ಮಧೂರು ಕ್ಷೇತ್ರದಲ್ಲಿ ಸಂಭ್ರಮದ ಶ್ರೀವಿನಾಯಕ ಚತುರ್ಥಿ

ಮಧೂರು: ಕುಂಬಳೆ ಸೀಮೆಯ ಪ್ರಮುಖ ನಾಲ್ಕು ದೇಗುಲಗಳಲ್ಲಿ ಒಂದಾದ ಇತಿಹಾಸ ಪ್ರಸಿದ್ಧ ಮಧೂರು ಶ್ರೀ ಮದನಂತೇಶ್ವರ ಸಿದ್ಧಿವಿನಾಯಕ ದೇವಸ್ಥಾನದಲ್ಲಿ ಶ್ರೀ ವಿನಾಯಕ ಚತುರ್ಥಿ ಸೋಮವಾರ ಭಕ್ತಿ, ಸಂಭ್ರಮದಿಂದ ನೆರವೇರಿತು. ಬೆಳಗ್ಗೆ 4ರಿಂದಲೇ ಭಕ್ತಾದಿಗಳು ದೇವಾಲಯಕ್ಕೆ ಬರಲರಂಭಿಸಿದ್ದು, ಮಧ್ಯಾಹ್ನದ ವೇಳೆಗೆ ಭಕ್ತಾದಿಗಳ ದಟ್ಟಣೆ ಹೆಚ್ಚಾಗಿತ್ತು.  

ಬೆಳಗ್ಗೆ ದೇವಾಲಯ ಅರ್ಚಕರಿಂದ ವಿಶೇಷ ಗಣಪತಿ ಹವನ  ನಡೆಯಿತು. ನಂತರ ಹರಿ ಓಂ ನಾರಾಯಣೀಯಂ ಸಮಿತಿ ಧನಲಕ್ಷ್ಮೀ ವಾರಿಯರ್ ಬಳಗದವರಿಂದ ಭಜನೆ, ಹಿರಿಯ ಕಲಾವಿದ ವೆಳ್ಳಿಕ್ಕೋತ್ ವಿಷ್ಣು ಭಟ್ ಬಳಗದವರಿಂದ ಸಂಗೀತ ಸೇವಾ ಕಾರ್ಯಕ್ರಮ ನಡೆಯಿತು.

ಈಸಂದರ್ಭ ದೇಗುಲದ ಸಭಾಂಗಣದಲ್ಲಿ ಶಿವಾಜಿ ಕಲಾ ಸಂಘದ ಅಶ್ರಯದಲ್ಲಿ ಸ್ಥಳದಲ್ಲೇ ಚಿತ್ರ ರಚನಾ ಸ್ಪರ್ಧೆ ಆಯೋಜಿಸಲಾಗಿತ್ತು.  ವಿವಿಧ ಸಾಂಸ್ಕøತಿಕ ಕಾರ್ಯಕ್ರಮ ಆಯೋಜಿಸಲಾಗಿತ್ತು.