CJP ನಾಯಕರ ಬಿಡುಗಡೆಗೆ ಸರಕಾರದಿಂದ ಅಡ್ಡಿ: ಅಭಿಜೀತ್ ದೀಪ್ಕೆ ಆರೋಪ

ನವದೆಹಲಿ: ಸಿಜೆಪಿ (CJP) ಸಹ-ಸಂಯೋಜಕರಾದ ಸೌರವ್ ದಾಸ್ ಮತ್ತು ಅಶುತೋಷ್ ರಂಕಾ ಅವರ ಬಿಡುಗಡೆಗೆ ಅಡ್ಡಿಪಡಿಸಲು ಸರಕಾರವು ನ್ಯಾಯಾಲಯದ ಪ್ರಕ್ರಿಯೆಗಳನ್ನು ಉದ್ದೇಶಪೂರ್ವಕವಾಗಿ ವಿಳಂಬಗೊಳಿಸುತ್ತಿದೆ ಎಂದು ಅಭಿಜೀತ್ ದೀಪ್ಕೆ ಆರೋಪಿಸಿದ್ದಾರೆ.

ಸಾಮಾಜಿಕ ಮಾಧ್ಯಮ X ನಲ್ಲಿ ಈ ಕುರಿತು ಪ್ರತಿಕ್ರಿಯಿಸಿರುವ ಅವರು, ಇಬ್ಬರನ್ನು ಜೈಲಿನಲ್ಲಿ ಇರಿಸಿಕೊಳ್ಳಲು ಯಾವುದೇ ಕಾನೂನು ಆಧಾರವಿಲ್ಲ. 

ಹೀಗಾಗಿ, ಅವರ ಬಿಡುಗಡೆ ತಡೆಯಲು ಸರಕಾರ ವಿವಿಧ ವಿಳಂಬ ತಂತ್ರಗಳನ್ನು ಬಳಸುತ್ತಿದೆ ಎಂದು ಹೇಳಿದ್ದಾರೆ.

ನ್ಯಾಯಾಲಯದ ಪ್ರಕ್ರಿಯೆಗಳನ್ನು ವಿಳಂಬಗೊಳಿಸುವ ಮೂಲಕ ಸೌರವ್ ಮತ್ತು ಅಶುತೋಷ್ ಬಿಡುಗಡೆಯಾಗದಂತೆ ತಡೆಯಲು ಎಲ್ಲ ರೀತಿಯ ಕುತಂತ್ರಗಳನ್ನು ಅನುಸರಿಸಲಾಗುತ್ತಿದೆ ಎಂದು ದೀಪ್ಕೆ ಆರೋಪಿಸಿದ್ದಾರೆ.

ಇದೇ ಪ್ರಕರಣಕ್ಕೆ ಸಂಬಂಧಿಸಿದಂತೆ ಸಿಜೆಪಿ ಕಾನೂನು ವಿಭಾಗದ ಮುಖ್ಯಸ್ಥೆ ರತ್ನಾ ಸಿಂಗ್ ಕೂಡ ನ್ಯಾಯಾಂಗ ಪ್ರಕ್ರಿಯೆ ವಿಳಂಬವಾಗಿರುವುದಕ್ಕೆ ತೀವ್ರ ಆಕ್ಷೇಪ ವ್ಯಕ್ತಪಡಿಸಿದ್ದಾರೆ.

ಮಧ್ಯಾಹ್ನ 12 ಗಂಟೆಗೆ ವಿಚಾರಣೆ ನಡೆಯಲಿದೆ ಎಂದು ತಿಳಿಸಲಾಗಿತ್ತು. ಅಗತ್ಯವಿರುವ ಎಲ್ಲ ಔಪಚಾರಿಕ ಪ್ರಕ್ರಿಯೆಗಳು ಪೂರ್ಣಗೊಂಡಿದ್ದರೂ, ವಿಶೇಷ ಕಾರ್ಯನಿರ್ವಾಹಕ ಮ್ಯಾಜಿಸ್ಟ್ರೇಟ್ (SEM) ಸೌರವ್ ಮತ್ತು ಅಶುತೋಷ್ ಅವರ ಬಿಡುಗಡೆ ಕುರಿತು ಪ್ರಕರಣದ ಅರ್ಹತೆಯ ಆಧಾರದಲ್ಲಿ ನಿರ್ಧಾರ ಕೈಗೊಳ್ಳಲು ನಿರಾಕರಿಸಿದರು ಎಂದು ಅವರು ಹೇಳಿದ್ದಾರೆ.

ಮಧ್ಯಾಹ್ನ 1.30ರ ಸುಮಾರಿಗೆ ಪೊಲೀಸ್ ಠಾಣೆಗೆ ಆಗಮಿಸಿದ್ದ SEM, ಸಂಜೆ 5 ಗಂಟೆಯವರೆಗೂ ನ್ಯಾಯಾಲಯದ ಕೊಠಡಿಗೆ ಬಂದಿರಲಿಲ್ಲ. ವಿಚಾರಣೆ ಆರಂಭವಾದ ಐದೇ ನಿಮಿಷಗಳಲ್ಲಿ ತಮಗೆ ಬೆದರಿಕೆ ಸಂದೇಶ ಬಂದಿರುವುದಾಗಿ ಅವರು ತಿಳಿಸಿದ ಬಳಿಕ, ಇಡೀ ಕಲಾಪ ಆ ಸಂದೇಶದ ಸುತ್ತಲೇ ಕೇಂದ್ರೀಕೃತವಾಯಿತು ಎಂದು ರತ್ನಾ ಸಿಂಗ್ ಆರೋಪಿಸಿದ್ದಾರೆ.

ಬಿಡುಗಡೆಗೆ ಅಗತ್ಯವಾದ ಔಪಚಾರಿಕ ಪ್ರಕ್ರಿಯೆಗಳು ಪೂರ್ಣಗೊಂಡಿವೆಯೇ ಎಂಬುದನ್ನು ಪರಿಶೀಲಿಸುವ ಬದಲು ಬೆದರಿಕೆ ಸಂದೇಶದ ವಿಚಾರಕ್ಕೆ ಮಾತ್ರ ಗಮನ ನೀಡಲಾಯಿತು. ಪ್ರಕ್ರಿಯೆಯನ್ನು ಉದ್ದೇಶಪೂರ್ವಕವಾಗಿ ವಿಳಂಬಗೊಳಿಸಿದ ರೀತಿ ತೀವ್ರ ನಿರಾಶೆ ತಂದಿದೆ ಎಂದು ಅವರು ತಿಳಿಸಿದ್ದಾರೆ.

Abhijeet Dipke

@abhijeet_dipke

·

Follow

The state is deliberately prolonging Ashu and Saurav’s illegal arrest by using every dirty trick in the book to delay court proceedings and prevent their release. They have no legal grounds to keep them behind bars, so they are resorting to delaying tactics to keep them there.

Press Trust of India

@PTI_News

VIDEO | Delhi: Reacting to the judicial custody of CJP co-convenors Saurav Das and Ashutosh Ranka, CJP legal head Ratna Singh says, "We have been here since morning. We were told that the entire hearing would take place at 12.00 pm. Today, everything was complete, the