ಪ್ರಧಾನಿ ಮೋದಿ ವಿದೇಶ ಭೇಟಿ: 2025ರಲ್ಲಿ ₹180 ಕೋಟಿ ವೆಚ್ಚ

ನವದೆಹಲಿ: ಪ್ರಧಾನಿ ನರೇಂದ್ರ ಮೋದಿ ಅವರು 2025ರಲ್ಲಿ 23 ದೇಶಗಳಿಗೆ ಭೇಟಿ ನೀಡಿದ್ದು, ಇದಕ್ಕಾಗಿ ₹180 ಕೋಟಿಗೂ ಅಧಿಕ ವೆಚ್ಚ ಮಾಡಲಾಗಿದೆ ಎಂದು ಸರ್ಕಾರದ ಅಂಕಿಅಂಶಗಳು ತಿಳಿಸಿವೆ. 

'ಪ್ರಸಕ್ತ ವರ್ಷ, ಅಂದರೆ 2026ರಲ್ಲಿ ಜುಲೈ 11ರವರೆಗೆ ₹74.58 ಕೋಟಿ ವೆಚ್ಚವಾಗಿದೆ' ಎಂದು ವಿದೇಶಾಂಗ ಇಲಾಖೆ ರಾಜ್ಯ ಸಚಿವ ಪವಿತ್ರ ಮಾರ್ಗರಿಟಾ ಅವರು ರಾಜ್ಯಸಭೆಗೆ ಲಿಖಿತ ಮಾಹಿತಿ ನೀಡಿದ್ದಾರೆ.

'2021ರ ಏಪ್ರಿಲ್‌ನಿಂದ 2025ರ ಡಿಸೆಂಬರ್‌ವರೆಗೆ ಒಟ್ಟು 381.8 ಬಿಲಿಯನ್ ಅಮೆರಿಕ ಡಾಲರ್ (ಅಂದಾಜು ₹36.35 ಲಕ್ಷ ಕೋಟಿ) ವಿದೇಶಿ ನೇರ ಬಂಡವಾಳ ಹರಿದುಬಂದಿದೆ ಹಾಗೂ ಒಟ್ಟು 316 ಒಪ್ಪಂದಗಳಿಗೆ ಸಹಿ ಹಾಕಲಾಗಿದೆ' ಎಂದು ಮಾಹಿತಿ ನೀಡಲಾಗಿದೆ.

2021ರಿಂದ ವರ್ಷವಾರು ಮತ್ತು ಯಾವ ದೇಶಕ್ಕೆ ನೀಡಿದ ಭೇಟಿಗೆ ಎಷ್ಟು ವೆಚ್ಚವಾಗಿದೆ ಎಂಬ ಮಾಹಿತಿಯನ್ನು ಇಬ್ಬರು ಸಂಸದರು ಸಚಿವಾಲಯಕ್ಕೆ ಕೇಳಿದ್ದರು. ಅದಕ್ಕೆ ಒಟ್ಟು 35 ಪುಟಗಳ ಉತ್ತರ ನೀಡಲಾಗದೆ.