ತ್ರಿಶೂರ್ ವೈದ್ಯಕೀಯ ಕಾಲೇಜಿನಲ್ಲಿ 30 ಎಂಬಿಬಿಎಸ್ ವಿದ್ಯಾರ್ಥಿಗಳಿಗೆ ಮತ್ತು 13 ಕಾಫಿ ಹೌಸ್ ಸಿಬ್ಬಂದಿಗೆ ಕೊರೋನಾ ಪತ್ತೆ: ಮತ್ತೆ ಆತಂಕದ ದಿನಗಳೇ?

       ತ್ರಿಶೂರ್: ತ್ರಿಶೂರ್ ವೈದ್ಯಕೀಯ ಕಾಲೇಜಿನ 30 ಎಂಬಿಬಿಎಸ್ ವಿದ್ಯಾರ್ಥಿಗಳಿಗೆ ಇಂದು ಕೊರೋನಾ ಸೋಂಕು ದೃಢಪಟ್ಟಿರುವುದರೊಂದಿಗೆ ಮತ್ತೆ ಆತಂಕದ ಕರಿಮೋಡ ಹಬ್ಬಿದೆ.  ಆಸ್ಪತ್ರೆಯಲ್ಲಿ ಕರ್ತವ್ಯದಲ್ಲಿದ್ದ ಎರಡು ಬ್ಯಾಚ್ ವಿದ್ಯಾರ್ಥಿಗಳು ವೈರಸ್ ಸೋಂಕಿಗೆ ಒಳಗಾಗಿರುವುದು ಖಚಿತಗೊಂಡಿದೆ.  ಇದನ್ನು ಅನುಸರಿಸಿ, ಈ ಬ್ಯಾಚ್‌ಗಳಲ್ಲಿರುವ ಎಲ್ಲ ವಿದ್ಯಾರ್ಥಿಗಳನ್ನು ನಿರೀಕ್ಷಣೆಗೆ ಒಳಪಡಿಸುವಂತೆ ಸೂಚಿಸಲಾಗಿದೆ.   ಹಾಸ್ಟೆಲ್ ಮುಚ್ಚುವ ನಿರ್ಧಾರ ಶೀಘ್ರ ತೆಗೆದುಕೊಳ್ಳಲಾಗುವುದು ಎಂದು ಮೂಲಗಳು ತಿಳಿಸಿವೆ.

        ರೋಗಿಗಳ ಸಂಪರ್ಕದಿಂದ ಈ ಕಾಯಿಲೆ ಉಂಟಾಗಿದೆ ಎಂಬದು ಊಹಿಸಲಾಗಿದೆ.  ಇದು ಕಳವಳಕ್ಕೂ ಕಾರಣವಾಗಿದೆ.  ವೈದ್ಯಕೀಯ ಕಾಲೇಜು ಆವರಣದಲ್ಲಿರುವ ಇಂಡಿಯನ್ ಕಾಫಿ ಹೌಸ್‌ನ ಎಲ್ಲಾ 13 ಉದ್ಯೋಗಿಗಳಿಗೂ ಕೊರೋನಾ ಪತ್ತೆಯಾಗಿದೆ.  ಕಾಫಿ ಹೌಸ್ ಉದ್ಯೋಗಿಯೊಬ್ಬರು ಅನಾರೋಗ್ಯದಿಂದ ನಿಧನರಾದ ಬಳಿಕ ನಡೆಸಿದ ತಪಾಸಣೆಯಲ್ಲಿ ಸೋಂಕು ಇರುವುದು ಪತ್ತೆಯಾಗಿದೆ.