ಡೆಲ್ಟಾ, ಓಮಿಕ್ರಾನ್ ಗಿಂತಲೂ ಅಪಾಯಕಾರಿ: ಬ್ರಿಟನ್‌ನಲ್ಲಿ XE ಕೋವಿಡ್ ರೂಪಾಂತರಿ ಪತ್ತೆ!

           ನವದೆಹಲಿ: ಡೆಲ್ಟಾ, ಓಮಿಕ್ರಾನ್ ಗಿಂತಲೂ ವೇಗವಾಗಿ ಹರಡಬಲ್ಲ ಅಪಾಯಕಾರಿ ಕೋವಿಡ್ ರೂಪಾಂತರಿ ಯುಕೆನಲ್ಲಿ ಪತ್ತೆಯಾಗಿದೆ. ಯುಕೆಯಲ್ಲಿ ಘಿಇ ಎಂಬ ಹೊಸ ಕೋವಿಡ್ ರೂಪಾಂತರ ಕಂಡುಬಂದಿದೆ ಎಂದು ವಿಶ್ವ ಆರೋಗ್ಯ ಸಂಸ್ಥೆ ತಿಳಿಸಿದೆ.

                 XE ಎಂದು ಕರೆಯಲ್ಪಡುವ ಹೊಸ ರೂಪಾಂತರವು ಯಾವುದೇ covid-19 ರೂಪಾಂತರಿಗಿಂತ  ಹೆಚ್ಚು ವೇಗವಾಗಿ ಹರಡಬಹುದು ಎಂದು ಆರೋಗ್ಯ ಸಂಸ್ಥೆ ಹೇಳಿದೆ.

             XE ಎಂಬ ಪುನಃಸಂಯೋಜಕ BA’1  ಮತ್ತು  BA.2  ಓಮಿಕ್ರಾನ್ ತಳಿಗಳ ರೂಪಾಂತರವಾಗಿದೆ. ಕೋವಿಡ್‌ನ ಬಹು ರೂಪಾಂತರಗಳಿಂದ ರೋಗಿಯು ಸೋಂಕಿಗೆ ಒಳಗಾದಾಗ ಮರುಸಂಯೋಜಕ ರೂಪಾಂತರಗಳು ಹೊರಹೊಮ್ಮುತ್ತವೆ. ರೂಪಾಂತರಗಳು ಪ್ರತಿಕೃತಿಯ ಸಮಯದಲ್ಲಿ ತಮ್ಮ ಆನುವಂಶಿಕ ವಸ್ತುಗಳನ್ನು ಮಿಶ್ರಣ ಮಾಡುತ್ತವೆ ಮತ್ತು ಹೊಸ ರೂಪಾಂತರವನ್ನು ರೂಪಿಸುತ್ತವೆ ಎಂದು ಬ್ರಿಟಿಷ್ ಮೆಡಿಕಲ್ ಜರ್ನಲ್‌ನಲ್ಲಿ ಪ್ರಕಟವಾದ ಪತ್ರಿಕೆಯಲ್ಲಿ ಯುಕೆ ತಜ್ಞರು ಹೇಳಿದ್ದಾರೆ.

               XE ಓಮಿಕ್ರಾನ್ ನ  BA.2 .2 ಗಿಂತ ಹೊಸ ರೂಪಾಂತರ  10 ಪ್ರತಿಶತ ಹೆಚ್ಚು ಹರಡುತ್ತದೆ ಎಂದು ವಿಶ್ವ ಆರೋಗ್ಯ ಸಂಸ್ಥೆ ಹೇಳಿದೆ.

            XE ಅನ್ನು ಮೊದಲು ಜನವರಿ 19ರಂದು ಪತ್ತೆ ಮಾಡಲಾಯಿತು. ಇದುವರೆಗೂ 637 ಎಕ್ಸ್ ಇ ರೂಪಾಂತರಿ ಪ್ರಕರಣಗಳು ವರದಿಯಾಗಿವೆ ಎಂದು ಬ್ರಿಟನ್‌ನ ಆರೋಗ್ಯ ಸಂಸ್ಥೆ ಹೇಳಿದೆ.

            ಏತನ್ಮಧ್ಯೆ, Omicron ನ  BA 2 ಉಪ-ರೂಪಾಂತರವು ಜಗತ್ತಿನಾದ್ಯಂತ ವೇಗವಾಗಿ ಹರಡುತ್ತಿದೆ. ಮಾರ್ಚ್ 26 ಕ್ಕೆ ಯುಕೆಯಲ್ಲಿ ಸುಮಾರು 4.9 ಮಿಲಿಯನ್ ಜನರು ಕೋವಿಡ್ -19 ಅನ್ನು ಹೊಂದಿದ್ದಾರೆ.

US ಮತ್ತು ಚೀನಾದಲ್ಲೂ ಃಂ.2 ರೂಪಾಂತರದಿಂದ ಕೋವಿಡ್ ಪ್ರಕರಣಗಳು ಉಲ್ಬಣವಾಗ್ತಿವೆ. ಮಾರ್ಚ್‌ ತಿಂಗಳಲ್ಲಿ ಚೀನಾದಲ್ಲಿ ಸುಮಾರು 104,000 ದೇಶೀಯ ಕೋವಿಡ್ ಸೋಂಕು ವರದಿಯಾಗಿದೆ. ಇತ್ತೀಚಿನ 90 ಪ್ರತಿಶತ ಪ್ರಕರಣಗಳು ಶಾಂಘೈನಲ್ಲಿ ಕಂಡುಬಂದಿವೆ.