ಖಾಸಗಿ ಆಸ್ಪತ್ರೆಗಳ ಚಿಕಿತ್ಸಾ ಶುಲ್ಕದಲ್ಲಿ ಪರಿಷ್ಕರಣೆ: ಸರ್ಕಾರದಿಂದ ಹೊಸ ಮಾನದಂಡ ಪ್ರಕಟ

                ಕೊಚ್ಚಿ: ಕೋವಿಡ್ ಚಿಕಿತ್ಸೆಯ ಭಾಗವಾಗಿ ಖಾಸಗಿ ಆಸ್ಪತ್ರೆಗಳು ವಿಧಿಸಬಹುದಾದ ಶುಲ್ಕವನ್ನು ರಾಜ್ಯ ಸರ್ಕಾರ ಪರಿಷ್ಕರಿಸಿದೆ. ಶುಲ್ಕವನ್ನು ಮೂರು ವಿಭಾಗಗಳಾಗಿ ಪರಿಷ್ಕರಿಸಲಾಗಿದೆ. ಹೊಸ ದರಕ್ಕೆ ಹೈಕೋರ್ಟ್ ಅನುಮತಿ ನೀಡಿದೆ. ಎನ್‍ಎಬಿಎಚ್ ಮಾನ್ಯತೆ ಇಲ್ಲದೆ 100 ಹಾಸಿಗೆಗಳಿಗಿಂತ ಕಡಿಮೆ ಇರುವ ಆಸ್ಪತ್ರೆಗಳಿಗೆ ಹೊಸ ದರಗಳು ಅನ್ವಯವಾಗುವುದು. 

            ಎನ್‍ಎಬಿಎಚ್ ಮಾನ್ಯತೆ ಇಲ್ಲದೆ 100 ಹಾಸಿಗೆಗಳಿಗಿಂತ ಕಡಿಮೆ ಇರುವ ಆಸ್ಪತ್ರೆಗಳಲ್ಲಿ ಜನರಲ್ ವಾರ್ಡ್ 2910 ರೂ, ಎರಡು ಬೆಡ್ ರೂಮ್‍ಗೆ 2724 ರೂ ಮತ್ತು ಎರಡು ಬೆಡ್ ಎಸಿ ಕೋಣೆಗೆ 3174 ರೂ. ಖಾಸಗಿ ಕೋಣೆಗೆ 3703 ರೂ., ಎಸಿ ಸೌಲಭ್ಯ ಹೊಂದಿರುವ ಖಾಸಗಿ ಕೋಣೆಗೆ 5290 ರೂ.ಶುಲ್ಕ ವಿಧಿಸಬಹುದಾಗಿದೆ.

                  ಎನ್‍ಎಬಿಎಚ್ ಮಾನ್ಯತೆ ಇಲ್ಲದ 100 ರಿಂದ 300 ಹಾಸಿಗೆಗಳಿರುವ ಆಸ್ಪತ್ರೆಗಳಿಗೆ ಸಾಮಾನ್ಯ ವಾರ್ಡ್‍ಗೆ 2910 ರೂ. ಮತ್ತು ಎರಡು ಬೆಡ್ ರೂಮ್‍ಗೆ 3678 ರೂ. ಎಸಿ ಸೌಲಭ್ಯವಿರುವ ಎರಡು ಹಾಸಿಗೆಯ ಕೋಣೆಗೆ 4285 ರೂ. ಮತ್ತು ಎಸಿ ಹೊಂದಿರುವ ಖಾಸಗಿ ಕೋಣೆಗೆ 7142 ರೂ. ಎಸಿ ಸೌಲಭ್ಯವಿಲ್ಲದ ಖಾಸಗಿ ಕೋಣೆಗೆ 4999 ರೂ. ಮಾತ್ರ ವಿಧಿಸಲಾಗುವುದು ಎಂದು ಆದೇಶದಲ್ಲಿ ತಿಳಿಸಲಾಗಿದೆ.

             300 ಹಾಸಿಗೆಗಳಿಗಿಂತ ಹೆಚ್ಚಿನ ಆಸ್ಪತ್ರೆಗಳಲ್ಲಿ ಎಸಿ ಸೌಲಭ್ಯವಿರುವ ಕೊಠಡಿಗಳಿಗೆ 9710 ರೂ. ಕೊಠಡಿ ದರವನ್ನು ಖಾಸಗಿ ಆಸ್ಪತ್ರೆಗಳು ನಿಗದಿಪಡಿಸಬೇಕು ಎಂಬ ರಾಜ್ಯ ಸರ್ಕಾರದ ಆದೇಶ ವಿವಾದಾತ್ಮಕವಾಗಿತ್ತು. ಸರ್ಕಾರದ ನಿಲುವನ್ನು ಹೈಕೋರ್ಟ್ ಟೀಕಿಸಿತ್ತು. ಇದರ ಬಳಿಕ ಸರ್ಕಾರ ಕೊಠಡಿಗಳ ಬಾಡಿಗೆಯನ್ನು ನಿಗದಿಪಡಿಸುವ ಮೂಲಕ ಘಟನಾ ಪರಿಹಾರ ಕಲ್ಪಿಸಿತು. ಖಾಸಗಿ ಆಸ್ಪತ್ರೆಗಳು ವಿಧಿಸುವ ಚಿಕಿತ್ಸಾ ದರಗಳ ಬಗ್ಗೆ ಹೈಕೋರ್ಟ್ ಈ ಹಿಂದೆ ಕಠಿಣ ನಿಲುವು ತೆಗೆದುಕೊಂಡಿತ್ತು.