ಎಫ್‍ಸಿಆರ್‍ಐ ಉಲ್ಲಂಘನೆ ಸ್ಪಷ್ಟ-ಮುಖ್ಯಮಂತ್ರಿಯ ಹೇಳಿಕೆ ದಾಖಲಿಸಲಿದೆ ಸಿಬಿಐ

   

       ತಿರುವನಂತಪುರ:  ವಡಕಂಚೇರಿ ಲೈಫ್ ಮಿಷನ್ ವಸತಿ ಯೋಜನೆಯಲ್ಲಿ ಕೇಂದ್ರ ಅನುಮೋದನೆ ಇಲ್ಲದೆ ವಿದೇಶಿ ನೆರವು ಸ್ವೀಕರಿಸಿದ ಪ್ರಕರಣದಲ್ಲಿ ಸಿಬಿಐ ಮುಖ್ಯಮಂತ್ರಿ ಮತ್ತು ಆ ಸಂಬಂಧ ಅಧಿಕಾರಿಗಳಿಂದ ಹೇಳಿಕೆ ದಾಖಲಿಸಲಿದೆ.

         ಪ್ರಾಥಮಿಕ ಮಾಹಿತಿಯನ್ನು ಸಂಗ್ರಹಿಸಿ ವಿಶ್ಲೇಷಿಸಿದ ಬಳಿಕ ಹೇಳಿಕೆ ನೀಡಲಾಗುವುದು ಎಂದಿರುವ ಅಧಿಕೃತರು ಕೇಂದ್ರ ಸರ್ಕಾರದ ಒಪ್ಪಿಗೆಯಿಲ್ಲದೆ ವಿದೇಶದಿಂದ ನೆರವು ದೊರೆತಿದೆ ಎಂದು ವಿದೇಶಾಂಗ ಸಚಿವಾಲಯ ಸ್ಪಷ್ಟಪಡಿಸಿದೆ ಎಂದು ಕಾನೂನು ತಜ್ಞರು ಅಭಿಪ್ರಾಯಪಟ್ಟಿದ್ದಾರೆ.

      ಸಿಬಿಐ ಪ್ರಕರಣದ ಅಪರಾಧಿಗಳು ಮತ್ತು ಸಹಾಯಕರನ್ನು ಪತ್ತೆಹಚ್ಚುವ ಪ್ರಕ್ರಿಯೆಯಲ್ಲಿದೆ. ವಿದೇಶಿ ಕೊಡುಗೆ ನಿಯಂತ್ರಣ ಕಾಯ್ದೆ (ಎಫ್‍ಸಿಆರ್‍ಐ) ಪ್ರಕಾರ, ಸಿಬಿಐ ಲೈಫ್ ಮಿಷನ್ ಯೋಜನೆಯಲ್ಲಿ ಲಂಚ ಸಲ್ಲಿಕೆಯ ಬಗ್ಗೆ ತನಿಖೆ ನಡೆಸಲು ಸಾಧ್ಯವಿಲ್ಲ. ವಿದೇಶದಿಂದ ಯಾರು ಹಣವನ್ನು ಕಳುಹಿಸಿದ್ದಾರೆ, ಯಾರು ಅದನ್ನು ಪಡೆದರು, ಅದನ್ನು ಯಾವುದಕ್ಕಾಗಿ ಬಳಸಲಾಗಿದೆ ಮತ್ತು ಈ ಸಂಬಂಧಿ ಸರ್ಕಾರದಿಂದ ಯಾವ ಬೆಂಬಲವಿದೆ ಎಂದಷ್ಟೇ ಸಿಬಿಐ ಪರಿಶೀಲಿಸಲಿದೆ. ವಿದೇಶಿ ಕೊಡುಗೆ ನಿಯಂತ್ರಣ ಕಾಯ್ದೆಯ ಸೆಕ್ಷನ್ 35 ರಂತೆ 5 ವರ್ಷಗಳವರೆಗೆ ಜೈಲು ಶಿಕ್ಷೆ ಮತ್ತು ದಂಡ ವಿಧಿಸಲಾಗುವುದು. ಈ ವ್ಯವಹಾರದಲ್ಲಿ ಕೇವಲ 4.5 ಕೋಟಿ ರೂ.ಗಳನ್ನು ಆಯೋಗ ವಿದೇಶದಿಂದ ದೇಣಿಗೆಯಾಗಿ ಪಡೆದಿತ್ತು  ಎಂದು ಚರ್ಚೆಯೊಂದರ ವೇಳೆ ಹಣಕಾಸು ಸಚಿವರು ಮತ್ತು ಸರ್ಕಾರದ ಮಾಧ್ಯಮ ಸಲಹೆಗಾರರು ತಿಳಿಸಿದ್ದರು. ಈ ಬಹಿರಂಗಪಡಿಸುವಿಕೆಗಳು ಸಹ ತನಿಖೆಗೆ ಬರುತ್ತವೆ ಎಂದು ಸಿಬಿಐ ತಿಳಿಸಿದೆ.