ತಿರುವನಂತಪುರಂ: ರಾಜ್ಯದ ಶಾಲಾ ವಿದ್ಯಾರ್ಥಿಗಳಿಗೆ ವಿತರಿಸಬೇಕಿರಿವ ಕಿಟ್‌ಗಳನ್ನು ದುರ್ಬಳಕೆಗೆ ಸಪ್ಲೈಕೋ ಪ್ರಯತ್ನಿಸುತ್ತಿದೆ ಎನ್ನಲಾಗಿದೆ. ಕಿಟ್ ನಲ್ಲಿ ಮಾರಾಟವಾಗದ ಹಳೆ ಸ್ಟಾಕ್ ವಸ್ತುಗಳನ್ನು ಸೇರಿಸಲು ಪ್ರಯತ್ನಿಸಲಾಯಿತು. ಗುತ್ತಿಗೆದಾರರಿಗೆ ಸಹಾಯ ಮಾಡುವ ಉದ್ದೇಶದಿಂದ ಈ ಕ್ರಮ ಕೈಗೊಳ್ಳಲಾಗಿದೆ ಎಂದು ಆರೋಪಿಸಲಾಗಿದೆ.
ರಾಜ್ಯದ ಶಾಲಾ ಮಕ್ಕಳಿಗೆ ವಿತರಿಸಿದ ಆಹಾರ ಕಿಟ್‌ಗಳಲ್ಲಿನ ಅಗ್ಗದ ಮತ್ತು ಅವಧಿ ಮೀರಿದ ವಸ್ತುಗಳನ್ನು ಮರಳಿ ತರಲು ಸಪ್ಲೈಕೋ ಪ್ರಯತ್ನಿಸುತ್ತಿದೆ. ಶಿಕ್ಷಣ ಇಲಾಖೆ ಸೂಚಿಸಿದ ವಸ್ತುಗಳನ್ನು ಬದಲಿಸಿ ಮತ್ತು ಅದರ ಬದಲಿಗೆ ವಸ್ತುಗಳನ್ನು ವಿತರಿಸುವ ಪ್ರಯತ್ನ ನಡೆದಿದೆ. ಓಣಕಿಟ್‌ನಲ್ಲಿ ನೀಡಲಾದ ಗುಣಮಟ್ಟವಿಲ್ಲದ ಏಲಕ್ಕಿ ಸೇರಿದಂತೆ ಶಾಲೆಯ ಕಿಟ್‌ಗೆ ಸೇರಿಸಲು ಈ ಕ್ರಮಕ್ಕೆ ಮುಂದಾಗಲಾಗಿದೆ.
ಪೂರ್ವ ಪ್ರಾಥಮಿಕ ಮತ್ತು ಹಿರಿಯ ಪ್ರಾಥಮಿಕ ವಿಭಾಗಗಳಿಗೆ ಕಡಲೆ, ತೊಗರಿ ಬೇಳೆ,ಉದ್ದು, ಕರಿಮೆಣಸು ಮತ್ತು ರಾಗಿ ಪುಡಿ ಮುಂತಾದ ಆಹಾರ ಪದಾರ್ಥಗಳನ್ನು ಒದಗಿಸಲಾಗಿದೆ. ಆದರೆ 10 ರಂದು ಸಪ್ಲೈಕೋ ಸಿಎಂಡಿ ಅವರು ವಿತರಣಾ ಪಟ್ಟಿಯ ವಸ್ತುಗಳನ್ನು ಬದಲಿಸಲು ಸೂಚಿಸಿದರು. ರವೆ,ರಾಗಿಯ ಬದಲಿಗೆ ಗೋಧಿ ಮತ್ತು ಗೋಧಿಹುಡಿ ನೀಡಲು ತೀರ್ಮಾನಿಸಲಾಯಿತು. ಶಿಕ್ಷಣ ಇಲಾಖೆಯ ಅರಿವಿಲ್ಲದೆ ಸಪ್ಲೈಕೋ ಈ ನಿರ್ಧಾರವನ್ನು ತೆಗೆದುಕೊಂಡಿತು. ಆದರೆ ಶಿಕ್ಷಣ ಇಲಾಖೆಯು ಕಿಟ್‌ನ ವೆಚ್ಚವನ್ನು ಭರಿಸುವುದಾಗಿ ಘೋಷಿಸಿದಾಗ ಬೃಹತ್ ಭ್ರಷ್ಟಾಚಾರದ ಪ್ರಯತ್ನ ವಿಫಲವಾಯಿತು. ಪಟ್ಟಿಯಲ್ಲಿ ಉಲ್ಲೇಖಿಸದ ವಸ್ತುಗಳನ್ನು ನೀಡದಂತೆ ಸಾರ್ವಜನಿಕ ಶಿಕ್ಷಣ ಇಲಾಖೆಯು ಆದೇಶವನ್ನೂ ಹೊರಡಿಸಿದೆ.
ಗುತ್ತಿಗೆದಾರರಿಗೆ ಸಹಾಯ ಮಾಡಲು ಈ ಕ್ರಮ ಕೈಗೊಳ್ಳಲಾಗಿದೆ ಎಂದು ಆರೋಪಿಸಲಾಗಿದೆ. ಇದಕ್ಕೆ ಶಿಕ್ಷಣ ಇಲಾಖೆಯ ಅಧಿಕಾರಿಗಳ ಒತ್ತಾಸೆ ಇದೆ ಆರೋಪಿಸಲಾಗಿದೆ.
DOCTYPE html>
