100 ಕ್ಕಿಂತ ಹೆಚ್ಚು ಜನರಿಗೆ ಕೋವಿಡ್ ಪಾಸಿಟಿವ್; ಸಿಎಂ ತಿಳಿಸುವಾಗ 54 ಮಾತ್ರ- ಅಂಕಿಅಂಶಗಳ ಹೇಳಿಕೆಯಲ್ಲಿ ವಂಚನೆ

   
 
     ತಿರುವನಂತಪುರ:ತಿರುವನಂತಪುರ ಜಿಲ್ಲೆಯಲ್ಲಿ ವ್ಯಾಪಕಗೊಂಡು ಎಲ್ಲೆಡೆ ಹರಡುತ್ತಿರುವ ಕೋವಿಡ್ ರೋಗಿಗಳ ವರದಿ ನೀಡುವಲ್ಲಿ ಮುಖ್ಯಮಂತ್ರಿ ಪಿಣರಾಯಿ ವಿಜಯನ್ ವಂಚನೆ ನಡೆಸುತ್ತಿದ್ದಾರೆ. ಸತ್ಯವನ್ನು ಮರೆಮಾಚಲು ಯತ್ನಿಸುತ್ತಿದ್ದಾರೆ ಎಂದು ಆರೋಪಿಸಲಾಗಿದೆ.
    ನಿನ್ನೆ ಒಂದೇ ದಿನ ಜಿಲ್ಲೆಯ 100 ಕ್ಕೂ ಹೆಚ್ಚು ಜನರಿಗೆ ವೈರಸ್ ಸೋಂಕು ದೃಢಪಟ್ಟಿತ್ತು. ಆದರೆ ಮುಖ್ಯಮಂತ್ರಿ ದೈನಂದಿನ ಸುದ್ದಿಗೋಷ್ಠಿಯಲ್ಲಿ ಕೇವಲ 54 ಮಂದಿ ಸೋಂಕಿತರಿರುವರು ಎಂದು ವರದಿ ನೀಡಿರುವರು. ಜಿಲ್ಲೆಯ ಗ್ರಾಮೀಣ ಪ್ರದೇಶಗಳನ್ನು ಒಳಗೊಂಡಂತೆ ಸಂಪರ್ಕದಿಂದ ರೋಗಿಗಳಾದವರ ಸಂಖ್ಯೆ ಹೆಚ್ಚಾದ ಕಾರಣ ನಿಖರ ಅಂಕಿಅಂಶಗಳನ್ನು ಬಹಿರಂಗಪಡಿಸುವಲ್ಲಿ ಸರ್ಕಾರ ವಿಫಲವಾಗಿದೆ. ಇದು ಆರೋಗ್ಯ ಕಾರ್ಯಕರ್ತರಿಗೂ ಸವಾಲಾಗುತ್ತಿದೆ ಎಂದು ಆರೋಪಿಸಲಾಗಿದೆ.
