1989 ರಿಂದ ಇದೇ ಮೊದಲ ಬಾರಿಗೆ ಟ್ರಾಲ್ ಹಿಜ್ಬುಲ್ ಉಗ್ರ ಸಂಘಟನೆ ಮುಕ್ತ!

   
           ಪುಲ್ವಾಮ: 1989 ರಿಂದ ಇದೇ ಮೊದಲ ಬಾರಿಗೆ ಜಮ್ಮು-ಕಾಶ್ಮೀರದ ಪುಲ್ವಾಮ ಜಿಲ್ಲೆಯ ಟ್ರಾಲ್ ಪ್ರದೇಶ ಹಿಜ್ಬುಲ್ ಮುಜಾಹಿದ್ದೀನ್ ಉಗ್ರ ಸಂಘಟನೆ ಮುಕ್ತವಾದ ಪ್ರದೇಶವಾಗಿದೆ.
          ಜಮ್ಮು-ಕಾಶ್ಮೀರದ ಪೆÇಲೀಸರು ಈ ಬಗ್ಗೆ ಘೋಷಣೆ ಮಾಡಿದ್ದು, 1989 ರಲ್ಲಿ ಉಗ್ರವಾದ ಪ್ರಾರಂಭವಾದ ನಂತರ ಇದೇ ಮೊದಲ ಬಾರಿಗೆ  ಹಿಜ್ಬುಲ್ ಮುಜಾಹಿದ್ದೀನ್ ಉಗ್ರ ಸಂಘಟನೆಯಿಂದ ಮುಕ್ತವಾಗಿದ್ದು, ಈ ಸಂಘಟನೆಯ ಒಬ್ಬನೇ ಒಬ್ಬ ಉಗ್ರನೂ ಸಹ ಸಕ್ರಿಯನಾಗಿಲ್ಲ ಎಂದು ತಿಳಿಸಿದೆ.
      ಜೂ.26 ರಂದು ಶುಕ್ರವಾರ 3 ಉಗ್ರರನ್ನು ಹೊಡೆದುರುಳಿಸುವ ಮೂಲಕ ಟ್ರಾಲ್ ಹಿಜ್ಬುಲ್ ಮುಕ್ತ ಪ್ರದೇಶವಾಗಿದೆ ಎಂದು ಕಾಶ್ಮೀರ ಜೋನ್ ಪೆÇಲೀಸ್ ನ ಅಧಿಕೃತ ಟ್ವೀಟ್ ಖಾತೆಯಲ್ಲಿ ಬರೆಯಲಾಗಿದೆ. ಕಣಿವೆ ರಾಜ್ಯದಲ್ಲಿ ಉಗ್ರವಾದ ಪ್ರಾರಂಭವಾದ ನಂತರ ಹಿಜ್ಬುಲ್ ಮುಜಾಹಿದ್ದೀನ್ ಉಗ್ರ ಸಂಘಟನೆ ಈ ಪ್ರದೇಶದಲ್ಲಿ ಸಾವಿರಾರು ಉಗ್ರರ ಮೂಲಕ ಅತ್ಯಂತ ಸಕ್ರಿಯವಾಗಿ ಕಾರ್ಯನಿರ್ವಹಿಸುತ್ತಿತ್ತು.