ನವದೆಹಲಿ: ದೆಹಲಿಯಲ್ಲಿ ತೀವ್ರ ಶಾಖ ಕಂಡು ಬರಲಿದೆ ಎಂದು ಭಾರತೀಯ ಹವಾಮಾನ ಇಲಾಖೆ (ಐಎಂಡಿ) ಗುರುವಾರ ಮುನ್ಸೂಚನೆ ನೀಡಿದೆ.
ರಾಷ್ಟ್ರ ರಾಜಧಾನಿಯ ಹಲವಾರು ಪ್ರದೇಶಗಳು ಬುಧವಾರವೂ ತೀವ್ರ ಶಾಖದ ಅಲೆಯಲ್ಲಿ ಮುಳುಗಿದವು, ಮೂರು ಸ್ಥಳಗಳಲ್ಲಿ ಗರಿಷ್ಠ ತಾಪಮಾನವು 41 ಡಿಗ್ರಿ ಗಡಿ ದಾಟಿದೆ.
ದೇಶದಾದ್ಯಂತ ಉಸಿರುಗಟ್ಟಿಸುವ ಶಾಖದ ನಡುವೆ, ಮುಂಬರುವ ದಿನಗಳಲ್ಲಿ ರಾಷ್ಟ್ರ ರಾಜಧಾನಿಯಲ್ಲಿ ತಾಪಮಾನವು 40 ಡಿಗ್ರಿ ಸೆಲ್ಸಿಯಸ್ಗೆ ಏರಬಹುದು ಎಂದು ಐಎಂಡಿ ಹೇಳಿದೆ.
ಮುಂದಿನ ನಾಲ್ಕರಿಂದ ರಿಂದ ಐದು ದಿನಗಳಲ್ಲಿ ಮಧ್ಯ ಮತ್ತು ಪಶ್ಚಿಮ ಭಾರತದಲ್ಲಿ ಉಷ್ಣ ಅಲೆಯು ಮುಂದುವರಿಯುವ ಸಾಧ್ಯತೆಯಿದೆ ಎಂದು ಹವಾಮಾನ ಇಲಾಖೆ ಬುಧವಾರ ತಿಳಿಸಿದೆ.
ತಾಪಮಾನವು 39 ಡಿಗ್ರಿಗಳವರೆಗೆ ಏರಲಿದೆ, ಇದು 40 ಡಿಗ್ರಿ ತಲುಪಬಹುದು. ಅಧಿಕ ತಾಪವಿದೆ. ಇದು ಭಾರತದ ಇತರ ಭಾಗಗಳನ್ನು ಒಳಗೊಂಡಂತೆ ಇಂದು ಮತ್ತು ನಾಳೆ ಮುಂದುವರಿಯುತ್ತದೆ. ಏಪ್ರಿಲ್ 1 ರಿಂದ ಸ್ವಲ್ಪ ಇಳಿಕೆಯಾಗಲಿದೆ ಮತ್ತು ನಂತರ ಮತ್ತೆ ಹೆಚ್ಚಿನ ತಾಪಮಾನ ಮುಂದುವರಿಯಲಿದೆ ಎಂದು ಐಎಂಡಿ ಅಧಿಕಾರಿ ಆರ್ಕೆ ಜೆನಮಣಿ ತಿಳಿಸಿದರು.
ವಾಯುವ್ಯ ಭಾರತದಲ್ಲಿ ಸುದೀರ್ಘವಾದ ಶುಷ್ಕ ವಾತಾವರಣವು “ತೀವ್ರ” ಬಿಸಿ ವಾತಾವರಣಕ್ಕೆ ಕಾರಣವಾಗಿದೆ. ವಾಯುವ್ಯ, ಮಧ್ಯ ಮತ್ತು ಪಶ್ಚಿಮ ಭಾರತದ ಮೇಲೆ ಶಾಖದ ಅಲೆಯು ಮುಂದಿನ ನಾಲ್ಕರಿಂದ ಐದು ದಿನಗಳವರೆಗೆ ಮುಂದುವರಿಯುವ ಸಾಧ್ಯತೆಯಿದೆ ಎಂದು ಹವಾಮಾನ ಅಧಿಕಾರಿಗಳು ತಿಳಿಸಿದ್ದಾರೆ.