ಕಠಿಣಗೊಂಡ ಕಾನೂನು-ತಲಪ್ಪಾಡಿಯಲ್ಲಿ ನೂರಾರು ಪ್ರಯಾಣಿಕರಿಗೆ ತಡೆ

      ಮಂಜೇಶ್ವರ: ವ್ಯಾಪಕಗೊಳ್ಳುತ್ತಿರುವ ಕೊರೊನಾ ಸೋಂಕು ಕಾರಣ ಕರ್ನಾಟಕ ರಾಜ್ಯ ಪ್ರವೇಶಕ್ಕೆ ಕಠಿಣ ಕ್ರಮಗಳನ್ನು ಅನುಸರಿಸಲಾಗುತ್ತಿದ್ದು,ಈಗಾಗಲೇ ಸೂಚನೆ ನೀಡಿರುವಂತೆ ಕೋವಿಡ್ ನೆಗೆಟಿವ್ ವರದಿಯನ್ನು ಕಡ್ಡಾಯಗೊಳಿಸಲಾಗಿದೆ.

         ಕರ್ನಾಟಕ ಸರ್ಕಾರವು ರಾಜ್ಯ ಪ್ರವೇಶಿಸುವ ಪ್ರಯಾಣಿಕರಿಗೆ ಕೋವಿಡ್ ಅರ್.ಟಿ.ಪಿ.ಸಿ.ಅರ್. ನೆಗೆಟಿವ್  ವರದಿ ಕಡ್ಡಾಯಗೊಳಿಸಿದ್ದರ ಭಾಗವಾಗಿ ಇಂದಿನಿಂದ ಅಂತರ್ ರಾಜ್ಯ ಗಡಿ ತಲಪಾಡಿಯಲ್ಲಿ ಪರಿಶೀಲನೆ ಬಿಗುಗೊಳಿಸಲಾಗಿದೆ. ಇಂದು ಬೆಳಿಗ್ಗೆ ತಲಪಾಡಿಯಲ್ಲಿ ಅಧಿಕಾರಿಗಳು ವಾಹನಗಳನ್ನು ತಡೆಹಿಡಿದು ಪರಿಶೀಲನೆಗೆ ಮುಂದಾಗಿರುವುದು ಕಂಡುಬಂದಿದೆ. ಇದರ ಪರಿಣಾಮ ಬೃಹತ್ ಸಂಖ್ಯೆಯಲ್ಲಿ ವಾಹನ ದಟ್ಟಣೆ ಕಂಡುಬಂದಿದೆ. ಅನೇಕ ಪ್ರಯಾಣಿಕರಲ್ಲಿ ವರದಿ ಇಲ್ಲದ್ದರಿಂದ ಮರಳಬೇಕಾದ ಸ್ಥಿತಿ ಉಂಟಾಯಿತು. 

       ಕಾಸರಗೋಡು ಜಿಲ್ಲೆಯ ಸಾವಿರಾರು ಉದ್ಯೋಗಿಗಳು,ವಿದ್ಯಾರ್ಥಿಗಳು,ಇತರ ಅಗತ್ಯಗಳಿಗೆ ತೆರಳುವ ಜನರು ದಿನನಿತ್ಯ ಮಂಗಳೂರು ಸಹಿತ ಕರ್ನಾಟಕದ ವಿವಿಧೆಡೆ ಪ್ರಯಾಣಿಸುತ್ತಿದ್ದು  ಇದೀಗ ಮತ್ತೆ ಸಂಕಷ್ಟಕ್ಕೆ ಒಳಗಾಗಿದ್ದಾರೆ.