ಎಚ್ಚರಿಕೆ ಕೈಬಿಡುವಂತಿಲ್ಲ: ಸಂಪೂರ್ಣ ವ್ಯಾಕ್ಸಿನೇಷನ್ 50 ಶೇ. ಪೂರ್ಣಗೊಂಡಿದೆ: ಆರೋಗ್ಯ ಸಚಿವೆ

                                                    

                   ತಿರುವನಂತಪುರ: ರಾಜ್ಯದಲ್ಲಿ ಕೋವಿಡ್ ಲಸಿಕೆ ಪಡೆಯಬೇಕಾದ ಅರ್ಧಕ್ಕಿಂತಲೂ ಹೆಚ್ಚು ಜನರು ಒಂದು ಹಾಗೂ ಎರಡು ಡೋಸ್ ಲಸಿಕೆ ಸ್ವೀಕರಿಸಿದ್ದಾರೆ ಎಂದು ಆರೋಗ್ಯ ಸಚಿವೆ ವೀಣಾ ಜಾರ್ಜ್ ಹೇಳಿದ್ದಾರೆ. ಕೋವಿಡ್ ವಿರುದ್ಧದ ಮಹಾನ್ ಹೋರಾಟದ ಈ ಸಮಯದಲ್ಲಿ ಹಲವಾರು ಜನರು ಸಂಪೂರ್ಣವಾಗಿ ಲಸಿಕೆ ಹಾಕಿಸಿಕೊಂಡಿದ್ದಾರೆ ಮತ್ತು ಸುರಕ್ಷಿತವಾಗಿರುವುದು ದೊಡ್ಡ ಸಾಧನೆಯಾಗಿದೆ. ಮತ್ತು ಮೊದಲ ಡೋಸ್ ನ್ನು ಶೇಕಡಾ 94 ಕ್ಕಿಂತ ಹೆಚ್ಚು ಜನರಿಗೆ ನೀಡಲಾಗಿದೆ. ಇದು ರಾಷ್ಟ್ರೀಯ ಸರಾಸರಿಗಿಂತ ಹೆಚ್ಚು. ರಾಷ್ಟ್ರಮಟ್ಟದಲ್ಲಿ ಲಸಿಕೆಯ ಮೊದಲ ಡೋಸ್ ಶೇ.77.37 ಮತ್ತು ಎರಡನೇ ಡೋಸ್ ಲಸಿಕೆ ಶೇ.33.99.ಆಗಿದೆ. ರಾಜ್ಯ ಆರಂಭಿಸಿರುವ ಲಸಿಕೆ ಅಭಿಯಾನ ಇಷ್ಟು ಬೇಗ ಈ ಸಾಧನೆ ಮಾಡಿದೆ ಎಂದು ಸಚಿವರು ಹೇಳಿದರು.

                   ಲಸಿಕೆ ಪಡೆದ ಜನಸಂಖ್ಯೆಯ 94.58% (2,52,62,175) ಜನರು ಮೊದಲ ಡೋಸ್ ಪಡೆದರು ಮತ್ತು 50.02% (1,33,59,562) ಎರಡನೇ ಡೋಸ್ ಪಡೆದರು. ಇದುವರೆಗೆ ಒಂದು ಮತ್ತು ಎರಡು ಡೋಸ್ ಸೇರಿದಂತೆ ಒಟ್ಟು 3,86,21,737 ಡೋಸ್ ಲಸಿಕೆ ನೀಡಲಾಗಿದೆ. ವ್ಯಾಕ್ಸಿನೇಷನ್ ಬಹುತೇಕ ಜನರಿಗೆ ತಲಪಿಸುವ ಗುರಿ ಮುಂದುವರಿದಿದೆ.  ಪತ್ತನಂತಿಟ್ಟ, ಎರ್ನಾಕುಳಂ ಮತ್ತು ವಯನಾಡ್ ಜಿಲ್ಲೆಗಳಲ್ಲಿ, ಸುಮಾರು 100 ಪ್ರತಿಶತದಷ್ಟು ಜನರು ಮೊದಲ ಡೋಸ್ ಲಸಿಕೆಯನ್ನು ಪಡೆದಿದ್ದಾರೆ. ಕೆಲವೇ ಜನರು ಇನ್ನೂ ಮೊದಲ ಡೋಸ್ ಲಸಿಕೆ ತೆಗೆದುಕೊಳ್ಳಬೇಕಾಗಿದೆ. ಅವರಿಗೆ ಹತ್ತಿರದ ಲಸಿಕಾ ಕೇಂದ್ರದಲ್ಲಿ ತಕ್ಷಣ ಲಸಿಕೆ ನೀಡಲು ವ್ಯವಸ್ಥೆ ಬಲಗೊಳ್ಳುತ್ತಿದೆ. 

                  ಕೆಲವು ಜನರು ಲಸಿಕೆಯ ಎರಡನೇ ಡೋಸ್ ತೆಗೆದುಕೊಳ್ಳಲು ವಿಳಂಬ ಅನುಸರಿಸುತ್ತಿದ್ದಾರೆ ಎಂಬ ವರದಿಗಳಿವೆ. ಎರಡನೇ ಡೋಸ್ ನ್ನು ಕೋವಿಶೀಲ್ಡ್ ಆದರೆ ಮೊದಲ ಡೋಸ್ ಲಸಿಕೆ ಹಾಕಿದ 84 ದಿನಗಳ ನಂತರ ಮತ್ತು ಕೋವಾಕ್ಸಿನ್ ನೀಡಿದ 28 ದಿನಗಳ ನಂತರ ತಕ್ಷಣವೇ ತೆಗೆದುಕೊಳ್ಳಬೇಕು. ಆದರೆ ಕೆಲವರು 84 ದಿನ ಕಳೆದರೂ ಲಸಿಕಾ ಕೇಂದ್ರಕ್ಕೆ ಬರುತ್ತಿಲ್ಲ. ಲಸಿಕೆಯ ಎರಡೂ ಡೋಸ್‍ಗಳನ್ನು ತೆಗೆದುಕೊಳ್ಳುವ ಮೂಲಕ ಮಾತ್ರ ಸಂಪೂರ್ಣ ಫಲಿತಾಂಶಗಳನ್ನು ಪಡೆಯಬಹುದು. ಎರಡನೇ ಡೋಸ್ ಲಸಿಕೆಯನ್ನು ಸಮಯಕ್ಕೆ ಸರಿಯಾಗಿ ಸ್ವೀಕರಿಸುವಂತೆ ಸಚಿವರು ವಿನಂತಿಸಿದರು.