ಕಾಸರಗೋಡು ಜಿಲ್ಲೆಯಲ್ಲಿ ಅಕ್ಷಯ, ಜನಸೇವಾ ಕೇಂದ್ರಗಳು ಚಟುವಟಿಕೆ ನಡೆಸಬಹುದು

            ಕಾಸರಗೋಡು: ಕೋವಿಡ್ 19 ಲಾಕ್ ಡೌನ್ ಸಡಿಲಿಕೆಯ ಅಂಗವಾಗಿ ಕಾಸರಗೋಡು ಜಿಲ್ಲೆಯಲ್ಲಿ ಎಲ್ಲ ಕ್ಯಾಟಗರಿ ಪ್ರದೇಶಗಳಲ್ಲೂ ಅಕ್ಷಯ, ಜನಸೇವಾ ಕೇಂದ್ರಗಳು ಚಟುವಟಿಕೆ ನಡೆಸಬಹುದು ಎಂದು ಜಿಲ್ಲಾ ಪಿಡುಗು ನಿವಾರಣೆ ಪ್ರಾಧಿಕಾರದ ಅಧ್ಯಕ್ಷೆಯಾಗಿರುವ, ಜಿಲ್ಲಾಧಿಕಾರಿ ಭಂಡಾರಿ ಸ್ವಾಗತ್ ರಣ್ ವೀರ್ ಚಂದ್ ಆದೇಶ ನೀಡಿದರು. 

                    ಎ,ಬಿ,ಸಿ, ಕ್ಯಾಟಗರಿ ಪ್ರದೇಶಗಳಲ್ಲಿ ಬೆಳಗ್ಗೆ 7 ರಿಂದ ರಾತ್ರಿ 8 ಗಂಟೆ ವರೆಗೆ, ಡಿ ಕ್ಯಾಟಗರಿ ಪ್ರದೇಶಗಳಲ್ಲಿ ಬೆಳಗ್ಗೆ 7 ರಿಂದ ಸಂಜೆ 7 ಗಂಟೆ ವರೆಗೆ ಅಕ್ಷಯ, ಜನ ಸೇವಾ ಕೇಂದ್ರಗಳು ತೆರೆದು ಕಾರ್ಯಾಚರಿಸಬಹುದು. 

            ಫೆÇಟೋ ಸ್ಟುಡಿಯೋಗಳನ್ನು ತೆರೆಯಬಹುದು

                                   ಕೋವಿಡ್ 19 ಲಾಕ್ ಡೌನ್ ಸಡಿಲಿಕೆ ಅಂಗವಾಗಿ ರಾಜ್ಯದಲ್ಲಿ ಫೆÇಟೋ ಸ್ಟುಡಿಯೋಗಳು ಆಯಾ ಸ್ಥಳೀಯಾಡಳಿತ ಸಂಸ್ಥೆಗಳಲ್ಲಿ ಅನುಮತಿ ನೀಡುವ ದಿನಗಳಲ್ಲಿ ತೆರೆದು ಕಾರ್ಯಾಚರಿಸಬಹುದು ಎಂದು ರಾಜ್ಯ ಪಿಡುಗು ನಿವಾರಣೆ ಪ್ರಾಧಿಕಾರ ಆದೇಶ ನೀಡಿದೆ. ನೀಟ್ ಪರೀಕ್ಷೆ ಸಂಬಂಧ ಅಗತ್ಯವನ್ನು ಪರಿಶೀಲಿಸಿ ಈ ಕ್ರಮ ಕೈಗೊಳ್ಳಲಾಗಿದೆ. ಬೀಜ, ಗೊಬ್ಬರ ಮಾರಾಟ ಅಂಗಡಿಗಳನ್ನು ಅಗತ್ಯ ಸೇವಾ ವಲಯದಲ್ಲಿ ಸೇರ್ಪಡೆಗೊಳಿಸಲಾಗಿದೆ. ಇಕನಾಮಿಕ್ಸ್ ಆಂಡ್ ಸ್ಟಾಟಿಸ್ಟಿಕ್ಸ್ ಇಲಾಖೆಯ ಪ್ರೈಸ್ ವಿಭಾಗವನ್ನು ಅಗತ್ಯ ಸೇವಾ ವಲಯದಲ್ಲಿ ಸೇರಿಸಲಾಗಿದೆ ಎಂದು ಪ್ರಾಧಿಕಾರ ಆದೇಶ ನೀಡಿದೆ.