'ಕೆಪಿಸಿಸಿ ಅಧ್ಯಕ್ಷನಾಗಿ ಮುಂದುವರಿಯಲಾರೆ, ಸೋಲಿನ ಜವಾಬ್ದಾರಿ ತನ್ನದು': ಮುಲ್ಲಪ್ಪಳ್ಳಿ

                ತಿರುವನಂತಪುರ: ಮುಲ್ಲಪ್ಪಳ್ಳಿ ರಾಮಚಂದ್ರನ್ ಅವರು ಕೆಪಿಸಿಸಿ ಅಧ್ಯಕ್ಷರಾಗಿ ಮುಂದುವರಿಯಲು ಆಸಕ್ತಿಯಿಲ್ಲ ಎಂದು ಹೇಳಿರುವರು. ಕೆಪಿಸಿಸಿಯಲ್ಲಿ ಶೀಘ್ರದಲ್ಲೇ ಹೊಸ ವ್ಯವಸ್ಥೆ ಜಾರಿಗೆ ಬರಬೇಕು. ಕಾಂಗ್ರೆಸ್ ಅಧ್ಯಕ್ಷೆ ಸೋನಿಯಾ ಗಾಂಧಿ ಅವರಿಗೆ ಈ ಬಗ್ಗೆ ಮಾಹಿತಿ ನೀಡಲಾಗಿದೆ. ಪರ್ಯಾಯ ವ್ಯವಸ್ಥೆ ಜಾರಿಗೆ ಬರುವವರೆಗೆ ಮಾತ್ರ ಕೆಪಿಸಿಸಿ ಅಧ್ಯಕ್ಷ ಹುದ್ದೆಯಲ್ಲಿ ಮುಂದುವರಿಯುವುದಾಗಿ ರಾಷ್ಟ್ರೀಯ ನಾಯಕತ್ವಕ್ಕೆ ತಿಳಿಸಲಾಗಿದೆ ಎಂದು ಅವರು ಹೇಳಿರುವರು.

                  ವಿಧಾನಸಭಾ ಚುನಾವಣೆಯಲ್ಲಿನ ಸೋಲಿನ ಸಂಪೂರ್ಣ ಜವಾಬ್ದಾರಿ ತನ್ನ  ಮೇಲಿದೆ. ಆಪಾದನೆಯನ್ನು ಬೇರೆಯವರ ಮೇಲೆ ಇಡುವ ಉದ್ದೇಶ ನನಗಿಲ್ಲ. ವೈಫಲ್ಯದಲ್ಲಿ ದುಃಖ ಮತ್ತು ನೋವು ಇದೆ. ಸೋನಿಯಾ ಗಾಂಧಿ ಮತ್ತು ರಾಹುಲ್ ಗಾಂಧಿ ಅವರಿಂದ ಉತ್ತಮ ಸಹಕಾರ ದೊರಕಿತು. ಆದರೆ ತಾನು  ಸೋನಿಯಾ ಗಾಂಧಿಗೆ ಪತ್ರ ಕಳುಹಿಸಿರುವೆ ಎಂಬ ಸುದ್ದಿ ಆಧಾರರಹಿತವಾಗಿದೆ. ಅಂತಹ ಪತ್ರ ಬರೆಯುವ ಅಗತ್ಯವಿಲ್ಲ ಎಂದು ಮುಲ್ಲಪ್ಪಳ್ಳಿ ಸ್ಪಷ್ಟಪಡಿಸಿದರು.

              ಚುನಾವಣೆಯಲ್ಲಿ ಸೋತ ದಿನ ಹೇಗೆ ಕೆಳಗಿಳಿಯಬೇಕೆಂದು ತಿಳಿಯದ ವಿಷಯವೇನಲ್ಲ. ಅಂತಹ ನಿರ್ಧಾರಗಳನ್ನು ತೆಗೆದುಕೊಳ್ಳುವುದರಿಂದ ತಾನೆಂದೂ  ಹಿಂದೆ ಸರಿಯುವವನೂ ಅಲ್ಲ. ಆದರೆ, ಪಕ್ಷದ ಸೋಲಿನ ನಿರ್ಣಾಯಕ ಹಂತದಲ್ಲಿ ರಾಜೀನಾಮೆ ನೀಡಿದರೆ ಇತಿಹಾಸವು ದಾಖಲಿಸದಂತೆ ಕೆಪಿಸಿಸಿ ಸ್ಥಾನದಲ್ಲಿ ಮುಂದುವರಿದೆ ಎಂದು ಮುಲ್ಲಪ್ಪಳ್ಳಿ ಹೇಳಿದ್ದಾರೆ.

                     ಚುನಾವಣಾ ಸೋಲಿನ ಬಗ್ಗೆ ಅಧ್ಯಯನ ಮಾಡುತ್ತಿರುವ ಒಬ್ಬರನ್ನು ಹೊರತುಪಡಿಸಿ ಅಶೋಕ್ ಚವಾಣ್ ಸಮಿತಿಯ ಎಲ್ಲ ಸದಸ್ಯರನ್ನು ನಾನು ವರ್ಷಗಳಿಂದ ತಿಳಿದಿದ್ದೇನೆ. ಅವರೂ ಸ್ನೇಹಿತರು. ಮಾಹಿತಿಯನ್ನು ಬಹಿರಂಗಪಡಿಸುವುದಿಲ್ಲ ಎಂದು ಚವಾÀಣ್ ಆಯೋಗಕ್ಕೆ ತಿಳಿಸಿದ್ದರು. ವಿವರವಾದ ವರದಿಯನ್ನು ಸೋನಿಯಾ ಗಾಂಧಿಗೆ ಹಸ್ತಾಂತರಿಸಲಾಗಿದೆ ಮತ್ತು ಅದನ್ನು ಅವರ ಹೇಳಿಕೆಯಾಗಿ ಸ್ವೀಕರಿಸಬೇಕು ಎಂಬುದು ಸ್ಪಷ್ಟವಾಗಿದೆ ಎಂದು ಅವರು ಹೇಳಿದರು.

                   ಕಾಂಗ್ರೆಸ್ ನಲ್ಲಿ ಗುಂಪುಗಾರಿಕೆಯ  ಬಗ್ಗೆ ಮಾಧ್ಯಮಗಳು ವರದಿ ಮಾಡಬಾರದು. ಎಲ್ಲರೂ ಒಟ್ಟಾಗಿ ಕಾರ್ಯನಿರ್ವಹಿಸುವ  ಪಕ್ಷದಲ್ಲಿ ಯಾವುದೇ ರೀತಿಯ ಭಿನ್ನಾಭಿಪ್ರಾಯಗಳಿಲ್ಲ. ಇದು ಸಾಕಷ್ಟು ಪತನಶೀಲ ಸಮಯಗಳನ್ನು ಕಂಡ ಪಕ್ಷವಾಗಿದೆ ಎಂದರು. ತಮ್ಮ ರಾಜೀನಾಮೆಯನ್ನು ಘೋಷಿಸಿದ್ದರಿಂದ ಶುಕ್ರವಾರ ನಡೆದ ಯುಡಿಎಫ್ ಸಮನ್ವಯ ಸಮಿತಿ ಸಭೆಗೆ ಗೈರು ಹಾಜರಾಗಿದ್ದರು ಎಂದು ಹೇಳಿದರು.