ಅಂದು, ಇಂದು ಎಂದೆಂದಿಗೂ ತ್ವಚೆಯ ಆರೈಕೆಗೆ ಕಡಲೆಹಿಟ್ಟೇ ಬೆಸ್ಟ್!

 ಸಾಬೂನ್‌ಗಳಿಲ್ಲದ ಕಾಲದಲ್ಲಿ ಮೈಯುಜ್ಜಲು ಸಹಾಯಕ್ಕೆ ಬರುತ್ತಿದ್ದದ್ದು ಕಡಲೆಹಿಟ್ಟು. ತ್ವಚೆಯ ಆರೈಕೆಗಾಗಿ ಕಡಲೆಹಿಟ್ಟನ್ನು ಶತಮಾನಗಳಿಂದಲೂ ಬಳಕೆ ಮಾಡಲಾಗುತ್ತಿದೆ. ಇದು ತ್ವಚೆಯನ್ನು ದೀರ್ಘಕಾಲದವರೆಗೆ ಆರೋಗ್ಯಕರವಾಗಿ, ತಾರುಣ್ಯಪೂರ್ಣವಾಗಿಡಲು ಸಹಾಯ ಮಾಡುವುದು. ಇದರ ಫೇಸ್ ಪ್ಯಾಕ್ ಕಲೆಗಳನ್ನು ತೊಡೆದುಹಾಕಲು ಮತ್ತು ಚರ್ಮದ ಟೋನ್ ಅನ್ನು ಸುಧಾರಿಸಲು ಅತ್ಯುತ್ತಮ ಮನೆಮದ್ದುಗಳಲ್ಲಿ ಒಂದು. ಹಾಗಾದರೆ, ಈ ಫೇಸ್ ಪ್ಯಾಕ್‌ನಿಂದ ಸಿಗುವ ಪ್ರಯೋಜನಗಳು ಹಾಗೂ ಅದರ ಬಳಕೆ ಹೇಗೆ ಮಾಡುವುದು ಎಂಬುದನ್ನು ಇಲ್ಲಿ ನೋಡೋಣ.

ಕಡಲೆ ಹಿಟ್ಟಿನ ಫೇಸ್ ಪ್ಯಾಕ್ ಬಳಕೆಯಿಂದ ಸಿಗುವ ಪ್ರಯೋಜನಗಳೇನು ಎಂಬುದನ್ನು ಈ ಕೆಳಗೆ ನೀಡಲಾಗಿದೆ:

ಚರ್ಮದ pH ಮಟ್ಟವನ್ನು ಸಮತೋಲನಗೊಳಿಸುವುದು: ಕಡಲೆ ಹಿಟ್ಟಿನ ಫೇಸ್ ಪ್ಯಾಕ್ ಚರ್ಮದ ಪಿಹೆಚ್ ಮಟ್ಟವನ್ನು ಕಾಪಾಡುವಲ್ಲಿ ಪ್ರಮುಖ ಪಾತ್ರ ವಹಿಸುತ್ತದೆ. ಇದು ಚರ್ಮವನ್ನು ದೀರ್ಘಕಾಲದವರೆಗೆ ಬಿಗಿಯಾಗಿ ಇಡುತ್ತದೆ. ಇದರಿಂದಾಗಿ ನಿಮ್ಮ ಮುಖದ ಮೇಲಿನ ಸುಕ್ಕುಗಳು ಕಡಿಮೆ ಗೋಚರಿಸುತ್ತವೆ.

ಕೊಳೆ ತೆಗೆಯಲು ಸಹಕಾರಿ: ಕಡಲೆ ಹಿಟ್ಟಿನ ಫೇಸ್ ಪ್ಯಾಕ್ ಅನ್ನು ನಿಯಮಿತವಾಗಿ ಬಳಸುವುದರಿಂದ ಚರ್ಮದಲ್ಲಿ ಸಂಗ್ರಹವಾದ ಕೊಳಕು ಮತ್ತು ಇತರ ಕಲ್ಮಶಗಳನ್ನು ತೊಡೆದುಹಾಕಬಹುದು. ಇದರಲ್ಲಿರುವ ಬ್ಯಾಕ್ಟೀರಿಯಾ ವಿರೋಧಿ ಅಂಶಗಳು ಚರ್ಮದ ಶಿಲೀಂಧ್ರ ಇತ್ಯಾದಿಗಳಿಂದಲೂ ರಕ್ಷಿಸುತ್ತದೆ. ಇದರಿಂದ ಮುಖದಲ್ಲಿ ಮೊಡವೆಯಂತಹ ಸಮಸ್ಯೆಗಳು ಕಂಡುಬರುವುದಿಲ್ಲ.

