವನಂತಪುರಂ: ಜಂತರ್ ಮಂತರ್ ನಲ್ಲಿ ವಿದ್ಯಾರ್ಥಿಗಳನ್ನು ಗುಂಡಿಕ್ಕಿ ಕೊಲ್ಲುವ ಹೇಳಿಕೆ ನೀಡಿದ್ದಕ್ಕಾಗಿ ಆರ್ ಎಸ್ ಎಸ್ ಪ್ರಚಾರಕ ಟಿ.ಜಿ. ಮೋಹನದಾಸ್ ವಿರುದ್ಧ ಎಸ್ ಎಫ್ ಐ ಮತ್ತು ಎಐಎಸ್ ಎಫ್ ದೂರು ದಾಖಲಿಸಿವೆ. 

ತಮ್ಮ ದೂರಿನಲ್ಲಿ, ಟಿ.ಜಿ. ಮೋಹನದಾಸ್ ತಮ್ಮ ಯೂಟ್ಯೂಬ್ ಚಾನೆಲ್ ನಲ್ಲಿ ನೀಡಿರುವ ಹೇಳಿಕೆಗಳು ಅತ್ಯಂತ ಗಂಭೀರ ಮತ್ತು ಆಘಾತಕಾರಿ ಎಂದು ಹೇಳಲಾಗಿದೆ. ಎಐಎಸ್ ಎಫ್ ರಾಜ್ಯ ಪೋಲೀಸ್ ಮುಖ್ಯಸ್ಥರು ಮತ್ತು ಸೈಬರ್ ಪೋಲೀಸರಿಗೆ ದೂರು ನೀಡಿದೆ. ಎಐಎಸ್ ಎಫ್ ನ ದೂರು ಗೃಹ ಸಚಿವರು ಮತ್ತು ಡಿಜಿಪಿಗೆ.

ಮೋಹನದಾಸ್ ಅವರ ವಿವಾದಾತ್ಮಕ ಹೇಳಿಕೆ ಪ್ರಕಾರ, ಅವಕಾಶ ಸಿಕ್ಕಿದ್ದರೆ ಪ್ರತಿಭಟನಾಕಾರರನ್ನು ಗುಂಡಿಕ್ಕಿ ಕೊಲ್ಲುತ್ತಿದ್ದೆ. "ಈ ಪರಿಸ್ಥಿತಿ ಬಂದರೆ ನಾನು ಏನು ಮಾಡಬೇಕೆಂದು ನಾನು ನಿಮಗೆ ಹೇಳುತ್ತೇನೆ. ಜಂತರ್ ಮಂತರ್ ಸುತ್ತಮುತ್ತಲಿನ ನಾಲ್ಕು ಚದರ ಕಿಲೋಮೀಟರ್ ಪ್ರದೇಶದಲ್ಲಿ ಕಫ್ರ್ಯೂ ಘೋಷಿಸುತ್ತೇನೆ. ಜನರನ್ನು ಮೂರು ಬಾರಿ ಚದುರಲು ಸೂಚಿಸುವೆ. ನಂತರ ನಾನು ಗುಂಡು ಹಾರಿಸುತ್ತೇನೆ. ಜನರು ಚದುರಿಹೋಗುತ್ತಾರೆ, ಕೆಲವರು ಸಾಯುತ್ತಾರೆ, ಕೆಲವರು ಸಾಯುವುದಿಲ್ಲ... ಕೆಲವರು ವಿರೂಪಗೊಳ್ಳುತ್ತಾರೆ... ಸುಮಾರು ನಾಲ್ಕು ಗಂಟೆಗಳಲ್ಲಿ ದೃಶ್ಯ ಶಾಂತವಾಗುತ್ತದೆ. ಶವಗಳನ್ನು ಸಂಗ್ರಹಿಸಿ ಆಸ್ಪತ್ರೆಗೆ ಕರೆದೊಯ್ಯಲಾಗುತ್ತದೆ" ಎಂದು ಮೋಹನದಾಸ್ ಅವರ ಹೇಳಿಕೆಗಳಾಗಿದ್ದವು.