ಸಂಸತ್ತಿನ ಜಂಟಿ ಸಮಿತಿಗೆ ಇಬ್ಬರು ವಿಶೇಷ ಆಹ್ವಾನಿತರ ನೇಮಕ

ನವದೆಹಲಿ: ಅಪರೂಪದ ನಡೆಯಲ್ಲಿ, ಲೋಕಸಭಾ ಸ್ಪೀಕರ್‌ ಓಂ ಬಿರ್ಲಾ ಅವರು, ವಿದೇಶಿ ದೇಣಿಗೆ ನಿಯಂತ್ರಣ (ತಿದ್ದುಪಡಿ) ಮಸೂದೆ -2026 (ಎಫ್‌ಸಿಆರ್‌ಎ) ಪರಿಶೀಲಿಸುವ ಸಂಸತ್ತಿನ ಎರಡೂ ಸದನಗಳ ಜಂಟಿ ಸಮಿತಿಗೆ (ಜೆಪಿಸಿ) ಇಬ್ಬರು ರಾಜ್ಯಸಭಾ ಸದಸ್ಯರನ್ನು 'ವಿಶೇಷ ಆಹ್ವಾನಿತರು' ಎಂದು ನಾಮನಿರ್ದೇಶನ ಮಾಡಿದ್ದಾರೆ. 

ಜಾವೇದ್ ಅಲಿ ಖಾನ್ ಮತ್ತು ಜೇಮ್ಸ್ ಪಂಗ್ಸಾಂಗ್ ಕೊಂಗ್ಕಲ್ ಸಂಗ್ಮಾ ಅವರನ್ನು ಜೆಪಿಸಿಗೆ ನಾಮನಿರ್ದೇಶನ ಮಾಡಲಾಗಿದೆ ಎಂದು ಲೋಕಸಭೆ ಪ್ರಕಟಣೆ ತಿಳಿಸಿದೆ.