ಅಗತ್ಯವಿದ್ದರೆ ರಾಜ್ಯಾದ್ಯಂತ ಸಂಪೂರ್ಣ ಲಾಕ್ ಡೌನ್ ಘೋಷಿಸಬೇಕಾಗಬಹುದು: ಸಚಿವೆ ಕೆ.ಕೆ.ಶೈಲಜಾ

                                            

            ತಿರುವನಂತಪುರ: ಕೇರಳದಲ್ಲಿ ಕೊರೋನಾ ಪ್ರಕರಣಗಳು ಆತಂಕಕಾರಿಯಾಗಿ ಹೆಚ್ಚುತ್ತಿವೆ ಎಂದು ಆರೋಗ್ಯ ಸಚಿವ ಕೆ.ಕೆ.ಶೈಲಜಾ ಹೇಳಿದ್ದಾರೆ. ಕೊರೋನದ ಎರಡನೇ ತರಂಗವು ರಾಜ್ಯದಲ್ಲಿ ತೀವ್ರಗೊಳ್ಳುತ್ತಿದೆ. ಪ್ರಸ್ತುತ ಸೋಂಕು  ವ್ಯಾಪಕಗೊಂಡಿರುವ ಇತರ ಪ್ರದೇಶಗಳಲ್ಲಿ  ಲಾಕ್‍ಡೌನ್ ಗಳಿಗೆ ಸಮಾನವಾದ ಇದೇ ರೀತಿಯ ನಿರ್ಬಂಧಗಳನ್ನು ವಿಧಿಸಲಾಗಿದೆ. ಅಗತ್ಯವಿದ್ದರೆ ಸಂಪೂರ್ಣ ಲಾಕ್ ಡೌನ್ ಘೋಷಿಸಬೇಕಾಗಬಹುದು ಎಂದು ಆರೋಗ್ಯ ಸಚಿವರು ಹೇಳಿದರು.

          ಕೊರೋನದ ಮೊದಲ ತರಂಗವು ರಾಜ್ಯಕ್ಕೆ ತಡವಾಗಿ ಬಂದಿತು. ಲಸಿಕೆ ಪಡೆಯದಿರುವುದು ದೊಡ್ಡ ಸಮಸ್ಯೆಯಾಗಿದೆ. ಲಸಿಕೆ ಸಾಕಷ್ಟು ಲಭ್ಯವಾದಲ್ಲಿ ಸೋಂಕಿತರಾಗದ  89 ಶೇ. ಜನರನ್ನು ರಕ್ಷಿಸಲು ಸಾಧ್ಯವಾಗುವುದು. ಕೇರಳಕ್ಕೆ 1.5 ಕೋಟಿ ಲಸಿಕೆಗಳು ಬೇಕಾಗುತ್ತವೆ. ಪ್ರಸ್ತುತ, ರಾಜ್ಯದಲ್ಲಿ ಕೇವಲ ಮೂರರಿಂದ ನಾಲ್ಕು ಲಕ್ಷ ಪ್ರಮಾಣಗಳಿವೆ ಎಂದು ಅವರು ಹೇಳಿದರು.

                 ನಾಳೆ ನಡೆಯಲಿರುವ ಮತಗಳ ಗಣನೆಯಲ್ಲಿ  ತಮ್ಮ ಗೆಲುವಿನ ಭರವಸೆಯನ್ನು ಸಚಿವರು ಹಂಚಿಕೊಂಡರು. ಎಲ್.ಡಿ.ಎಫ್ ಎಂದಿಗೂ ಜನರಿಗಾಗಿ ಕೆಲಸ ಮಾಡುವ ಸರ್ಕಾರ ಎಂದು ಸಚಿವರು ಹೇಳಿದರು. ಕೊರೋನಾ ವಿರುದ್ಧ ಸರ್ಕಾರ ಸಾಮೂಹಿಕ ಕಾರ್ಯಾಚರಣೆ ನಡೆಸಿದ್ದು, ಎಲ್.ಡಿ.ಎಫ್ ಮರಳಿ ಅಧಿಕಾರಕ್ಕೆ ಬರಲಿದೆ ಎಂದು ಕೆ.ಕೆ.ಶೈಲಜಾ ಹೇಳಿದರು.