ಶಿಕ್ಷಕಿಯರು ಭಾಗಿಯಾಗಿರುವ ಎಂಡಿಎಂಎ ಹಣ ವರ್ಗಾವಣೆ ಪ್ರಕರಣ: ಹೊರ ರಾಜ್ಯಕ್ಕೂ ವಿಸ್ತರಿಸಿದ ತನಿಖೆ

ವಡಗರ: ಶಿಕ್ಷಕರು ಮತ್ತು ಇತರ ಆರೋಪಿಗಳನ್ನು ಒಳಗೊಂಡ ಎಂಡಿಎಂಎ ಹಣ ವರ್ಗಾವಣೆ ಪ್ರಕರಣದ ತನಿಖೆಯನ್ನು ಇತರ ರಾಜ್ಯಗಳಿಗೆ ವಿಸ್ತರಿಸಲಾಗಿದೆ. ಪ್ರಕರಣದ ಇತರ ಆರೋಪಿಗಳು ರಾಜ್ಯದ ಹೊರಗೆ ಇದ್ದಾರೆ ಎಂಬ ಸೂಚನೆಗಳ ಆಧಾರದ ಮೇಲೆ ತನಿಖೆಯನ್ನು ಕೇರಳದ ಹೊರಗೆ ವಿಸ್ತರಿಸಲಾಗಿದೆ. 

ವಿಚಾರಣೆಗಾಗಿ ಗುರುವಾರ ಪೋಲೀಸ್ ಕಸ್ಟಡಿಗೆ ಪಡೆದ ಎರಡನೇ ಆರೋಪಿ ಕೀರ್ತನಾಳನ್ನು ಶುಕ್ರವಾರ ನ್ಯಾಯಾಲಯಕ್ಕೆ ಹಾಜರುಪಡಿಸಲಾಯಿತು. ಎಂಡಿಎಂಎ ಹಣಕಾಸು ವಹಿವಾಟಿಗೆ ಸಂಬಂಧಿಸಿದ ವಿಷಯಗಳ ಬಗ್ಗೆ, ಮಕ್ಕಳನ್ನು ಮಾದಕ ದ್ರವ್ಯ ಮಾರಾಟಕ್ಕೆ ಬಳಸಲಾಗಿದೆಯೇ, ಅಪರಾಧಕ್ಕೆ ಹೆಚ್ಚಿನ ಬ್ಯಾಂಕ್ ಖಾತೆಗಳನ್ನು ಬಳಸಲಾಗಿದೆಯೇ ಮತ್ತು ಮಾದಕ ದ್ರವ್ಯಗಳನ್ನು ಪಡೆದ ಸ್ಥಳದ ಬಗ್ಗೆ ಪೋಲೀಸರು ವಿಚಾರಿಸಿದ್ದಾರೆ.

