ಕೋವಿಡ್ ತುರ್ತಿನ ಮಧ್ಯೆ ದಾದಿಯರ ನೇಮಕಾತಿಯಲ್ಲಿ ವಿಳಂಬ

          ಕಾಸರಗೋಡು: ಕೋವಿಡ್ ರಾಜ್ಯಾದ್ಯಂತ ವ್ಯಾಪಕ ಪ್ರಮಾಣದಲ್ಲಿ ಹರಡುತ್ತಿದ್ದರೂ ಆರೋಗ್ಯ ಇಲಾಖೆಯ ನಿರ್ಲಕ್ಷ್ಯದಿಂದಾಗಿ ದಾದಿಯರ ನೇಮಕಾತಿಯಲ್ಲಿ ವಿಳಂಬ ಧೋರಣೆ ಅನುಸರಿಸಲಾಗಿದೆ.

    ಕಾಸರಗೋಡು ಜಿಲ್ಲೆಯಲ್ಲಿ ಸುಮಾರು 75 ಹುದ್ದೆಗಳು ಖಾಲಿ ಇದ್ದರೂ ಯಾವುದೇ ನೇಮಕಾತಿ ನಡೆದಿಲ್ಲ. 2018 ರಲ್ಲಿ ಜಾರಿಗೆ ಬಂದ ಪಿಎಸ್‍ಸಿ ಸ್ಟಾಫ್ ನರ್ಸ್ ಗ್ರೇಡ್ 2  ಅಭ್ಯರ್ಥಿಗಳಲ್ಲಿ 28 ಮಂದಿಯನ್ನು ಮಾತ್ರ ನೇಮಕ ಮಾಡಿಕೊಂಡಿದೆ. ಇದು ಆದ್ರ್ರ ಎರಡನೇ ಹಂತದ ನೇಮಕಾತಿಯಾಗಿದೆ ಎಂದು ಅಭ್ಯರ್ಥಿಗಳು ಹೇಳುತ್ತಾರೆ.

      ಕಳೆದ ಮೂರು ವರ್ಷಗಳಿಂದ ಜಿಲ್ಲೆಯಲ್ಲಿ 64 ನರ್ಸ್ ಗ್ರೇಡ್ 1 ಬಡ್ತಿ ಹುದ್ದೆಗಳು ಖಾಲಿ ಇವೆ. ಜಿಲ್ಲೆಯ ಮಂಗಲ್ಪಾಡಿ ಮತ್ತು ಪನತ್ತಡಿ ಸಿಎಚ್‍ಸಿಗಳನ್ನು ತಾಲ್ಲೂಕು ಆಸ್ಪತ್ರೆಯಾಗಿ ಮೇಲ್ದರ್ಜೆಗೇರಿಸಿದ್ದರೂ ಯಾವುದೇ ಹುದ್ದೆಗಳ ಸೃಷ್ಟಿ ಅಥವಾ ಸಿಬ್ಬಂದಿ ನೇಮಕಾತಿ ನಡೆದಿಲ್ಲ. ಅಭ್ಯರ್ಥಿಗಳು ನಡೆಸಿದ ಆರ್‍ಟಿಐ ಮಾಹಿತಿ ಹಕ್ಕು ದೂರಲ್ಲಿ  ಕಾಸರಗೋಡಿಗೆ  75 ಹುದ್ದೆಗಳು ಅಗತ್ಯವಿರುವುದಾಗಿ ಉತ್ತರ ಲಭಿಸಿದೆ. ಆದರೆ, ಖಾಲಿ ಹುದ್ದೆಗಳ ಬಗ್ಗೆ ಆರೋಗ್ಯ ಇಲಾಖೆ ಕಾಲಾಕಾಲಕ್ಕೆ ವರದಿ ಮಾಡಲಾಗುತ್ತಿಲ್ಲ ಎಂದು ಪಿಎಸ್‍ಸಿ ಅಧಿಕಾರಿಗಳು ತಿಳಿಸಿದ್ದಾರೆ.

        136 ನರ್ಸ್ ಹುದ್ದೆಗಳಲ್ಲಿ 102 ಮಂದಿಗಳು ಮಾತ್ರ ಜಿಲ್ಲೆಯಲ್ಲಿ ಕರ್ತವ್ಯದಲ್ಲಿದ್ದಾರೆ. ಕರ್ತವ್ಯದಲ್ಲಿರುವ ದಾದಿಯರು ಡಬಲ್ ಡ್ಯೂಟಿ ತೆಗೆದುಕೊಳ್ಳಬೇಕಾಗಿರುವುದು ಸಂಕಷ್ಟಕ್ಕೂ ಕಾರಣವಾಗುತ್ತಿದೆ. ಪ್ರಸ್ತುತ 54 ಬಡ್ತಿ ಹುದ್ದೆಗಳು ಮತ್ತು 11 ರಜೆ ಹುದ್ದೆಗಳಿವೆ. ಈ ಬಗ್ಗೆ ನೇಮಕಾತಿಗಳಿಗೆ ವರದಿ ಮಾಡಲು ಆರೋಗ್ಯ ಇಲಾಖೆ ಸಿದ್ಧವಾಗಿಲ್ಲ. ಗ್ರೇಡ್ -1 ರಿಂದ ಗ್ರೇಡ್ -2 ಅನುಪಾತವನ್ನು ಸಮೀಕರಣಕ್ಕೆ ನಿಬರ್ಂಧಿಸಲಾಗಿದೆ.

         ಕಾಸರಗೋಡಿನ ಉಸ್ತುವಾರಿ ಸಚಿವ ಇ ಚಂದ್ರಶೇಖರನ್ ಈ ವಿಷಯದಲ್ಲಿ ಮಧ್ಯಪ್ರವೇಶಿಸಬೇಕೆಂದು ಅಭ್ಯರ್ಥಿಗಳು ಒತ್ತಾಯಿಸಿದ್ದಾರೆ. ಜಿಲ್ಲೆಯಲ್ಲಿ ಕೋವಿಡ್ ವಿಸ್ತರಣೆಯ ಹಿನ್ನೆಲೆಯಲ್ಲಿ ದಾದಿಯರ ನೇಮಕಾತಿಯನ್ನು ತ್ವರಿತಗೊಳಿಸುವಂತೆ ನೌಕರರು ಸರ್ಕಾರಕ್ಕೆ ಮನವಿ ಮಾಡಿದ್ದಾರೆ.