ಕೋವಿಡ್‌: ಎಬಿ-ಪಿಎಂಎಜೆವೈ ಅಡಿ 8.7 ಲಕ್ಷ ಮಂದಿಗೆ ಚಿಕಿತ್ಸೆ - ಭಾರತಿ ಪವಾರ್

           ನವದೆಹಲಿ: ಕೇಂದ್ರ ಸರ್ಕಾರದ ಆಯುಷ್ಮಾನ್ ಭಾರತ್-ಪ್ರಧಾನ ಮಂತ್ರಿ ಜನ ಆರೋಗ್ಯ ಯೋಜನೆ(ಎಬಿ-ಪಿಎಂಜೆಎವೈ) ಅಡಿ 50.6 ಲಕ್ಷ ಕೋವಿಡ್ ಪರೀಕ್ಷೆಗಳು ಮತ್ತು 8.7 ಲಕ್ಷ ಮಂದಿ ಆಸ್ಪತ್ರೆಗೆ ಸೇರಲು ಅವಕಾಶ ನೀಡಲಾಗಿತ್ತು ಎಂದು ಕೇಂದ್ರ ಸರ್ಕಾರ ರಾಜ್ಯಸಭೆಗೆ ಮಾಹಿತಿ ನೀಡಿದೆ.

             ಮಂಗಳವಾರ ರಾಜ್ಯಸಭೆ ಕಲಾಪದಲ್ಲಿ ಕೋವಿಡ್ ಅವಧಿಯಲ್ಲಿ ಬಡ ಜನರ ಆರ್ಥಿಕ ಹೊರೆಯನ್ನು ಆಯುಷ್ಮಾನ್ ಭಾರತ್ ಯೋಜನೆ ಹೇಗೆ ಕಡಿಮೆ ಮಾಡಿತು ಎಂಬ ಪ್ರಶ್ನೆಗೆ ಕೇಂದ್ರ ಆರೋಗ್ಯ ಇಲಾಖೆಯ ರಾಜ್ಯ ಸಚಿವೆ ಭಾರತಿ ಪ್ರವೀಣ್ ಪವಾರ್ ಅವರು, 'ಎಬಿ-ಪಿಎಂಜೆಎವೈ ಯೋಜನೆಯಡಿ ಅರ್ಹ ಫಲಾನುಭವಿಗಳಿಗೆ ಉಚಿತ ಕೋವಿಡ್ ಪರೀಕ್ಷೆ ಮತ್ತು ಚಿಕಿತ್ಸೆ ನೀಡಲು ರಾಜ್ಯಗಳು ಮತ್ತು ಕೇಂದ್ರಾಡಳಿತ ಪ್ರದೇಶಗಳಿಗೆ ರಾಷ್ಟ್ರೀಯ ಆರೋಗ್ಯ ಪ್ರಾಧಿಕಾರವು ಅಗತ್ಯ ನೆರವು ನೀಡುತ್ತಿದೆ' ಎಂದು ಹೇಳಿದರು.