ಕಾಂತಿಯುತ ತ್ವಚೆ ನೀಡುವುದು: ನಿಯಮಿತವಾಗಿ ಕಡಲೆ ಹಿಟ್ಟಿನ ಫೇಸ್ ಪ್ಯಾಕ್ ಹಚ್ಚುವುದರಿಂದ ಕಲೆಗಳು ಮತ್ತು ಮೊಡವೆಗಳು ನಿವಾರಣೆಯಾಗುತ್ತದೆ. ಇದರಿಂದ ಚರ್ಮಕ್ಕೆ ಹೊಳಪು ಬರುತ್ತದೆ. ಅಷ್ಟೇ ಅಲ್ಲ, ಈ ಫೇಸ್ ಪ್ಯಾಕ್‌ನಿಂದ ತ್ವಚೆಯಲ್ಲಿ ಸಂಗ್ರಹವಾದ ಕಲ್ಮಶಗಳೆಲ್ಲವೂ ನಿವಾರಣೆಯಾಗುವುದರಿಂದ, ಚರ್ಮವು ತುಂಬಾ ಸ್ಪಷ್ಟವಾಗಿ ಕಾಣುತ್ತದೆ.

ಅನಗತ್ಯ ಕೂದಲು ನಿವಾರಣೆ: ಕಡಲೆ ಹಿಟ್ಟಿನ ಫೇಸ್ ಪ್ಯಾಕ್ ಅನ್ನು ಮುಖದಿಂದ ಹೆಚ್ಚುವರಿ ಕೂದಲನ್ನು ತೆಗೆದುಹಾಕಲು ಸಹ ಬಳಸಬಹುದು. ಹೌದು, ದೇಹದಲ್ಲಿರುವ ಅನಗತ್ಯ ಕೂದಲುಗಳನ್ನು ತೆಗೆದುಹಾಕಲು ಕಡಲೆ ಹಿಟ್ಟು, ಸಕ್ಕರೆ ಮತ್ತು ನಿಂಬೆ ರಸದೊಂದಿಗೆ ಮಿಶ್ರಣ ಮಾಡಿ ಬಳಸಬೇಕು. ಇದರಿಂದ ಅನಗತ್ಯ ಕೂದಲು ಯಾವುದೇ ನೋವಿಲ್ಲದೇ, ಅಡ್ಡಪರಿಣಾಮಗಳಿಲ್ಲದೇ ನಿವಾರಣೆಯಾಗುವುದು.

ಹೆಚ್ಚುವರಿ ಎಣ್ಣೆ ತೆಗೆಯುವುದು: ಎಣ್ಣೆಯುಕ್ತ ತ್ವಚೆ ಇರುವವರಿಗೆ ಈ ಕಡಲೆಹಿಟ್ಟಿನ ಫೇಸ್ ಪ್ಯಾಕ್ ಬಹಳ ಒಳ್ಳೆಯದು. ಮುಖದಲ್ಲಿ ಸಂಗ್ರಹವಾಗುವ ಜಿಡ್ಡಿನಾಂಶವನ್ನು ಕಡಿಮೆ ಮಾಡಲು ಈ ಕಡಲೆಹಿಟ್ಟು ಸಹಕಾರಿ. ಇದು ಚರ್ಮದ ನೈಸರ್ಗಿಕ ತೇವಾಂಶವನ್ನು ತೆಗೆದುಹಾಕದೇ ಹೆಚ್ಚುವರಿ ಎಣ್ಣೆಯನ್ನು ತೆಗೆದುಹಾಕುತ್ತದೆ, ಚರ್ಮವನ್ನು ಮೃದುಗೊಳಿಸುತ್ತದೆ.

ಕಡಲೆ ಹಿಟ್ಟಿನ ಫೇಸ್ ಪ್ಯಾಕ್ ತಯಾರಿಸುವುದು ಹೇಗೆ?: ಕಡಲೆ ಹಿಟ್ಟು ಆಂಟಿ-ಆಕ್ಸಿಡೆಂಟ್‌ಗಳು ಮತ್ತು ವಿಟಮಿನ್‌ಗಳನ್ನು ಹೊಂದಿರುತ್ತದೆ. ಇದನ್ನು ಅರಿಶಿನದೊಂದಿಗೆ ಹಚ್ಚಿದರೆ ಕಪ್ಪು ಕಲೆಗಳು ಹೋಗುತ್ತವೆ. ಇದನ್ನು ಮಾಡಲು, ಒಂದು ಚಮಚ ಅರಿಶಿನ ಪುಡಿ, ಒಂದು ಚಮಚ ನಿಂಬೆ ರಸ ಮತ್ತು ನೀರನ್ನು ಅರ್ಧ ಕಪ್ ಹಿಟ್ಟಿನಲ್ಲಿ ಬೆರೆಸಿ ಪೇಸ್ಟ್ ತಯಾರಿಸಿ. ಈ ಮಿಶ್ರಣವನ್ನು ಮುಖ ಮತ್ತು ಕುತ್ತಿಗೆಗೆ ಅನ್ವಯಿಸಿ ಮತ್ತು 20 ನಿಮಿಷಗಳ ಕಾಲ ಬಿಡಿ. ನೀವು ಬಯಸಿದರೆ, ನೀವು ಅಲೋವೆರಾವನ್ನು ಸೇರಿಸುವ ಮೂಲಕ ಕಡಲೆ ಹಿಟ್ಟಿನ ಫೇಸ್ ಪ್ಯಾಕ್ ಅನ್ನು ಸಹ ಬಳಸಬಹುದು.