ಈ ತಿಂಗಳ ವಿಶೇಷ ದಿನ ಲಾಂಚ್​ ಆಗಲಿದೆ, ಓಲಾ ಸ್ಕೂಟರ್!

           ನವದೆಹಲಿ : ಈ ಬಾರಿಯ ಸ್ವಾತಂತ್ರ್ಯ ದಿನಾಚರಣೆಗೆ ಆಟೋ ಉದ್ಯಮ ಚುರುಕಿನ ತಯಾರಿ ನಡೆಸಿದೆ. ಅದಾಗಲೇ ಮಹೀಂದ್ರ ಎಕ್ಸ್​ಯುವಿ 700ನ ಲಾಂಚ್​​ ಆಗಸ್ಟ್​ 15 ಕ್ಕೆ ನಿಗದಿಯಾಗಿದೆ. ಇದೀಗ ದ್ವಿಚಕ್ರವಾಹನ ಕ್ಷೇತ್ರದಲ್ಲಿ ಸಂಚಲನ ಮೂಡಿಸಿರುವ ಓಲಾ ಎಲೆಕ್ಟ್ರಿಕ್ ಸ್ಕೂಟರ್​ ಕೂಡ ಅದೇ ದಿನ ಭಾರತದಲ್ಲಿ ಲಾಂಚ್​ ಆಗಲಿದೆ ಎಂದು ಕಂಪೆನಿ ಮುಖ್ಯಸ್ಥ ಭವಿಶ್​ಅಗರ್​ವಾಲ್ ತಿಳಿಸಿದ್ದಾರೆ.

          ಆಗಸ್ಟ್​ 15 ರಂದು ಅಧಿಕೃತ ಉದ್ಘಾಟನಾ ಕಾರ್ಯಕ್ರಮ ಆಯೋಜಿಸುತ್ತಿದ್ದು, ಸ್ಕೂಟರ್​ನ ನಿರ್ದಿಷ್ಟ ವಿವರಗಳನ್ನು ಮತ್ತು ಲಭ್ಯತೆಯ ದಿನಾಂಕಗಳನ್ನು ಮುಂದೆ ತಿಳಿಸಲಾಗುವುದು ಎಂದು ಅಗರ್​ವಾಲ್​ ಹೇಳಿದ್ದಾರೆ.

          ಪೆಟ್ರೋಲ್ ಬೆಲೆ ಏರಿಕೆಯ ಸಂದರ್ಭದಲ್ಲಿ ಎಲೆಕ್ಟ್ರಿಕ್​ ಸ್ಕೂಟರ್​ ಹಲವರಿಗೆ ಉತ್ತಮ ಆಯ್ಕೆಯಾಗಿ ಕಾಣುತ್ತಿದೆ. ಹೀಗಿರುವಾಗ ಕೇವಲ 499 ರೂ. ಮುಂಗಡ ಹಣದೊಂದಿಗೆ ಬುಕ್ಕಿಂಗ್​ ಆರಂಭಿಸಿರುವ ಓಲಾ ಕಂಪೆನಿಯ ಸ್ಕೂಟರ್​ ಬಗ್ಗೆ ಲಕ್ಷಾಂತರ ಜನ ಆಸಕ್ತಿ ತೋರಿಸುತ್ತಿದ್ದಾರೆ.