ನೀವು ಕಳುಹಿಸುವ ಸಂದೇಶವು ನಿಖರವೇ ಎಂದು ಖಚಿತಪಡಿಸಿಕೊಳ್ಳಿ- ಇಲ್ಲದಿದ್ದಲ್ಲಿ ಕಠಿಣ ಶಿಕ್ಷೆ ಕಾದಿರುತ್ತದೆ

 
      ತಿರುವನಂತಪುರ: ಕೋವಿಡ್‍ಗೆ ಸಂಬಂಧಿಸಿದ ನಕಲಿ ಸುದ್ದಿ ಮತ್ತು ಸಂದೇಶಗಳನ್ನು ಪತ್ತೆ ಹಚ್ಚಲು ಮತ್ತು ಕ್ರಮ ಕೈಗೊಳ್ಳಲು ಮಾಹಿತಿ ಮತ್ತು ಸಾರ್ವಜನಿಕ ಸಂಪರ್ಕ ಇಲಾಖೆಯಡಿ ಸ್ಥಾಪಿಸಲಾದ ಫ್ಯಾಕ್ಟ್ ಚೆಕ್ ಘಟಕವನ್ನು ವಿಸ್ತರಿಸಲಾಗಿದೆ. ಕೋವಿಡ್ ಗೆ ಸಂಬಂಧಿಸಿದ ನಕಲಿ ಸುದ್ದಿಗಳ ಜೊತೆಗೆ, ಸರ್ಕಾರ ಮತ್ತು ಜನರ ಮೇಲೆ ಕೆಟ್ಟ ಪರಿಣಾಮ ಬೀರುವ ನಕಲಿ ಸಂದೇಶಗಳು ಈಗ ಫ್ಯಾಕ್ಟ್ ಚೆಕ್ ವ್ಯಾಪ್ತಿಗೆ ಬರುತ್ತವೆ.
      ಇಲಾಖೆಯ ಚಟುವಟಿಕೆಗಳನ್ನು ಬಲಪಡಿಸಲು ಎಲ್ಲಾ ಜಿಲ್ಲಾ ಮಾಹಿತಿ ಕೇಂದ್ರಗಳಲ್ಲಿ ಫ್ಯಾಕ್ಟ್ ಚೆಕ್ ಸೆಲ್‍ಗಳನ್ನು ಸ್ಥಾಪಿಸಲಾಗುವುದು. ಹೆಚ್ಚಿನ ಜನರನ್ನು ತಲುಪಲು ವೆಬ್ ಪೆÇೀರ್ಟಲ್ ಅನ್ನು ಸಹ ಸ್ಥಾಪಿಸಲಾಗುತ್ತಿದೆ. ಸಾರ್ವಜನಿಕರಿಂದ ಅನುಮಾನಾಸ್ಪದ ಸುದ್ದಿ ಮತ್ತು ಸಂದೇಶಗಳನ್ನು ಫ್ಯಾಕ್ಟ್ ಚೆಕ್‍ನ ವಾಟ್ಸಾಪ್ ಸಂಖ್ಯೆ 9496003234 ಗೆ ರವಾನಿಸಬಹುದು.
       1635 ಅನುಮಾನಾಸ್ಪದ ಸಂದೇಶಗಳು / ಸುದ್ದಿಗಳ ದೂರಿಗೆ ಸಂಬಂಧಿಸಿ ಈಗಾಗಲೇ  1586 ಮಂದಿ ಗ್ರೂಪ್ ಎಡ್ಮಿನ್ ಗಳನ್ನು ವಿಚಾರಿಸಲಾಗಿದೆ. ಸಾರ್ವಜನಿಕರು ವಾಟ್ಸಾಪ್ ಮೂಲಕ ಫ್ಯಾಕ್ಟ್ ಚೆಕ್ ವಿಭಾಗಕ್ಕೆ ದೂರು ಕಳುಹಿಸಿದ್ದರು.  ಫ್ಯಾಕ್ಟ್ ಚೆಕ್ ವಿಭಾಗವು 49 ಸೂರ್ಲಲು ವರದಿಗಳನ್ನು ಈ ಮೂಲಕ ಪತ್ತೆಹಚ್ಚಿದೆ. ಸರ್ಕಾರ ಮತ್ತು ಸಾರ್ವಜನಿಕ ಜೀವನದ ಮೇಲೆ ಗಂಭೀರ ಪರಿಣಾಮ ಬೀರುವ ಇಂತಹ ಕೃತ್ಯಗಳನ್ನು ನಿಯಂತ್ರಿಸುವುದು ಅಗತ್ಯವೂ ಆಗಿದೆ.