ನೇಪಾಳ ಪ್ರವಾಹದ ವೇಳೆ 39 ರಾಷ್ಟ್ರಗಳ 590 ಪ್ರವಾಸಿಗರು ನಾಪತ್ತೆ

ಕಠ್ಮಂಡು: ಪ್ರವಾಹದ ವೇಳೆ 39 ರಾಷ್ಟ್ರಗಳ 590 ಮಂದಿ ನಾಪತ್ತೆಯಾಗಿದ್ದಾರೆ ಎಂದು ನೇಪಾಳ ವಿದೇಶಾಂಗ ಸಚಿವಾಲಯ ಸೋಮವಾರ ತಿಳಿಸಿದೆ.

ಇದುವರೆಗೆ ಸುಮಾರು 323 ವಿದೇಶಿಗರನ್ನು ರಕ್ಷಿಸಲಾಗಿದೆ ಎಂದು ಸಚಿವಾಲಯದ ವಕ್ತಾರ ಲೋಕ್‌ ಬಹದ್ದೂರ್‌ ಛೆಟ್ರಿ ಹೇಳಿದ್ದಾರೆ.

ನೇಪಾಳ ಮತ್ತು ಟಿಬೆಟ್ ಗಡಿಭಾಗದಲ್ಲಿ ಸಂಭವಿಸಿದ ಹಠಾತ್ ಪ್ರವಾಹದಲ್ಲಿ ಮೃತಪಟ್ಟವರ ಸಂಖ್ಯೆ 930ಕ್ಕೆ ಏರಿಕೆಯಾಗಿದೆ.

3,000ಕ್ಕೂ ಅಧಿಕ ಮಂದಿ ನಾಪತ್ತೆಯಾಗಿದ್ದಾರೆ ಎಂದು ವರದಿಯಾಗಿದೆ.

ಅವಶೇಷಗಳ ಅಡಿಯಲ್ಲಿ ಸಿಲುಕಿರುವವರ ರಕ್ಷಣೆಗೆ ಸಮರೋಪಾದಿಯಲ್ಲಿ ಕಾರ್ಯಾಚರಣೆ ನಡೆಸುತ್ತಿವೆ. ಭಾರತ ಸೇರಿದಂತೆ ಹಲವು ದೇಶಗಳು, ಮಾನವೀಯ ನೆರವಿನ ಹಸ್ತ ಚಾಚಿವೆ.