ಕೊರೊನಾ: ರಾಜ್ಯದಲ್ಲಿ ಇಂದು 4557 ಮಂದಿಗೆ ಸೋಂಕು: 58,817 ಮಾದರಿಗಳ ಪರೀಕ್ಷೆ

                     ತಿರುವನಂತಪುರ: ರಾಜ್ಯದಲ್ಲಿ ಇಂದು 4557 ಮಂದಿಗೆ ಕೊರೊನಾ ಸೋಂಕು ದೃಢಪಟ್ಟಿದೆ. ತಿರುವನಂತಪುರ 814, ಎರ್ನಾಕುಳಂ 606, ಕೋಝಿಕ್ಕೋಡ್ 566, ತ್ರಿಶೂರ್ 489, ಕೊಲ್ಲಂ 350, ಕೊಟ್ಟಾಯಂ 347, ಕಣ್ಣೂರು 276, ಮಲಪ್ಪುರಂ 233, ಪತ್ತನಂತಿಟ್ಟ 211, ಆಲಪ್ಪುಳ 160, ಪಾಲಕ್ಕಾಡ್ 151, ಇಡುಕ್ಕಿ 139, ವಯನಾಡ್ 135, ಕಾಸರಗೋಡು 80 ಎಂಬಂತೆ ಸೋಂಕು ದೃಢಪಟ್ಟಿದೆ. 

                   ಕಳೆದ 24 ಗಂಟೆಗಳಲ್ಲಿ 58,817 ಮಾದರಿಗಳನ್ನು ಪರೀಕ್ಷಿಸಲಾಗಿದೆ. 19 ಸ್ಥಳೀಯ ಸಂಸ್ಥೆಗಳ 21 ವಾರ್ಡ್‍ಗಳಲ್ಲಿ ವಾರದ ಸೋಂಕಿನ ಜನಸಂಖ್ಯೆಯ ಅನುಪಾತ 10 ಕ್ಕಿಂತ ಹೆಚ್ಚಿದೆ. ಇಲ್ಲಿ ಕಟ್ಟುನಿಟ್ಟಿನ ನಿಯಂತ್ರಣ ಇರಲಿದೆ. ರಾಜ್ಯದ ವಿವಿಧ ಜಿಲ್ಲೆಗಳಲ್ಲಿ ಪ್ರಸ್ತುತ 1,64,747 ಮಂದಿ ಜನರು ನಿಗಾದಲ್ಲಿದ್ದಾರೆ. ಇವರಲ್ಲಿ 1,60,333 ಮಂದಿ ಮನೆ/ ಸಾಂಸ್ಥಿಕ ಕ್ವಾರಂಟೈನ್‍ನಲ್ಲಿದ್ದಾರೆ ಮತ್ತು 4,414 ಮಂದಿ ಆಸ್ಪತ್ರೆಯ ನಿಗಾದಲ್ಲಿದ್ದಾರೆ. ಒಟ್ಟು 299 ಮಂದಿ ಹೊಸದಾಗಿ ಆಸ್ಪತ್ರೆಗೆ ದಾಖಲಾಗಿದ್ದಾರೆ.

                  ಪ್ರಸ್ತುತ 43,771 ಕೊರೋನಾ ಪ್ರಕರಣಗಳಲ್ಲಿ, ಕೇವಲ 7.6 ಪ್ರತಿಶತದಷ್ಟು ಜನರು ಆಸ್ಪತ್ರೆ / ಸ್ಥಳೀಯ ಆಸ್ಪತ್ರೆಗಳಿಗೆ ದಾಖಲಾಗಿದ್ದಾರೆ. ಕಳೆದ 24 ಗಂಟೆಗಳಲ್ಲಿ ಕೋವಿಡ್ ಬಾಧಿಸಿ  52 ಮಂದಿ ಮೃತರಾಗಿದ್ದಾರೆ. ಇದಲ್ಲದೆ, ಸುಪ್ರೀಂ ಕೋರ್ಟ್‍ನ ಹೊಸ ಮಾರ್ಗಸೂಚಿಗಳ ಅಡಿಯಲ್ಲಿ ಕೇಂದ್ರ ಸರ್ಕಾರವು ಮೇಲ್ಮನವಿ ಸಲ್ಲಿಸಿದ 263 ಸಾವುಗಳು ವರದಿಯಾಗಿವೆ. ಈ ಮೂಲಕ ರಾಜ್ಯದಲ್ಲಿ ಒಟ್ಟು ಸಾವಿನ ಸಂಖ್ಯೆ 41,439ಕ್ಕೆ ಏರಿಕೆಯಾಗಿದೆ.

              ಇಂದು ಸೋಂಕು ಪತ್ತೆಯಾದವರಲ್ಲಿ 9 ಮಂದಿ ಹೊರ ರಾಜ್ಯದವರು. 4305 ಮಂದಿ ಜನರು ಸಂಪರ್ಕದಿಂದ ಸೋಂಕಿಗೆ ಒಳಗಾಗಿದ್ದಾರೆ. 205 ಮಂದಿಯ ಸಂಪರ್ಕ ಮೂಲವು ಸ್ಪಷ್ಟವಾಗಿಲ್ಲ. ಇಂದು  38 ಮಂದಿ ಆರೋಗ್ಯ ಕಾರ್ಯಕರ್ತರಿಗೆ ಸೋಂಕು ಬಾಧಿಸಿದೆ. ರೋಗನಿರ್ಣಯ ಮತ್ತು ಚಿಕಿತ್ಸೆ ಪಡೆದ 5108 ಮಂದಿ ಜನರು ಗುಣಮುಖರಾಗಿದ್ದಾರೆ.

                  ತಿರುವನಂತಪುರಂ 928, ಕೊಲ್ಲಂ 369, ಪತ್ತನಂತಿಟ್ಟ 603, ಆಲಪ್ಪುಳ 255, ಕೊಟ್ಟಾಯಂ 284, ಇಡುಕ್ಕಿ 139, ಎರ್ನಾಕುಳಂ 806, ತ್ರಿಶೂರ್ 433, ಪಾಲಕ್ಕಾಡ್ 104, ಮಲಪ್ಪುರಂ 130, ಕೋಝಿಕ್ಕೋಡ್ 400, ವಯನಾಡ್ 207, ಕಣ್ಣೂರು 373, ಕಾಸರಗೋಡು 77 ಎಂಬಂತೆ ಗುಣಮುಖರಾಗಿದ್ದಾರೆ.  ಇದುವರೆಗೆ 43, 771 ಎಂಬಂತೆ ಇನ್ನೂ ಚಿಕಿತ್ಸೆಯಲ್ಲಿದ್ದಾರೆ. 50,75,605 ಮಂದಿ ಜನರು ಕೊರೋನಾದಿಂದ ಮುಕ್ತರಾಗಿದ್ದಾರೆ.