ತ್ಯಾಜ್ಯ ನಿರ್ವಹಣೆಗೆ ಮಾದರಿಯಾದ ಓಣಂ

ತಿರುವನಂತಪುರಂ: ಹಸಿರು ಓಣಂ 2026 ಅಭಿಯಾನದ ಭಾಗವಾಗಿ, ಶುಚಿತ್ವ ಮಿಷನ್ ರಾಜ್ಯ ಮಟ್ಟದಲ್ಲಿ ವ್ಯಾಪಕವಾದ ಹಸಿರು ಶಿಷ್ಟಾಚಾರ ಚಟುವಟಿಕೆಗಳನ್ನು ನಡೆಸಿತು.

ಚಟುವಟಿಕೆಗಳನ್ನು ಯೋಜಿಸಲು ಹಸಿರು ಶಿಷ್ಟಾಚಾರ ಉಪಸಮಿತಿಯನ್ನು ರಚಿಸಲಾಯಿತು ಮತ್ತು ವಿವಿಧ ಓಣಂ ವಾರಾಚರಣಾ ಸಮಿತಿಗಳಿಗೆ ಮಾರ್ಗಸೂಚಿಗಳನ್ನು ಒದಗಿಸಲಾಯಿತು. 

''ಹಸಿರು ಓಣಂ 2026'' ಎಂಬ ಬ್ರ್ಯಾಂಡಿಂಗ್ ಅಡಿಯಲ್ಲಿ ರಾಜ್ಯದಾದ್ಯಂತ ಅಭಿಯಾನ ಕಾರ್ಯಕ್ರಮಗಳನ್ನು ಸಹ ಆಯೋಜಿಸಲಾಯಿತು. ಮಲಪ್ಪುರಂ ಜಿಲ್ಲೆಯಲ್ಲಿ ತ್ಯಾಜ್ಯ ವಸ್ತುಗಳನ್ನು ಬಳಸಿ ತಯಾರಿಸಿದ ತ್ಯಾಜ್ಯದಿಂದ ಕಲೆಯ ಪೂಕಳಂ ಗಮನಾರ್ಹವಾಗಿತ್ತು.

ತಿರುವನಂತಪುರಂ ಕಾಪೆರ್Çರೇಷನ್ ಮತ್ತು ಸ್ಥಳೀಯ ಸ್ವ-ಸರ್ಕಾರಿ ಸಂಸ್ಥೆಗಳ ಸಹಯೋಗದೊಂದಿಗೆ, ಪ್ಲಾಸ್ಟಿಕ್ ಬಳಕೆಯನ್ನು ನಿಯಂತ್ರಿಸಲು ತಿರುವನಂತಪುರಂ ಜಿಲ್ಲೆಯ ವಿವಿಧ ಓಣಂ ಸ್ಥಳಗಳಲ್ಲಿ ಹಸಿರು ಸ್ವಯಂಸೇವಕರಿಗೆ ತರಬೇತಿ ನೀಡಿ ನಿಯೋಜಿಸಲಾಯಿತು.

ಹಸಿರು ಕ್ರಿಯಾಸೇನೆ ಮತ್ತು ನೈರ್ಮಲ್ಯ ಕಾರ್ಯಕರ್ತರ ಸೇವೆಗಳನ್ನು ಖಚಿತಪಡಿಸಿಕೊಳ್ಳಲಾಯಿತು, ಸಾವಯವ ಮತ್ತು ಅಜೈವಿಕ ತ್ಯಾಜ್ಯಗಳ ಸಂಗ್ರಹಕ್ಕಾಗಿ ಬಿನ್‍ಗಳನ್ನು ಸ್ಥಾಪಿಸಲಾಯಿತು ಮತ್ತು ಆಹಾರ ಉತ್ಸವ ಪ್ರದೇಶದಲ್ಲಿ ಮರುಬಳಕೆ ಮಾಡಬಹುದಾದ ಪಾತ್ರೆಗಳನ್ನು ಸಿದ್ಧಪಡಿಸಲಾಯಿತು. ಹಸಿರು ಓಣಂ ಆಚರಣೆಯ ಸಂದೇಶವನ್ನು ಹರಡಲು ಮಾವೇಲಿ ಯಾತ್ರೆಯನ್ನು ಸಹ ಆಯೋಜಿಸಲಾಗಿತ್ತು.

ರಾಜಧಾನಿ ಮತ್ತು ಸುತ್ತಮುತ್ತಲಿನ ಪ್ರದೇಶಗಳಲ್ಲಿನ ಓಣಂ ಆಚರಣೆಯ ಸ್ಥಳಗಳಿಂದ 2,200 ಕೆಜಿ ಅಜೈವಿಕ ತ್ಯಾಜ್ಯ ಮತ್ತು 5,200 ಕೆಜಿ ಸಾವಯವ ತ್ಯಾಜ್ಯವನ್ನು ಸಂಗ್ರಹಿಸಿ ವೈಜ್ಞಾನಿಕವಾಗಿ ಸಂಸ್ಕರಿಸಲಾಯಿತು. ಪ್ರತಿದಿನ 50,000 ಕ್ಕೂ ಹೆಚ್ಚು ಜನರು ಭೇಟಿ ನೀಡುವ ಸ್ಥಳಗಳಲ್ಲಿ ತ್ಯಾಜ್ಯದ ಪ್ರಮಾಣವನ್ನು 200 ಟನ್‍ಗಳಿಗೆ ಇಳಿಸಲಾಯಿತು.