ವೈರಸ್ ಕುರಿತು ನಮ್ಮ ದಾರಿ ತಪ್ಪಿಸಿದ್ದು ವಿಶ್ವ ಆರೋಗ್ಯ ಸಂಸ್ಥೆ- ಟ್ರಂಪ್ ಆಕ್ರೋಶ

      ವಾಷಿಂಗ್ಟನ್: ಅಮೆರಿಕದಲ್ಲಿ ಮಹಾಮಾರಿ ಕೊರೊನಾ ಕಾಟ ಮುಂದುವರೆದಿದ್ದು, ಕಳೆದ 24 ಗಂಟೆಗಳಲ್ಲಿ ಸುಮಾರು 2,502 ಮಂದಿ ಸಾವನ್ನಪ್ಪಿದ್ದಾರೆ.
         ಮುಂದಿನ ಎರಡು ವಾರಗಳಲ್ಲ ಸಂಚಾರಿ ಸೇವೆ ಪ್ರಾರಂಭಿಸುವ ಬಗ್ಗೆ ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಸುಳಿವು ನೀಡಿದ್ದು, ವಿಶ್ವ ಆರೋಗ್ಯ ಸಂಸ್ಥೆ ವೈರಸ್ ಕುರಿತು ನಮ್ಮ ದಾರಿ ತಪ್ಪಿಸಿದೆ ಎಂದು ಆಕ್ರೋಶ ವ್ಯಕ್ತಪಡಿಸಿದ್ದಾರೆ. ಇದರೊಂದಿಗೆ ಇದೇ ವರ್ಷದ ನವೆಂಬರ್ 3ರಂದು ಅಧ್ಯಕ್ಷೀಯ ಚುನಾವಣೆ ನಿಗದಿಯಾಗಿರುವ ವಿಚಾರವನ್ನು ತಿಳಿಸಿದ್ದಾರೆ.
      ಇನ್ನೊಂದೆಡೆ ಕೊರೊನಾಕ್ಕೆ ಅಫ್ಘಾನಿಸ್ತಾನ ನಲುಗಿದ್ದು, ಆರ್ಥಿಕತೆಯೂ ಕುಸಿದಿದೆ. ಈ ನಿಟ್ಟಿನಲ್ಲಿ ಅಂತರಾಷ್ಟ್ರೀಯ ಹಣಕಾಸು ನಿಧಿ ತುರ್ತು ನಿರ್ವಹಣೆಗಾಗಿ ಡಾಲರ್ 220 ಎಂಎನ್‍ಗಳ ನೆರವು ಘೋಷಣೆ ಮಾಡಿದೆ. ಇತ್ತೀಚಿನ ವರದಿಗಳ ಪ್ರಕಾರ, ಮಹಾಮಾರಿ ಕೊರೊನಾ ಸೋಂಕಿಗೆ ಬ್ರಿಟನ್ ಕೂಡಾ ಸಿಲುಕಿದ್ದು, ಈಗಾಗಲೇ ಸುಮಾರು 26,097 ಮಂದಿ ಮೃತಪಟ್ಟಿದ್ದಾರೆ.
   ಅಮೆರಿಕದಲ್ಲಿ ಈವರೆಗೆ ಕೊರೊನಾ ಸೋಂಕಿಗೆ ಸುಮಾರು 61,669 ಮಂದಿ ಸಾವನ್ನಪ್ಪಿದ್ದು, 10 ಲಕ್ಷಕ್ಕಿಂತ ಅಧಿಕ ಮಂದಿ ಸೋಂಕಿಗೆ ತುತ್ತಾಗಿದ್ದಾರೆ.
      ಮಾರಣಾಂತಿಕ ಕೊರೊನಾ ಸೋಂಕಿಗೆ ಜಗತ್ತಿನಾದ್ಯಂತ 32,20,268 ಜನರು ತುತ್ತಾಗಿದ್ದು, ಈ ಪೈಕಿ ಸುಮಾರು 2,28,224 ಮಂದಿ ಸಾವನ್ನಪ್ಪಿದ್ದಾರೆ. ಸೋಂಕಿನಿಂದ ಗುಣಮುಖರಾಗುವವರ ಪ್ರಮಾಣವು ಹೆಚ್ಚಾಗಿದ್ದು, 10 ಲಕ್ಷಕ್ಕಿಂತ ಅಧಿಕ ಮಂದಿ ಚಿಕಿತ್ಸೆ ಪಡೆದು ಮನೆಗೆ ವಾಪಾಸ್ಸಾಗಿದ್ದಾರೆ.