ಮಲಪ್ಪುರಂ ಉಪಚುನಾವಣೆ: ಅಬ್ದುಲ್ಲಕುಟ್ಟಿ ಬಿಜೆಪಿ ಅಭ್ಯರ್ಥಿ?

       ಮಲಪ್ಪುರಂ: ವಿಧಾನಸಭಾ ಚುನಾವಣೆಯೊಂದಿಗೆ ನಡೆಯುತ್ತಿರುವ ಮಲಪ್ಪುರಂ ಲೋಕಸಭಾ ಉಪಚುನಾವಣೆಯಲ್ಲಿ ಬಿಜೆಪಿ ನಾಯಕತ್ವವು ಎಪಿ ಅಬ್ದುಲ್ಲಕುಟ್ಟಿಯನ್ನು ಅಭ್ಯರ್ಥಿಯಾಗಿ ಪರಿಗಣಿಸುತ್ತಿದೆ ಎಂದು ವರದಿಯಾಗಿದೆ. ಬಿಜೆಪಿ ರಾಷ್ಟ್ರೀಯ ಉಪಾಧ್ಯಕ್ಷ ಎಪಿ ಅಬ್ದುಲ್ಲಕುಟ್ಟಿ ಅವರನ್ನು ಕಣಕ್ಕಿಳಿಸಲು ಮುಂದಾಗಿದೆ ಎಂದು ಬಲ್ಲ ಮೂಲಗಳಿಂದ ತಿಳಿಯಲಾಗಿದೆ. 

          ಅಬ್ದುಲ್ಲಕುಟ್ಟಿ ಅವರ ಉಮೇದುವಾರಿಕೆಯನ್ನು ಮುಕ್ತ ಕಂಠದಿಂದ  ಸ್ವಾಗತಿಸುವುದಾಗಿ ಬಿಜೆಪಿ ಜಿಲ್ಲಾಧ್ಯಕ್ಷ ರವಿ ತೆಲಾತು ಹೇಳಿದ್ದಾರೆ. ಮುಸ್ಲಿಂ ಲೀಗ್ ಮುಖಂಡ ಪಿ.ಕೆ.ಕುನ್ಹಾಲಿಕುಟ್ಟಿ ಅವರಿಂದ ಮುಕ್ತವಾಗಿರುವ ಸ್ಥಾನಕ್ಕಾಗಿ ಉಪಚುನಾವಣೆ ನಡೆಯಲಿದೆ. 

       2019 ರ ಲೋಕಸಭಾ ಚುನಾವಣೆಯಲ್ಲಿ ಪಿ.ಕೆ.ಕುನ್ಹಾಲಿಕುಟ್ಟಿ 2,60,153 ಮತಗಳ ಬಹುಮತದೊಂದಿಗೆ ಜಯಗಳಿಸಿದ್ದರು. ಕುನ್ಹಾಲಿಕುಟ್ಟಿ 5,89,873 ಮತಗಳನ್ನು ಪಡೆದರೆ, ಸಿಪಿಎಂ ಅಭ್ಯರ್ಥಿ ವಿ.ಪಿ.ಸನು 3,29,720 ಮತಗಳನ್ನು ಪಡೆದರು. ಬಿಜೆಪಿ ಅಭ್ಯರ್ಥಿ ಉಣ್ಣಿಕೃಷ್ಣನ್ 82,332 ಮತಗಳನ್ನು ಪಡೆದರು.

        ಕುನ್ಹಾಲಿಕುಟ್ಟಿ ವಿರುದ್ಧದ ಸಾರ್ವಜನಿಕ ಭಾವನೆಯು ಉಪಚುನಾವಣೆಯಲ್ಲಿ ಮತಗಳಾಗಿ ಬದಲಾಗಲಿದೆ ಎಂದು ಬಿಜೆಪಿ ನಾಯಕತ್ವ ನಂಬಿದೆ. ಈ ಹಿನ್ನೆಲೆಯಲ್ಲಿಯೇ ಅಲ್ಪಸಂಖ್ಯಾತ ಬಣದಿಂದ ಹಿರಿಯ ನಾಯಕನನ್ನು ನಾಮಕರಣ ಮಾಡುವ ಕ್ರಮ ಕೈಗೊಳ್ಳಲಾಗಿದೆ. ಉಪಚುನಾವಣೆಗಳು ವಿಧಾನಸಭಾ ಚುನಾವಣೆಯೊಂದಿಗೆ ನಡೆಯುತ್ತಿರುವುದರಿಂದ ರಾಷ್ಟ್ರೀಯ ಉಪಾಧ್ಯಕ್ಷರ ಸ್ಪರ್ಧೆಯು ಲೋಕಸಭೆ, ವಿಧಾನಸಭಾ ಕ್ಷೇತ್ರಗಳಿಗೂ ಪ್ರಯೋಜನವನ್ನು ನೀಡುತ್ತದೆ ಎಂದು ನಾಯಕತ್ವ ಆಶಿಸಿದೆ.