ಜಿಲ್ಲಾ ಯೋಜನಾ ಸಮಿತಿಗೆ ಐವರು ಜಿಲ್ಲಾ ಪಂಚಾಯತ್ ಸದಸ್ಯರ ಅವಿರೋಧ ಆಯ್ಕೆ

ಕಾಸರಗೋಡು: ಜಿಲ್ಲಾ ಯೋಜನಾ ಕಚೇರಿ ಮತ್ತು ಕಲೆಕ್ಟರೇಟ್ ಚುನಾವಣಾ ವಿಭಾಗದ ನೇತೃತ್ವದಲ್ಲಿ ಜಿಲ್ಲಾ ಯೋಜನಾ ಸಮಿತಿಗೆ ಚುನಾವಣೆ ನಡೆಯಿತು. ಐದು ಜಿಲ್ಲಾ ಪಂಚಾಯತ್ ಸದಸ್ಯರು ಅವಿರೋಧವಾಗಿ ಆಯ್ಕೆಯಾದರು. ಕೆ. ಕೃಷ್ಣನ್ ಓಕ್ಲಾವ್, ಜಸ್ನಾ ಮನಾಫ್, ಕೆ.ಕೆ. ಸೋಯಾ, ರೀನಾ ಥಾಮಸ್ ಮತ್ತು ಸುಕುಮಾರಿ ಶ್ರೀಧರನ್ ಅವಿರೋಧವಾಗಿ ಆಯ್ಕೆಯಾದರು. ಚುನಾವಣಾ ಉಪ ಕಲೆಕ್ಟರ್

ಕೆ. ಅಜೇಶ್ ನೇತೃತ್ವದಲ್ಲಿ ಚುನಾವಣೆ ನಡೆಯಿತು.

ಜಿಲ್ಲಾ ಯೋಜನಾ ಅಧಿಕಾರಿ ಬಿ.ಎಂ. ಅನಿಲ್‍ಕುಮಾರ್, ಎಲ್‍ಎಸ್‍ಜಿಡಿ ಜೆ.ಡಿ. ಕೆ.ವಿ. ಹರಿದಾಸ್, ಉಪ ಜಿಲ್ಲಾ ಯೋಜನಾ ಅಧಿಕಾರಿ ರಿಜು ಮ್ಯಾಥ್ಯೂ, ಸಹಾಯಕ ಜಿಲ್ಲಾ ಯೋಜನಾ ಅಧಿಕಾರಿ ಸಿ.ಎಂ. ಸುಧೀಶ್ ಕುಮಾರ್, ಜಿಲ್ಲಾ ಪಂಚಾಯತ್ ಕಾರ್ಯದರ್ಶಿ ಎಸ್.ಬಿ. ಜು, ಮತ್ತು ಚುನಾವಣಾ ವಿಭಾಗದ ಕಿರಿಯ ಸೂಪರಿಂಟೆಂಡೆಂಟ್ ಎ. ರಾಜೀವನ್ ಚುನಾವಣೆಯ ಮೇಲ್ವಿಚಾರಣೆ ನಡೆಸಿದರು.

.ಜಿಲ್ಲಾ ಯೋಜನಾ ಸಮಿತಿಯಲ್ಲಿ 12 ಸದಸ್ಯರಿದ್ದಾರೆ. ಹತ್ತು ಸದಸ್ಯರು ಜಿಲ್ಲಾ ಪಂಚಾಯತ್‍ನಿಂದ ಮತ್ತು ಇಬ್ಬರು ಸದಸ್ಯರು ಪುರಸಭೆಯಿಂದ ಬಂದಿದ್ದಾರೆ. ಐದು ಸದಸ್ಯರ ಆಯ್ಕೆಯೊಂದಿಗೆ, ಉಳಿದ ಸದಸ್ಯರ ಚುನಾವಣೆ ಇಂದು (ಆಗಸ್ಟ್ 18) ಮತ್ತು 20 ರಂದು ಜಿಲ್ಲಾ ಪಂಚಾಯತ್ ಸಭಾಂಗಣದಲ್ಲಿ ನಡೆಯಲಿದೆ.