ಆಘಾತಕಾರಿ ಘೋಷಣೆ; ಪಾಪ್ಯುಲರ್ ಫ್ರಂಟ್ ರಾಜ್ಯ ಖಜಾಂಚಿ ಬಂಧನ

                    ಆಲಪ್ಪುಳ: ರ್ಯಾಲಿಯಲ್ಲಿ ದ್ವೇಷದ ಘೋಷಣೆಗಳನ್ನು ಕೂಗಿದ ಪಾಪ್ಯುಲರ್ ಫ್ರಂಟ್ ನಾಯಕನನ್ನು ಬಂಧಿಸಲಾಗಿದೆ. ಪಾಪ್ಯುಲರ್ ಫ್ರಂಟ್ ರಾಜ್ಯ ಖಜಾಂಚಿ ಕೆ.ಎಚ್.ನಾಸರ್ ಬಂಧಿತ ವ್ಯಕ್ತಿ. ಈ ಮೂಲಕ ಘಟನೆಯಲ್ಲಿ ಬಂಧಿತರ ಸಂಖ್ಯೆ 31ಕ್ಕೆ ಏರಿಕೆಯಾಗಿದೆ.

                   ನಾಸರ್ ಅವರ ಬಂಧನವನ್ನು ಕಾರ್ಯಕ್ರಮ ಆಯೋಜಕರಾಗಿ ದಾಖಲಿಸಲಾಗಿದೆ. ಪ್ರಚೋದನಕಾರಿ ಘೋಷಣೆಗಳನ್ನು ಕೂಗುತ್ತಿದ್ದುದನ್ನು ವೀಡಿಯೋದಲ್ಲಿ ಗಮನಿಸಿದ ಸಾಕ್ಷಿಯ ಆಧಾರದಲ್ಲಿ ನಿನ್ನೆ  ಮಧ್ಯಾಹ್ನ ನಾಸರ್ ಅವರನ್ನು ಪೋಲೀಸರು ವಶಕ್ಕೆ ತೆಗೆದುಕೊಂಡರು. ಹೆಚ್ಚಿನ ವಿಚಾರಣೆ ಬಳಿಕ ಆತನ ಬಂಧನವನ್ನು ದಾಖಲಿಸಿಕೊಳ್ಳಲಾಗುತ್ತದೆ.

                    ಸಿಸಿಟಿವಿ ದೃಶ್ಯಾವಳಿಗಳ ಆಧಾರದ ಮೇಲೆ ಪೋಲೀಸರು ನಾಸರ್‍ನನ್ನು ಗುರುತಿಸಿದ್ದಾರೆ. ನಾಸರ್ ಕಂಜಿರಮಟ್ಟಂನ ವ್ಯಕ್ತಿ.  ಈತನನ್ನು ಆಲಪ್ಪುಳ ದಕ್ಷಿಣ ಪೋಲೀಸರು ಕಂಜಿರಮಟ್ಟದಲ್ಲಿ ಬಂಧಿಸಿದ್ದಾರೆ. ಮುಂದಿನ ದಿನಗಳಲ್ಲಿ ಇನ್ನಷ್ಟು ಮಂದಿಯನ್ನು ಬಂಧಿಸುವ ಸೂಚನೆಗಳಿವೆ. ಘಟನೆಯ ಸಿಸಿಟಿವಿ ದೃಶ್ಯಾವಳಿಗಳನ್ನು ಪರಿಶೀಲಿಸುವ ಮೂಲಕ ತನಿಖಾ ತಂಡವು ಆರೋಪಿಗಳನ್ನು ಗುರುತಿಸಿದೆ. ಅವರ ವಿಳಾಸಗಳನ್ನು ಕಂಡುಹಿಡಿಯುವುದು ಕಷ್ಟಕರವಾದ ಕಾರಣ ಬಂಧಿಸಲು ವಿಳಂಬವಾಗುತ್ತಿದೆ ಎಂದು ಪೋಲೀಸರು ಹೇಳುತ್ತಾರೆ.