ಶಬರಿಮಲೆ ದರ್ಶನಕ್ಕೆ ತಡೆ, ಇರುಮುಡಿ ಕಟ್ಟನ್ನು ಬಲವಂತವಾಗಿ ತೆಗೆಸಿದರು: ಸತ್ಯಶ್ರೀ ಶರ್ಮಿಳಾ ರಹಮತಾಲಿ

ಕೊಚ್ಚಿ: ಶಬರಿಮಲೆಗೆ ಭೇಟಿ ನೀಡದಂತೆ ಪೋಲೀಸರು ತಡೆದಿದ್ದಾರೆ ಎಂದು ಆರೋಪಿಸಿ ಲಿಂಗಪರಿವರ್ತಿತ ಮಹಿಳೆಯೊಬ್ಬರು ನೀಡಿದ ದೂರಿನ ಮೇರೆಗೆ ಹೈಕೋರ್ಟ್ ಸರ್ಕಾರ ಮತ್ತು ತಿರುವಾಂಕೂರು ದೇವಸ್ವಂ ಮಂಡಳಿಯಿಂದ ವಿವರಣೆ ಕೇಳಿದೆ. 

ತಮಿಳುನಾಡು ಮೂಲದ 48 ವರ್ಷದ ಸತ್ಯಶ್ರೀ ಶರ್ಮಿಳಾ ರಹಮತಾಲಿ ಅವರು ಅರ್ಜಿಯೊಂದಿಗೆ ನ್ಯಾಯಾಲಯವನ್ನು ಸಂಪರ್ಕಿಸಿದರು.

ನ್ಯಾಯಾಲಯವು ಅರ್ಜಿಯನ್ನು ಸ್ವೀಕರಿಸಲಿಲ್ಲ ಮತ್ತು ನೋಟಿಸ್‍ಗೆ ಆದೇಶಿಸಿತು. ಸತ್ಯಶ್ರೀ ಅವರು ಉಪವಾಸ ಮಾಡಿ ಶಬರಿಮಲೆಗೆ ಭೇಟಿ ನೀಡಿದ ನಂತರ ಅವರು ಲಿಂಗಪರಿವರ್ತಿತರು ಎಂಬ ಕಾರಣಕ್ಕೆ ಪೆÇಲೀಸರು ತಮ್ಮನ್ನು ತಡೆದಿದ್ದಾರೆ ಎಂದು ಆರೋಪಿಸಿದ್ದಾರೆ.ಪಂಪಾ ಗಣಪತಿ ಕೋವಿಲ್ ಬಳಿ ಈ ಘಟನೆ ನಡೆದಿದೆ.

ಲಿಂಗಪರಿವರ್ತಿತರಿಗೆ ಬೆಟ್ಟ ಹತ್ತಲು ಅವಕಾಶ ನೀಡಬಾರದು ಎಂದು ತಿರುವಾಂಕೂರು ದೇವಸ್ವಂ ಮಂಡಳಿಯಿಂದ ಸೂಚನೆ ಇದೆ ಎಂದು ತಿಳಿಸಿದ ಪೋಲೀಸರು ತಮ್ಮನ್ನು ತಡೆದಿದ್ದಾರೆ ಎಂದು ಅರ್ಜಿಯಲ್ಲಿ ಹೇಳಲಾಗಿದೆ.

ಈ ಬಾರಿ ತಮ್ಮನ್ನು ತಡೆದಿರುವುದು ತಾರತಮ್ಯದ ಕೃತ್ಯ ಎಂದು ಸತ್ಯಶ್ರೀ ಅವರು ಆರೋಪಿಸಿದ್ದಾರೆ, ಅವರು ಈ ಹಿಂದೆ ಶಬರಿಮಲೆಗೆ ಭೇಟಿ ನೀಡಿದ್ದರು.

ತಮಿಳುನಾಡಿನಿಂದ ವೈದ್ಯಕೀಯ ಪ್ರಮಾಣಪತ್ರವನ್ನು ನೀಡುವಂತೆ ಕೇಳಿ ನಂತರ ತನ್ನನ್ನು ವಾಪಸ್ ಕಳುಹಿಸಲಾಗಿದೆ ಎಂದು ಅವರು ತಮ್ಮ ಅರ್ಜಿಯಲ್ಲಿ ಉಲ್ಲೇಖಿಸಿದ್ದಾರೆ.

ತನ್ನ ಇರುಮುಡಿಕಟ್ಟನ್ನು ಬಲವಂತವಾಗಿ ತೆಗೆದುಕೊಂಡು ಹೋಗಲಾಗಿದೆ ಮತ್ತು ಈ ಘಟನೆಯು ತನಗೆ ತೀವ್ರ ಮಾನಸಿಕ ಯಾತನೆಯನ್ನುಂಟು ಮಾಡಿದೆ ಎಂದು ಸತಿಶ್ರೀ ಹೇಳುತ್ತಾರೆ. ಸೆಪ್ಟೆಂಬರ್ 3 ರಂದು ಹೈಕೋರ್ಟ್ ಅರ್ಜಿಯನ್ನು ಮತ್ತೆ ಪರಿಗಣಿಸಲಿದೆ.