ಶಬರಿಮಲೆಯ ನೀಲಕ್ಕಲ್ ಹೆಲಿಪ್ಯಾಡ್‍ಗೆ ಇಳಿಯದೆ ಹಿಂತಿರುಗಿದ ಭಾರತೀಯ ವಾಯುಪಡೆಯ ಹೆಲಿಕಾಪ್ಟರ್: ಗೊಂದಲ ಮತ್ತು ಭೀತಿ ಸೃಷ್ಟಿ

ನಿಲಕ್ಕಲ್: ಶಬರಿಮಲೆಯ ನಿಲಕ್ಕಲ್ ನಲ್ಲಿ ಇಳಿಯದೆ ಹಿಂತಿರುಗಿದ ಭಾರತೀಯ ವಾಯುಪಡೆಯ ಹೆಲಿಕಾಪ್ಟರ್ ಗೊಂದಲ ಮತ್ತು ಭೀತಿಯನ್ನುಂಟುಮಾಡಿದೆ. 

ZP5151 ನೋಂದಣಿ ಸಂಖ್ಯೆಯ ಭಾರತೀಯ ವಾಯುಪಡೆಯ ಹೆಲಿಕಾಪ್ಟರ್ ನಿಲಕ್ಕಲ್‍ನಲ್ಲಿರುವ ಹೆಲಿಪ್ಯಾಡ್‍ನ ಮೇಲೆ ಇಳಿಯಲಿತ್ತು. ಹೆಲಿಪ್ಯಾಡ್‍ನಲ್ಲಿ ಇಳಿಯುತ್ತದೆ ಎಂದು ಭಾವಿಸಲಾಗಿದ್ದರೂ, ಹೆಲಿಕಾಪ್ಟರ್ ಸುಮಾರು 10 ಸೆಕೆಂಡುಗಳ ಕಾಲ ಗಾಳಿಯಲ್ಲಿಯೇ ಸುತ್ತಾಡಿ ಹಿಂತಿರುಗಿತು.

ನಿಲಕ್ಕಲ್‍ನಲ್ಲಿ ಕರ್ತವ್ಯದಲ್ಲಿದ್ದ ಪೋಲೀಸರಿಗೆ ಹೆಲಿಕಾಪ್ಟರ್ ಆಗಮನದ ಬಗ್ಗೆ ಅಥವಾ ಅದು ಹಿಂತಿರುಗಲು ಕಾರಣದ ಬಗ್ಗೆ ಯಾವುದೇ ಮುಂಗಡ ಮಾಹಿತಿ ಲಭಿಸಿಲ್ಲ.

ಐಎಎಫ್ ಹೆಲಿಕಾಪ್ಟರ್ ಹೈ ಸೆಕ್ಯುರಿಟಿ ಪ್ರದೇಶವಾದ ಶಬರಿಮಲೆಯಲ್ಲಿ ಮತ್ತು ಸುತ್ತಮುತ್ತ ಭದ್ರತಾ ಪರಿಶೀಲನೆ ನಡೆಸುತ್ತಿದೆಯೇ ಅಥವಾ ವೀಕ್ಷಣಾ ಹಾರಾಟದಲ್ಲಿದೆಯೇ ಎಂಬುದು ಆರಂಭದಲ್ಲಿ ಸ್ಪಷ್ಟವಾಗಿಲ್ಲ.

ಆದಾಗ್ಯೂ, ಘಟನೆ ವರದಿಯಾದ ನಂತರ, ಭಾರತೀಯ ವಾಯುಪಡೆಯು ಇದು ನೈಸರ್ಗಿಕ ವಿಕೋಪ ಪರಿಹಾರ ಕಾರ್ಯಾಚರಣೆಗಳ ಭಾಗವಾಗಿ ಪರೀಕ್ಷಾರ್ಥ ಹಾರಾಟ ಎಂದು ಸ್ಪಷ್ಟಪಡಿಸಿತು. ಪೋಲೀಸರಿಗೆ ಎಟಿಎಸ್‍ನಿಂದ ಈ ಬಗ್ಗೆ ಮಾಹಿತಿ ಕೊನೆಗೂ ಲಭಿಸಿತು. ಜಟಾಯು ಪಾರಾ ಮತ್ತು ನೀಲಕ್ಕಲ್‍ನಲ್ಲಿ ವೀಕ್ಷಣೆ ನಡೆಸಲಾಯಿತು.