ದತ್ತಿ ಚಟುವಟಿಕೆಗಳ ಭಾಗವಾಗಿ ಹಣ ಸಂಗ್ರಹ ನಿಯಂತ್ರಿಸಲು ಕೇರಳ ಸರ್ಕಾರವನ್ನು ಎಚ್ಚರಿಸಿದ ಹೈಕೋರ್ಟ್

                  ಕೊಚ್ಚಿ: ದತ್ತಿ ಚಟುವಟಿಕೆಗಳ ಭಾಗವಾಗಿ ಹಣ ಸಂಗ್ರಹವನ್ನು ನಿಯಂತ್ರಿಸುವಂತೆ ಹೈಕೋರ್ಟ್ ಸರ್ಕಾರಕ್ಕೆ ನಿರ್ದೇಶನ ನೀಡಿದೆ. ಯಾರೂ ಹಣವನ್ನು ಸಂಗ್ರಹಿಸುವ ಸ್ಥಿತಿಯಲ್ಲಿಲ್ಲ. ಈ ನಿಟ್ಟಿನಲ್ಲಿ ಸಮಗ್ರ ನೀತಿ ಅಗತ್ಯವಿದೆ. ಹಣದ ಮೂಲವನ್ನು ಪರಿಶೀಲಿಸಬೇಕು ಎಂದು ನ್ಯಾಯಾಲಯ ಹೇಳಿದೆ.

                ಈ ನಿಟ್ಟಿನಲ್ಲಿ ಸರ್ಕಾರ ಸಮಗ್ರ ನೀತಿಯನ್ನು ರೂಪಿಸಬೇಕು ಮತ್ತು ದತ್ತಿ ಚಟುವಟಿಕೆಗಳ ಹೆಸರಿನಲ್ಲಿ ದೊಡ್ಡ ಮೊತ್ತದ ಹಣವನ್ನು ಸಂಗ್ರಹಿಸುವುದನ್ನು ನಿಯಂತ್ರಿಸ ಬೇಕು ಎಂದು ಹೈಕೋರ್ಟ್ ಹೇಳಿದೆ. ಮಲಪ್ಪುರಂನಲ್ಲಿ ಎಸ್‍ಎಂಎಗೆ ಚಿಕಿತ್ಸೆ ಪಡೆಯುತ್ತಿರುವ ಇಮ್ರಾನ್‍ಗೆ ವೈದ್ಯಕೀಯ ನೆರವು ಕೋರಿ ಸಲ್ಲಿಸಿದ್ದ ಅರ್ಜಿಯನ್ನು ನ್ಯಾಯಾಲಯ ವಿಚಾರಣೆ ನಡೆಸುತ್ತಿತ್ತು. ದತ್ತಿ ಚಟುವಟಿಕೆಗಳ ಹೆಸರಿನಲ್ಲಿ ಯೂಟ್ಯೂಬರ್‍ಗಳು ತಮ್ಮ ಸ್ವಂತ ಖಾತೆಗಳಿಗೆ ಹಣವನ್ನು ಏಕೆ ಜಮೆ ಮಾಡುತ್ತಿದ್ದಾರೆ ಎಂದು ನ್ಯಾಯಾಲಯ ಕೇಳಿದೆ. ಸೋಷಿಯಲ್ ಮೀಡಿಯಾ ಮೂಲಕ ಯಾರೂ ಮುಲಾಜುಗಳಿಲ್ಲದೆ ಹಣ ಸಂಗ್ರಹಿಸಬಹುದೆಂದು ಬಹುತೇಕರು ನಂಬಿರುವ ಬಗ್ಗೆ ನ್ಯಾಯಾಲು ಕಳವಳ ವ್ಯಕ್ತಪಡಿಸಿದೆ.

                           ಜಮೆಯಾದ ಹಣದ ಬಗ್ಗೆ ವಿವಾದಗಳು ಹುಟ್ಟಿಕೊಳ್ಳುತ್ತಿದೆ. ಈ ಬಗ್ಗೆ  ಸರ್ಕಾರ ಮತ್ತು ಪೋಲೀಸರು ಸೂಕ್ಷ್ಮವಾಗಿ ಗಮನಿಸಬೇಕು ಮತ್ತು ಪರಿಹರಿಸಬೇಕು. ಹಣದ ಮೂಲವನ್ನು ವಿವರವಾಗಿ ಪರಿಶೀಲಿಸಬೇಕು ಎಂದು ನ್ಯಾಯಾಲಯ ಸೂಚಿಸಿತು.

                     ಇವೇ ವೇಳೆ, ಏಕ ನ್ಯಾಯಪೀಠದ ನ್ಯಾಯಾಧೀಶ ಪಿ.ಬಿ. ಸುರೇಶ್ ಕುಮಾರ್ ಸ್ಪಷ್ಟನೆ ನೀಡಿ ಸರ್ಕಾರಕ್ಕೆ ಚಾಟಿ ಬೀಸಿದರು. ಮನಿ ಲಾಂಡರಿಂಗ್ ಸೋಗಿನಲ್ಲಿ ಯಾರೂ ಮೋಸ ಹೋಗಬಾರದು ಎಂದು ನ್ಯಾಯಾಲಯ ಹೇಳಿದೆ. ಚಿಕಿತ್ಸೆಯಲ್ಲಿರುವ ಇಮ್ರಾನ್ ಅವರನ್ನು ಪರೀಕ್ಷಿಸಲು ಆರು ವೈದ್ಯರ ವೈದ್ಯಕೀಯ ಮಂಡಳಿಯನ್ನು ರಚಿಸಲಾಗಿದೆ ಎಂದು ಸರ್ಕಾರ ನ್ಯಾಯಾಲಯಕ್ಕೆ ತಿಳಿಸಿದೆ. ವೈದ್ಯಕೀಯ ಮಂಡಳಿ ಸಲ್ಲಿಸಿದ ವರದಿಯ ಆಧಾರದ ಮೇಲೆ ಮುಂದಿನ ವಾರ ಹೈಕೋರ್ಟ್ ಅರ್ಜಿಯನ್ನು ಮರುಪರಿಶೀಲಿಸಲಿದೆ.