     ಪಾರಶ್ಚಾಲಾ ಸರ್ಕಾರಿ ಆಸ್ಪತ್ರೆಯಲ್ಲಿ ಇಸಿಜಿ ತಂತ್ರಜ್ಞ ಸೇರಿದಂತೆ ರೋಗಿಗಳಿಗೆ ನಿನ್ನೆ ರೋಗನಿರ್ಣಯ ಮಾಡಲಾಗಿತ್ತು. ಆಸ್ಪತ್ರೆಯು 3 ವೈದ್ಯರು ಸೇರಿದಂತೆ 22 ಸಿಬ್ಬಂದಿಯನ್ನು ಕ್ವಾಂಟೈನ್‍ಗೆ ಕಳುಹಿಸಲಾಗಿದೆ.  ಆದರೆ ಪತ್ರಿಕಾಗೋಷ್ಠಿಯಲ್ಲಿ ತಂತ್ರಜ್ಞರ ಕುರಿತಾಗಿ ಏನನ್ನೂ ಸಿ.ಎಂ.ಉಲ್ಲೇಖಿಸದಿರುವುದು ಹಲವು ಸಂಶಯಗಳಿಗೆ ಎಡೆಮಾಡಿದೆ. ಪುನ್ತುರಾದಲ್ಲಿ ಸೋಮವಾರ 19 ರೋಗಿಗಳಿದ್ದರು ಆದರೆ ಅದನ್ನೂ ಸಹ ಬಹಿರಂಗಪಡಿಸಿಲ್ಲ. ಆರೋಗ್ಯ ಕಾರ್ಯಕರ್ತರು ತಮ್ಮೊಂದಿಗೆ ಸಂಪರ್ಕದಲ್ಲಿರುವ ರೋಗಿಗಳನ್ನು ಎಚ್ಚರಿಸಲು ಮತ್ತು ಸಂಪರ್ಕತಡೆ ವ್ಯವಸ್ಥೆಗೆ ಸಲಹೆ ನೀಡಲು ಸಾಧ್ಯವಾಗದಿರುವುದು ರೋಗ ಹರಡುವ ಅಪಾಯವನ್ನು ಹೆಚ್ಚಿಸುತ್ತದೆ. ಇದರಿಂದ ರೋಗ ವ್ಯಾಪಿಸಲು ಕಾರಣವಾಗುತ್ತದೆ ಎಂದು ವಿಶ್ಲೇಶಿಸಲಾಗಿದೆ.
       ಸರ್ಕಾರದ ಅಂಕಿಅಂಶಗಳ ಪ್ರಕಾರ, ನಿನ್ನೆ 54 ಜನರಲ್ಲಿ ಸೋಂಕು ಪತ್ತೆಯಾಗಿದೆ. ವೈರಸ್ ಸೋಂಕು ಒಂದು ವರ್ಷದ ಮಗುವಿನಿಂದ 70 ವರ್ಷದವರೆಗಿನ ಅನ್ಯ ರಾಜ್ಯ, ದೇಶ ಮತ್ತು ಸ್ಥಳೀಯ ಜನರಲ್ಲಿ ಗುರುತಿಸಲಾಗಿದೆ. ಪೊನ್ತುರದಲ್ಲಿ ಸ್ಥಿತಿ ಗಂಭೀರವಾಗಿದೆ.  ಗಡಿಯುದ್ದಕ್ಕೂ ಪರಿಸ್ಥಿತಿ ಆತಂಕಕಾರಿಯಾಗಿದೆ. ರಾಜ್ಯದ ಗಡಿಯಲ್ಲಿ ಕೋಝಿಕ್ಕೋಡ್ ನ ನಾಲ್ಕು ಶ್ರೀಲಂಕಾದ ನಿರಾಶ್ರಿತರ ಶಿಬಿರಗಳು ಸೋಂಕಿಗೆ ಒಳಗಾಗಿವೆ ಎಂದು ವದಂತಿಗಳಿವೆ. ನಿನ್ನೆ ಮಧ್ಯಾಹ್ನ ವೇಳೆ  ಇಬ್ಬರು, ಹನ್ನೆರಡು ವರ್ಷದ ಒಡಹುಟ್ಟಿದವರು,ಅವರ  ಸಂಬಂಧಿಕರು ಸೇರಿದಂತೆ ಸುಮಾರು ಹತ್ತು ಜನರು ಸೋಂಕಿಗೊಳಗಾಗಿದ್ದಾರೆ. ಗಡಿ ಪ್ರದೇಶಗಳಲ್ಲಿ  ರೋಗದ ಪ್ರಮಾಣ ಹೆಚ್ಚಿದ್ದರೂ, ರಾಕ್ ಜಂಕ್ಷನ್ ಸೇರಿದಂತೆ ವಲಯಗಳನ್ನು ಸ್ಪಷ್ಟವಾಗಿ ಗುರುತಿಸಬೇಕು ಆರೋಗ್ಯ ಕಾರ್ಯಕರ್ತರು ಒತ್ತಾಯಿಸಿದ್ದಾರೆ.