ಇಡುಕ್ಕಿ: ಕೇರಳದಲ್ಲಿ ವಿದ್ಯುತ್ ಬಳಕೆ ತೀವ್ರವಾಗಿ ಹೆಚ್ಚುತ್ತಿದೆ. ಭಾನುವಾರದ ಒಂದೇ ದಿನದ ವಿದ್ಯುತ್ ಬಳಕೆ 81 ಮಿಲಿಯನ್ ಯುನಿಟ್ ಆಗಿತ್ತು. ರಾತ್ರಿ 10 ರ ಬಳಿಕ ವಿದ್ಯುತ್ ಬಳಕೆ ಹೆಚ್ಚುತ್ತಿರುವುದನ್ನು ಗುರುತಿಸಲಾಗಿದೆ. ಹವಾಮಾನ ವೈಪರೀತ್ಯದಿಂದಾಗಿ ಫೆಬ್ರವರಿ ತಿಂಗಳಲ್ಲೇ ಅತಿಯಾದ ತಾಪಮಾನ ಏರಿಕೆ ಇದಕ್ಕೆ ಕಾರಣ ಎಂದು ಅಂದಾಜಿಸಲಾಗಿದೆ.
ರಾಜ್ಯದಲ್ಲಿ ಶನಿವಾರ ವಿದ್ಯುತ್ ಬಳಕೆ 81.84 ಮಿಲಿಯನ್ ಯುನಿಟ್ ಆಗಿತ್ತು. ಸಂಸತ್ತಿನ ಚುನಾವಣೆ ನಡೆದು ಮತ ಎಣಿಸುವ ದಿನವಾದ 2019ರ ಮೇ 23 ರಂದು ವಿದ್ಯುತ್ ಬಳಕೆ ಸಾರ್ವಕಾಲಿಕ ಗರಿಷ್ಠ ಮಟ್ಟವನ್ನು ತಲುಪಿತ್ತು. ಅಂದು 88.34 ಮಿಲಿಯನ್ ಯುನಿಟ್ ಆಗಿತ್ತು. ವಿದ್ಯುತ್ ಬಳಕೆಯಲ್ಲಿ ಅನಿರೀಕ್ಷಿತ ಹೆಚ್ಚಳದ ಬಗ್ಗೆ ಕೆ.ಎಸ್.ಇ.ಬಿ ಕಳವಳ ವ್ಯಕ್ತಪಡಿಸಿದೆ.
ವಿದ್ಯುತ್ ಬಳಕೆ ಹೆಚ್ಚಳದೊಂದಿಗೆ ಉತ್ಪಾದನೆಯೂ ಹೆಚ್ಚಾಗಿದೆ. ಇಡುಕ್ಕಿ ಮೂಲಾಮಟ್ಟಂನಿಂದ ವಿದ್ಯುತ್ ಉತ್ಪಾದನೆ ಗರಿಷ್ಠ ಮಟ್ಟದಲ್ಲಿದೆ. ಎಲ್ಲಾ ಆರು ಕವಾಟಗಳು ತೆರೆದಿರುತ್ತವೆ. ಶನಿವಾರ ವಿದ್ಯುತ್ ಉತ್ಪಾದನೆ 14.28 ಮಿಲಿಯನ್ ಯುನಿಟ್ ಆಗಿತ್ತು. ಚುನಾವಣೆ ಸಮೀಪಿಸುತ್ತಿರುವುದರಿಂದ ವಿದ್ಯುತ್ ಬಳಕೆ ಮತ್ತಷ್ಟು ಹೆಚ್ಚಾಗುವ ಸಾಧ್ಯತೆಯಿದೆ.
DOCTYPE html>