Éೀಷ ತನಿಖಾ ತಂಡವು ಎರಡು ತಿಂಗಳೊಳಗೆ ಈ ಪ್ರಕರಣದಲ್ಲಿ ಆರೋಪಪಟ್ಟಿ ಸಲ್ಲಿಸಲು ಸಿದ್ಧತೆ ನಡೆಸುತ್ತಿದೆ. ಪ್ರಕರಣಕ್ಕೆ ಸಂಬಂಧಿಸಿದ ವೈಜ್ಞಾನಿಕ ಪುರಾವೆಗಳು, ಡಿಜಿಟಲ್ ಪುರಾವೆಗಳು ಮತ್ತು ಬ್ಯಾಂಕ್ ವಹಿವಾಟುಗಳನ್ನು ಅವರು ಪರಿಶೀಲಿಸುತ್ತಿದ್ದಾರೆ. ಕೀರ್ತನಾ ಹಲವಾರು ಎಂಡಿಎಂಎ ಡೀಲರ್‍ಗಳೊಂದಿಗೆ ಸಂಪರ್ಕ ಹೊಂದಿದ್ದಾರೆ ಎಂದು ಪೋಲೀಸರು ಕಂಡುಕೊಂಡಿದ್ದಾರೆ. ತನಿಖಾ ತಂಡವು ಮುಖ್ಯವಾಗಿ ಮಾದಕ ವಸ್ತುಗಳಿಗೆ ಸಂಬಂಧಿಸಿದ ಬ್ಯಾಂಕ್ ಖಾತೆಗಳ ಮೂಲಕ ವಹಿವಾಟುಗಳ ಬಗ್ಗೆ ಮಾಹಿತಿಯನ್ನು ಸಂಗ್ರಹಿಸಿದೆ. ಕೀರ್ತನಾ ವಿವಿಧ ಸ್ಥಳಗಳಲ್ಲಿ ಎಂಡಿಎಂಎ  ಮಾರಾಟ ಗ್ಯಾಂಗ್‍ಗಳೊಂದಿಗೆ 15 ಲಕ್ಷ ರೂ.ಗಳ ಬ್ಯಾಂಕ್ ವಹಿವಾಟುಗಳನ್ನು ಮಾಡಿದ್ದಾರೆ. ಈ ವಹಿವಾಟುಗಳು ಜನವರಿ ಮತ್ತು ಜೂನ್ ನಡುವೆ ನಡೆದಿವೆ. ಕೀರ್ತನಾ ತನ್ನ ಕಮಿಷನ್ ತೆಗೆದುಕೊಂಡು ಇದರಿಂದ ಬಂದ ಹಣವನ್ನು ಮತ್ತೊಬ್ಬ ಆರೋಪಿ ಜಿಜಿನ್ ಕುರಿಯಾಕೋಸ್‍ಗೆ ಹಸ್ತಾಂತರಿಸಿದರು. ಪೋಲೀಸರು ಬ್ಯಾಂಕ್ ಅಧಿಕಾರಿಗಳಿಗೆ ಕರೆ ಮಾಡಿ ವಹಿವಾಟು ಸೇರಿದಂತೆ ಮಾಹಿತಿಯನ್ನು ಸಂಗ್ರಹಿಸಿದರು. ಕೀರ್ತನಾ ತನಿಖಾ ಅಧಿಕಾರಿಗಳೊಂದಿಗೆ ಸಂಪೂರ್ಣವಾಗಿ ಸಹಕರಿಸಲಿಲ್ಲ.

ವೈಜ್ಞಾನಿಕ ಪುರಾವೆಗಳು ಮತ್ತು ಬ್ಯಾಂಕ್ ವಹಿವಾಟುಗಳ ಆಧಾರದ ಮೇಲೆ ತನಿಖಾ ತಂಡವು ಆರೋಪಿಗಳಿಂದ ಮಾಹಿತಿಯನ್ನು ಸಂಗ್ರಹಿಸಿತು.ಮಕ್ಕಳನ್ನು ಮಾದಕ ವಸ್ತು ವ್ಯವಹಾರಕ್ಕೆ ಬಳಸಲಾಗಿದೆಯೇ ಎಂಬ ಬಗ್ಗೆ ಪೆÇಲೀಸರಿಗೆ ಯಾವುದೇ ಸುಳಿವು ಸಿಕ್ಕಿಲ್ಲ. ಕೀರ್ತನಾ ಜೊತೆಗಿನ ಹಣ ವಹಿವಾಟಿನಲ್ಲಿ ಜಿಜಿನ್ ಪ್ರಮುಖ ಕೊಂಡಿ. ಅನೇಕ ಜನರು ಅವನ ಖಾತೆಯ ಮೂಲಕ ಸುಮಾರು ಒಂದು ಕೋಟಿ ರೂಪಾಯಿಗಳ ವಹಿವಾಟುಗಳನ್ನು ನಡೆಸಿದ್ದಾರೆ.

ಪ್ರಸ್ತುತ, ಮೂವರು ಶಿಕ್ಷಕರು ಸೇರಿದಂತೆ ಐದು ಜನರು ರಿಮಾಂಡ್‍ನಲ್ಲಿದ್ದಾರೆ. ಐದನೇ ಆರೋಪಿ, ಇರಿಟ್ಟಿಯ ಮೂಲದ ಜಿಜಿನ್ ಕುರಿಯಾಕೋಸ್ ನ್ಯಾಯಾಂಗ ಬಂಧನದಲ್ಲಿದ್ದು, ಆತನನ್ನು ಮೊನ್ನೆ ಇನ್ನೊಂದು ಪ್ರಕರಣದಲ್ಲಿ ಬಂಧಿಸಲಾಗಿದೆ. ಈ ಪ್ರಕರಣದಲ್ಲಿ ಶುಕ್ರವಾರ ಜಿಜಿನ್‍ನನ್ನು ನ್ಯಾಯಾಲಯಕ್ಕೆ ಹಾಜರುಪಡಿಸಲಾಯಿತು. ಈ ಪ್ರಕರಣದಲ್ಲಿಯೂ ಜಿಜಿನ್‍ನನ್ನು ರಿಮಾಂಡ್ ಮಾಡಲಾಗಿದೆ.