ಶಿಕ್ಷಣಾಧಿಕಾರಿಗಳ ಪ್ರಾದೇಶಿಕ ಸಭೆ

ಕಾಸರಗೋಡು: ಕಾಸರಗೋಡು ಮತ್ತು ಕಣ್ಣೂರು ಜಿಲ್ಲೆಗಳ ಶಿಕ್ಷಣಾಧಿಕಾರಿಗಳ ಪ್ರಾದೇಶಿಕ ಸಭೆ ನಿನ್ನೆ ಕಾಸರಗೋಡಿನಲ್ಲಿ ನಡೆಯಿತು. ಸಾಮಾನ್ಯ ಶಿಕ್ಷಣ ಇಲಾಖೆಯ ವಿಶೇಷ ಕಾರ್ಯದರ್ಶಿ ಡಾ. ಡಿ. ಸಜಿತ್ ಬಾಬು ಉದ್ಘಾಟಿಸಿದರು. ಕಾಸರಗೋಡಿನ ಹೊಸ ಬಸ್ ನಿಲ್ದಾಣದಲ್ಲಿರುವ ಆರ್.ಕೆ. ಮಾಲ್ ಸಭಾಂಗಣದಲ್ಲಿ ನಡೆದ ಸಭೆಯ ಅಧ್ಯಕ್ಷತೆಯನ್ನು ಉನ್ನತ ಮಾಧ್ಯಮಿಕ ಶಿಕ್ಷಣ ಇಲಾಖೆಯ ಜಂಟಿ ನಿರ್ದೇಶಕ ಅಶ್ರಫ್ ವಹಿಸಿದ್ದರು. ಜಂಟಿ ನಿರ್ದೇಶಕ ಎ. ಅಬುಬಕರ್, ಕ್ಯೂ.ಐ.ಪಿ. ಡಿಡಿ ಶಿವದಾಸನ್, ಕಾಸರಗೋಡು ಡಿಡಿಇ ಪಿ.ವಿ. ರಫೀಕ್, ಕಣ್ಣೂರು ಡಿಡಿಇ ಶೈನಿ ಹರಿದಾಸ್ ಮತ್ತು ಇತರರು ಮಾತನಾಡಿದರು. ಕಣ್ಣೂರು ಮತ್ತು ಕಾಸರಗೋಡು ಜಿಲ್ಲೆಗಳ ಡಿಇಒಗಳು, ಎಇಒಗಳು, ಸೂಪರಿಂಟೆಂಡೆಂಟ್‍ಗಳು ಮತ್ತು ಡಿಡಿಇ ಮತ್ತು ಡಿಡಿ ಕಚೇರಿಗಳ ಗುಮಾಸ್ತರು ಭಾಗವಹಿಸಿದ್ದರು.