ತಿರುವನಂತಪುರದಲ್ಲಿ ಡಿಸೆಂಬರ್ 10 ರಿಂದ 17 ರವರೆಗೆ ಅಂತರಾಷ್ಟ್ರೀಯ ಚಲನಚಿತ್ರೋತ್ಸವ

                                      

                  ತಿರುವನಂತಪುರಂ: 26 ನೇ ಅಂತರಾಷ್ಟ್ರೀಯ ಚಲನಚಿತ್ರೋತ್ಸವವು ಡಿಸೆಂಬರ್ 10 ರಿಂದ 17 ರವರೆಗೆ ತಿರುವನಂತಪುರಂನಲ್ಲಿ ನಡೆಯಲಿದೆ. ತಿರುವನಂತಪುರದ ಏಕ ಕೇಂದ್ರದಲ್ಲಿ ಮಾತ್ರ ಉತ್ಸವ ಆಯೋಜನೆಗೊಳ್ಳಲಿದೆ.

               ಕಳೆದ ಬಾರಿ ಮೇಳವನ್ನು ನಾಲ್ಕು ಸ್ಥಳಗಳಲ್ಲಿ ಕೊರೋನಾ ಮಾನದಂಡಗಳಿಗೆ ಅನುಸಾರವಾಗಿ ನಡೆಸಲಾಯಿತು. ಆದರೆ ಅದರ ಬಗ್ಗೆ ಟೀಕೆ ಹೆಚ್ಚಾಗಿತ್ತು.

           ಆ ಬಳಿಕ, ಕೊರೋನಾ ಮಾನದಂಡಗಳನ್ನು ಅನುಸರಿಸಿ, ತಿರುವನಂತಪುರದಲ್ಲಿ ಮಾತ್ರ 26 ನೇ ಅಂತರಾಷ್ಟ್ರೀಯ ಚಲನಚಿತ್ರೋತ್ಸವವನ್ನು ನಡೆಸಲು ನಿರ್ಧರಿಸಲಾಯಿತು.

                ಚಲನಚಿತ್ರೋತ್ಸವದಲ್ಲಿ ಪ್ರದರ್ಶಿಸಲು ಬಯಸುವ ಚಲನಚಿತ್ರಗಳನ್ನು ಸೆಪ್ಟೆಂಬರ್ 10 ರೊಳಗೆ ಸಲ್ಲಿಸಬೇಕು. ಚಿತ್ರಗಳನ್ನು ಆನ್‍ಲೈನ್‍ನಲ್ಲಿ ಸಲ್ಲಿಸಬೇಕು.