ತಿರುವನಂತಪುರ: ಚೀನಾ ಕೊರೋನವನ್ನು ಸೋಲಿಸಿದೆ ಮತ್ತು ಸಾಂಕ್ರಾಮಿಕ ರೋಗವನ್ನು ಸಂಪೂರ್ಣವಾಗಿ ಅಂಕೆಯಲ್ಲಿರಿಸಲು ಅದಕ್ಕೆ ಸಾಧ್ಯವಾಗಿದೆ. ಚೀನಾ ಸರ್ಕಾರದ ವಿಧಾನವು ಅನುಕರಣೀಯವಾಗಿದೆ ಎಂದು ಸಿಪಿಎಂ ರಾಜ್ಯ ಕಾರ್ಯಕಾರಿ ಸಮಿತಿ ಕಾರ್ಯದರ್ಶಿ ಎ ವಿಜಯರಾಘವನ್ ಹೇಳಿದ್ದಾರೆ. ಚೀನಾದ ಕಮ್ಯುನಿಸ್ಟ್ ಪಕ್ಷದ 100 ನೇ ವಾರ್ಷಿಕೋತ್ಸವದ ಸಂದರ್ಭದಲ್ಲಿ ಸಿಪಿಎಂ ರಾಜ್ಯ ಘಟಕದ ಅಧಿಕೃತ ಫೇಸ್‍ಬುಕ್ ಪುಟದಲ್ಲಿ ಪೋಸ್ಟ್‍ನಲ್ಲಿ ವಿಜಯರಾಘವನ್ ವಿಲಕ್ಷಣ ಹೇಳಿಕೆ ನೀಡಿದ್ದಾರೆ. ವಿಜಯರಾಘವನ್ ಅವರು ಚೀನಾದ ಕೊರೋನಾ ತಡೆಗಟ್ಟುವ ಪ್ರಯತ್ನಗಳನ್ನು ಶ್ಲಾಘಿಸಿದರು ಮತ್ತು ಕೊÀರೋನಾ ಚೀನೀ ನಿರ್ಮಿತ ವೈರಸ್ ಎಂಬ ಅನುಮಾನಗಳ ನಡುವೆ ಅವುಗಳನ್ನು ಅನುಕರಣೀಯ ಎಂದು ಶ್ಲಾಘಿಸಿದರು.
ಇಡೀ ಜಗತ್ತು ಕೊರೋನ ವಿರುದ್ಧ ಹೋರಾಡುತ್ತಿರುವ ಈ ಸಮಯದಲ್ಲಿ ವಿಶ್ವದ ಅತಿ ಹೆಚ್ಚು ಜನಸಂಖ್ಯೆ ಹೊಂದಿರುವ ದೇಶವಾದ್ದರಿಂದ ಚೀನಾ ನೇರವಾಗಿ ಕೊರೋನಾವನ್ನು ಸೋಲಿಸದೆ ಸೋಲಿಸಿದೆ ಎಂದು ವಿಜಯರಾಘವನ್ ಹೇಳಿಕೆಯಲ್ಲಿ ತಿಳಿಸಿದ್ದಾರೆ. ಪಾಶ್ಚಿಮಾತ್ಯ ಮಾಧ್ಯಮಗಳು ಯುಗಯುಗದಿಂದ ಸುಳ್ಳು ಅಪಪ್ರಚಾರದಿಂದ ನಿರ್ಮಿಸಲು ಪ್ರಯತ್ನಿಸುತ್ತಿವೆ. ಚೀನೀ ವಿರೋಧಿ ಸಾರ್ವಜನಿಕ ಪ್ರಜ್ಞೆಗಿಂತ, ಬಿಕ್ಕಟ್ಟಿನ ಸಮಯದಲ್ಲಿ ಆಡಳಿತವು ತನ್ನ ಜನರನ್ನು ಹೇಗೆ ಸೆಳೆದಿದೆ ಎಂಬುದನ್ನು ನಾವು ಅರ್ಥಮಾಡಿಕೊಳ್ಳಬೇಕು ಎಂದು ವಿಜಯರಾಘವನ್ ಹೇಳಿದರು.
ಮೊದಲ 100 ವರ್ಷಗಳಲ್ಲಿ ಬಡತನವನ್ನು ನಿರ್ಮೂಲನೆ ಮಾಡಲು ಮತ್ತು ಚೀನಾದ ಸಮಾಜವನ್ನು ಸಮೃದ್ಧವಾಗಿ ಪರಿವರ್ತಿಸಲು ಸಾಧ್ಯವಾಯಿತು ಮತ್ತು ಮುಂದಿನ 100 ವರ್ಷಗಳಲ್ಲಿ ಚೀನಾ ಶ್ರೇಷ್ಠ ಆಧುನಿಕ ಸಮಾಜವಾದಿ ದೇಶವಾಗಲಿದೆ ಎಂದು ಚೀನಾದ ಅಧ್ಯಕ್ಷ ಕ್ಸಿ ಜಿನ್‍ಪಿಂಗ್ ಅವರ ಮಾತುಗಳು ರೋಮಾಂಚನಕಾರಿ ಎಂದು ವಿಜಯರಾಘವನ್ ಹೇಳುತ್ತಾರೆ.
ವಿಜಯರಾಘವನ್ ಅವರ ಪ್ರಕಾರ, ಚೀನಾದ ಯಶಸ್ಸಿನ ರಹಸ್ಯವೆಂದರೆ ಅದು ವಿವಿಧ ಆರ್ಥಿಕ ಪ್ರಯೋಗಗಳ ಹೊರತಾಗಿಯೂ, ಮಾಕ್ರ್ಸ್‍ವಾದಿ-ಲೆನಿನಿಸ್ಟ್ ವಿಶ್ವ ದೃಷ್ಟಿಕೋನದಿಂದ ಅಥವಾ ಕಮ್ಯುನಿಸ್ಟ್ ಪಕ್ಷದ ಮೂಲ ಸಾಂಸ್ಥಿಕ ತತ್ವಗಳಿಂದ ಭಿನ್ನವಾಗದಿರುವುದು ಪ್ರಧಾನ ಕಾರಣ ಎಂದು ಬರೆದು ಅಚ್ಚರಿ ಮೂಡಿಸಿದ್ದಾರೆ. ಅವರ ಈ ಪೋಸ್ಟ್ ಭಾರೀ ಚರ್ಚೆಗೂ ಕಾರಣವಾಗಿದೆ.
DOCTYPE html>
