ಕಯ್ಯಾರು ಡೋನ್ ಬೋಸ್ಕೊ ಶಾಲೆ ಯಲ್ಲಿ ಸ್ವಾತಂತ್ರೋತ್ಸವ

   ಉಪ್ಪಳ: ಕಯ್ಯಾರು   ಡೋನ್ ಬೋಸ್ಕೊ  ಅನುದಾನಿತ ಹಿರಿಯ ಪ್ರಾಥಮಿಕ ಶಾಲೆ ಯಲ್ಲಿ  ಸ್ವಾತಂತ್ರೋತ್ಸವ ವನ್ನು ವಿವಿಧ ಕಾರ್ಯಕ್ರಮಗಳೊಂದಿಗೆ ಆಚರಿಸಲಾಯಿತು.
      ಪೈವಳಿಕೆ ಗ್ರಾಮ ಪಂಚಾಯತಿ  ಸದಸ್ಯೆ  ರಾಜೀವಿ  ಪಿ . ರೈ  ಧ್ವಜಾರೋಹಣ ನೆರವೇರಿಸಿದರು.  ಶಾಲಾ ಸಂಚಾಲಕ ಹಾಗೂ ಕಯ್ಯಾರು ಕ್ರಿಸ್ತ ರಾಜ ದೇವಾಲಯದ ಧರ್ಮಗುರು ಫಾದರ್ ಐವನ್ ಪೀಟರ್ ಡಿ ಮೆಲ್ಲೊ  ಅಧ್ಯಕ್ಷತೆ ವಹಿಸಿದ್ದರು. ಶಾಲಾ ರಕ್ಷಕ ಶಿಕ್ಷಕ ಸಂಘದ ಅಧ್ಯಕ್ಷ ಚಿದಾನಂದ ಮಯ್ಯ, ಮಾತೆಯರ ಸಂಘದ ಅಧ್ಯಕ್ಷೆ ರೇಣುಕಾ, ಮುಖ್ಯೋಪಾಧ್ಯಾಯ ಪೀಟರ್ ರೊಡ್ರಿಗಸ್ ಮೊದಲಾದವರು ಉಪಸ್ಥಿತರಿದ್ದರು.  ಪೀಟರ್ ರೊಡ್ರಿಗಸ್ ಸ್ವಾಗತಿಸಿದರು,  ಶಿಕ್ಷಕಿ ಪ್ಲಾವಿಯಾ ವಂದಿಸಿದರು. ಶಿಕ್ಷಕ ಸಿರಿಲ್  ಕ್ರಾಸ್ತ ಕಾರ್ಯಕ್ರಮ ನಿರೂಪಿಸಿದರು.