ರಾಜ್ಯಮಟ್ಟದ ಶಾಲಾ ಕ್ರೀಡಾಕೂಟದ ಜ್ಯೋತಿ ಯಾತ್ರೆಗೆ ಅದ್ಧೂರಿ ಚಾಲನೆ

ಯುವಜನತೆಯನ್ನು ಮಾದಕ ವ್ಯಸನದಿಂದ ದೂರವಿಡುವಲ್ಲಿ ಕಲೆ ಮತ್ತು ಕ್ರೀಡಾ ಕ್ಷೇತ್ರಗಳ ಪಾತ್ರ ಮಹತ್ವದ್ದು: ಶಾಸಕ ಗೋವಿಂದನ್ ಪಳ್ಳಿಕ್ಕಾಪಿಲ್

ಕಾಸರಗೋಡು: ಅಕ್ಟೋಬರ್ 25ರಿಂದ 31ರವರೆಗೆ ಕೋಝಿಕ್ಕೋಡ್‌ನಲ್ಲಿ ನಡೆಯಲಿರುವ 68ನೇ ರಾಜ್ಯಮಟ್ಟದ ಶಾಲಾ ಕ್ರೀಡಾಕೂಟದ ಜ್ಯೋತಿ ಯಾತ್ರೆಗೆ ಅದ್ಧೂರಿ ಚಾಲನೆ ದೊರೆಯಿತು.

ಚಾಯ್ಯೋತ್ ಸರ್ಕಾರಿ ಹೈಯರ್ ಸೆಕೆಂಡರಿ ಶಾಲೆಯಲ್ಲಿ ನಡೆದ ಸಮಾರಂಭದಲ್ಲಿ ಶಾಸಕ ಗೋವಿಂದನ್ ಪಳ್ಳಿಕ್ಕಾಪಿಲ್ ಜ್ಯೋತಿಯನ್ನು ಬೆಳಗಿಸುವ ಮೂಲಕ ಕಾರ್ಯಕ್ರಮಕ್ಕೆ ಚಾಲನೆ ನೀಡಿದರು. ಬಳಿಕ ಅಂತರರಾಷ್ಟ್ರೀಯ ಡಿಸ್ಕಸ್ ಎಸೆತಗಾರ ಕೆ.ಸಿ. ಸರ್ವನ್ ಅವರಿಗೆ ಜ್ಯೋತಿಯನ್ನು ಹಸ್ತಾಂತರಿಸಲಾಯಿತು.

ಇಂದಿನ ಸಮಾಜ ಎದುರಿಸುತ್ತಿರುವ ಪ್ರಮುಖ ಸವಾಲುಗಳಲ್ಲಿ ರಾಸಾಯನಿಕ ಮಾದಕ ವಸ್ತುಗಳ ಬಳಕೆಯೂ ಒಂದಾಗಿದೆ ಎಂದು ಶಾಸಕ ಗೋವಿಂದನ್ ಪಳ್ಳಿಕ್ಕಾಪಿಲ್ ಹೇಳಿದರು. ‘ಜೀವನವೇ ನಿಜವಾದ ನಶೆ’ ಎಂಬ ಅರಿವಿನೊಂದಿಗೆ ಯುವಜನತೆ ಮುನ್ನಡೆಯಬೇಕು. ಯುವಜನತೆಯನ್ನು ಮಾದಕ ವ್ಯಸನದಿಂದ ಮುಕ್ತಗೊಳಿಸಿ ಆರೋಗ್ಯಕರ ಜೀವನಶೈಲಿಯತ್ತ ಕೊಂಡೊಯ್ಯುವಲ್ಲಿ ಕಲೆ ಮತ್ತು ಕ್ರೀಡಾ ಕ್ಷೇತ್ರಗಳು ನಿರ್ಣಾಯಕ ಪಾತ್ರ ವಹಿಸುತ್ತವೆ ಎಂದು ಅವರು ಅಭಿಪ್ರಾಯಪಟ್ಟರು.

ಕಿನಾನೂರು-ಕರಿಂತಳಂ ಗ್ರಾಮ ಪಂಚಾಯತ್ ಅಧ್ಯಕ್ಷ ಎಂ. ರಾಜನ್ ಸಮಾರಂಭದ ಅಧ್ಯಕ್ಷತೆ ವಹಿಸಿದ್ದರು.

ಜಿಲ್ಲಾ ಪಂಚಾಯತ್ ಸ್ಥಾಯಿ ಸಮಿತಿ ಸದಸ್ಯರಾದ ಎಂ. ಮನು, ಒಕ್ಲಾವ್ ಕೃಷ್ಣನ್, ಜಿಲ್ಲಾ ಪಂಚಾಯತ್ ಸದಸ್ಯೆ ಡಾ. ಸರೀನಾ ಸಲಾಂ, ಪರಪ್ಪ ಬ್ಲಾಕ್ ಪಂಚಾಯತ್ ಸ್ಥಾಯಿ ಸಮಿತಿ ಅಧ್ಯಕ್ಷ ಪಾರಕ್ಕೋಲ್ ರಾಜನ್, ಶಾಲಾ ಪ್ರಾಂಶುಪಾಲರಾದ ಕೆ.ಟಿ. ಸೀಮಾ, ಪಿಟಿಎ ಅಧ್ಯಕ್ಷ ಪಿ. ಮನೋಹರನ್, ಮದರ್ ಪಿಟಿಎ ಅಧ್ಯಕ್ಷೆ ಧನ್ಯ, ಒಲಿಂಪಿಯನ್ ಕುಂಜುಮೋಳ್, ಹೊಸದುರ್ಗ ಎಇಒ ಸುರೇಂದ್ರನ್, ಡಯಟ್ ಪ್ರತಿನಿಧಿ ಸಿ. ನಾರಾಯಣನ್, ಶಿಕ್ಷಣ ಇಲಾಖೆಯ ಜೂನಿಯರ್ ಸೂಪರಿಂಟೆಂಡೆಂಟ್ ಎಚ್.ಜೆ. ರಾಜೇಶ್, ಎಸ್‌ಎಂಸಿ ಅಧ್ಯಕ್ಷ ಕೆ. ಸತ್ಯನ್, ಸಮಗ್ರ ಶಿಕ್ಷಣ ಕೇರಳದ ಜಿಲ್ಲಾ ಯೋಜನಾ ಸಂಯೋಜಕ ಶೌಕತ್ತಲಿ, ಜಿಲ್ಲಾ ಕ್ರೀಡಾ ಸಂಯೋಜಕಿ ಪ್ರೀತಿಮೋಳ್, ಕಾರ್ಯದರ್ಶಿ ಬಿಜು ಮಾಸ್ಟರ್ ಹಾಗೂ ನ್ಯಾಷನಲ್ ಟೀಚರ್ಸ್ ವೆಲ್ಫೇರ್ ಫೌಂಡೇಶನ್‌ನ ಸಹಾಯಕ ಕಾರ್ಯದರ್ಶಿ ಮೊಯ್ದೀನ್ ಸೇರಿದಂತೆ ಹಲವರು ಉಪಸ್ಥಿತರಿದ್ದರು.

ಶಾಲೆಯ ಮುಖ್ಯೋಪಾಧ್ಯಾಯ ಎಂ. ಸುನಿಲ್ ಕುಮಾರ್ ಸ್ವಾಗತಿಸಿದರು. ಸಿಬ್ಬಂದಿ ಮಂಡಳಿ ಕಾರ್ಯದರ್ಶಿ ಪಿ.ವಿ. ಸುನಿಲ್ ವಂದಿಸಿದರು.