ಮುಖ್ಯಮಂತ್ರಿಯ ಸಾಮಾಜಿಕ ಮಾಧ್ಯಮ ಸಂಯೋಜಕ ಮೊಹಮ್ಮದ್ ಹುಸೇನ್ ಗೆ ಅಂತರರಾಷ್ಟ್ರೀಯ ಮಾದಕವಸ್ತು ಜಾಲದೊಂದಿಗೆ ಸಂಪರ್ಕ: ಮಧ್ಯವರ್ತಿ ರಿಯಾ ಖಾನ್ ಮತ್ತು ಘಾನಾ ಪ್ರಜೆ ಬಂಧನ

ಕಾಸರಗೋಡು: ಮುಖ್ಯಮಂತ್ರಿಯವರ ಸಾಮಾಜಿಕ ಮಾಧ್ಯಮ ಸಂಯೋಜಕ ಮೊಹಮ್ಮದ್ ಹುಸೇನ್ ಅಂತರರಾಷ್ಟ್ರೀಯ ಮಾದಕವಸ್ತು ಜಾಲದೊಂದಿಗೆ ಸಂಪರ್ಕ ಹೊಂದಿದ್ದಾರೆ ಎಮದು ತಿಳಿದುಬಂದಿದೆ.

ಕಾಲಿಕಡವು ಎಂಡಿಎಂಎ ಪ್ರಕರಣದಲ್ಲಿ ಗುಜರಾತಿ ಮಹಿಳೆ ಮತ್ತು ಘಾನಾ ಪ್ರಜೆಯನ್ನು ಬಂಧಿಸಿದ ನಂತರ ಈ ಮಾಹಿತಿ ಹೊರಬಿದ್ದಿದೆ. ಇದರೊಂದಿಗೆ ಪ್ರಕರಣದಲ್ಲಿ ಬಂಧಿತರ ಸಂಖ್ಯೆ ಏಳಕ್ಕೆ ಏರಿದೆ. 

ಗುಜರಾತ್‍ನ ಅಹಮದಾಬಾದ್ ಮೂಲದ ರಿಯಾ ಖಾನ್ ಅಲಿಯಾಸ್ ಸತಿ ಶೇಖ್ ಮತ್ತು ಘಾನಾ ಪ್ರಜೆ ವಿಕ್ಟರ್ ದಾಸಬಾ ಅವರನ್ನು ಬಂಧಿಸಲಾಗಿದೆ. ಮಧ್ಯಪ್ರದೇಶದ ಗ್ವಾಲಿಯರ್‍ನಿಂದ ರಿಯಾ ಖಾನ್ ನನ್ನು ಪೋಲೀಸರು ವಶಕ್ಕೆ ಪಡೆದಿದ್ದಾರೆ. ಪ್ರಕರಣದಲ್ಲಿ ರಿಯಾ ಖಾನ್ ನನ್ನು ಪ್ರಮುಖ ಮಧ್ಯವರ್ತಿ ಎಂದು ತನಿಖಾ ತಂಡ ಶಂಕಿಸಿದೆ.

ಘಾನಾ ಪ್ರಜೆ ವಿಕ್ಟರ್ ದಾಸಬಾ ನನ್ನು ಕೊಲ್ಲಂನಿಂದ ಡಿವೈಎಸ್‍ಪಿ ಎಂ.ವಿ. ಅನಿಲ್‍ಕುಮಾರ್ ನೇತೃತ್ವದ ತನಿಖಾ ತಂಡ ಬಂಧಿಸಿದೆ. ವಿಕ್ಟರ್ ದಾಸಬಾ ವಿರುದ್ಧ ಕೇರಳದ ವಿವಿಧ ಠಾಣೆಗಳಲ್ಲಿ ಮಾದಕವಸ್ತು ಪ್ರಕರಣಗಳು ದಾಖಲಾಗಿವೆ. ಕೋಝಿಕ್ಕೋಡ್ ನಡಕ್ಕಾವು ಮತ್ತು ಕೊಲ್ಲಂ ಕೊಟ್ಟಿಯಂ ಪೆÇಲೀಸ್ ಠಾಣೆಗಳಲ್ಲಿ ಮಾದಕವಸ್ತು ಪ್ರಕರಣಗಳಲ್ಲಿಯೂ ಈತ ಆರೋಪಿಯಾಗಿದ್ದಾನೆ. ತನಿಖಾ ತಂಡವು ಕೊಲ್ಲಂನ ಟ್ರಾನ್ಸಿಟ್ ಹೋಂನಿಂದ ಆತನನ್ನು ವಶಕ್ಕೆ ತೆಗೆದುಕೊಂಡಿತು.

ಆಗಸ್ಟ್ 9 ರಂದು, ಯುವ ಕಾಂಗ್ರೆಸ್ ನಾಯಕ ಮತ್ತು ಮುಖ್ಯಮಂತ್ರಿ ವಿ.ಡಿ. ಸತೀಶನ್ ಅವರ ಸಾಮಾಜಿಕ ಮಾಧ್ಯಮ ಸಂಯೋಜಕ ಮೊಹಮ್ಮದ್ ಹುಸೇನ್ ಮತ್ತು ಅವರ ತಂಡವನ್ನು 139.29 ಗ್ರಾಂ ಎಂಡಿಎಂಎ ಜೊತೆ ಬಂಧಿಸಲಾಯಿತು. ಆರೋಪಿಗಳನ್ನು ವಿಚಾರಣೆ ನಡೆಸಿದಾಗ ಪಡೆದ ಮಾಹಿತಿಯು ತನಿಖಾ ತಂಡಕ್ಕೆ ಅಂತರರಾಷ್ಟ್ರೀಯ ಮಾದಕವಸ್ತು ಜಾಲದ ಸಂಪರ್ಕದ ಬಗ್ಗೆ ತಿಳಿಸಿತು.

ವಿಕ್ಟರ್ ದಾಸಬಾ ನನ್ನು ಮಂಗಳವಾರ ಸಂಜೆ ಹೊಸದುರ್ಗ ಮ್ಯಾಜಿಸ್ಟ್ರೇಟ್ ನ್ಯಾಯಾಲಯದ ಮುಂದೆ ಹಾಜರುಪಡಿಸಲಾಗುವುದು. ಕೇರಳಕ್ಕೆ ಕರೆತಂದ ಮೂರು ದಿನಗಳ ನಂತರ ರಿಯಾ ಖಾನ್ ನನ್ನು ನ್ಯಾಯಾಲಯಕ್ಕೆ ಹಾಜರುಪಡಿಸಲಾಗುವುದು.