ತೃಶೂರ್: ಮಲಯಾಳಿಗಳ ನೆಚ್ಚಿನ ಗಾಯಕಿ ಮಂಜರಿ ಗುರುವಾಯೂರಪ್ಪನವರ ಆಶೀರ್ವಾದ ಪಡೆಯಲು ದೇವಾಲಯಕ್ಕೆ ನಿನ್ನೆ ಪತಿ ಜೆರಿನ್ ಜೊತೆಗೆ ಭೇಟಿ ನೀಡಿದರು. ಇತ್ತೀಚೆಗೆ ವಿವಾಹವಾಗಿದ್ದ ಮಂಜರಿ ಆ ಬಳಿಕ ಮೊದಲ ಬಾರಿಗೆ ಗುರುವಾಯೂರಿಗೆ ಭೇಟಿ ನೀಡಿದ್ದರು. ಗುರುವಾಯೂರಪ್ಪನವರ ಆಶೀರ್ವಾದ ನಮ್ಮ ಮೇಲಿರಲಿ ಎಂಬ ಶೀರ್ಷಿಕೆಯೊಂದಿಗೆ ಮಂಜರಿ ಶೇರ್ ಮಾಡಿರುವ ವಿಡಿಯೋ ಕೂಡ ಗಮನ ಸೆಳೆಯುತ್ತಿದೆ. ಮಂಜರಿ ಮತ್ತು ಆಕೆಯ ಪತಿ ಜೆರಿನ್ ಗುರುವಾಯೂರಿಗೆ ಭೇಟಿ ನೀಡುತ್ತಿರುವುದನ್ನು ವೀಡಿಯೊ ತೋರಿಸುತ್ತದೆ.
ಪತಿಯೊಂದಿಗೆ ಗುರುವಾಯೂರಿಗೆ ಮೊದಲ ಬಾರಿಗೆ ಅವರ ಜೊತೆಯಾಗಿ ಆಗಮಿಸಿದರು. ಪತಿಗೆ ದೇವಸ್ಥಾನ ಮತ್ತು ಸುತ್ತಮುತ್ತಲಿನ ಪ್ರದೇಶಗಳನ್ನು ತೋರಿಸಲು ಸಾಧ್ಯವಾಗಿದ್ದಕ್ಕೆ ತುಂಬಾ ಸಂತೋಷವಾಯಿತು ಎಂದು ಮಂಜರಿ ಹೇಳಿರುವರು. ” ಒಳಗೆ ಪ್ರವೇಶಿಸಲು ಸಾಧ್ಯವಾಗದಿದ್ದರೂ, ಜೆರಿನ್ ಹೊರಗಿನಿಂದ ಪ್ರಾರ್ಥಿಸಿದರು. ನಾನು ಒಳಗೆ ಹೋದೆ. ನಮ್ಮಿಬ್ಬರಿಗಾಗಿ ಗುರುವಾಯೂರಪ್ಪನವರನ್ನು ಪ್ರಾರ್ಥಿಸಿದೆವು" ಎಂದು ಮಂಜರಿ ಇನ್‍ಸ್ಟಾಗ್ರಾಮ್‍ನಲ್ಲಿ ಬರೆದುಕೊಂಡಿದ್ದಾರೆ.
ಮಂಜರಿ ಜೆರಿನ್ ಅವರನ್ನು ಜೂನ್ 24 ರಂದು ವಿವಾಹವಾಗಿದ್ದರು. ಆಪ್ತರು ಹಾಗೂ ಸಂಬಂಧಿಕರ ಸಮ್ಮುಖದಲ್ಲಿ ತಿರುವನಂತಪುರಂನಲ್ಲಿ ವಿವಾಹ ನೆರವೇರಿತ್ತು. ಬೆಂಗಳೂರಿನ ಖಾಸಗಿ ಕಂಪನಿಯಲ್ಲಿ ಕೆಲಸ ಮಾಡುತ್ತಿರುವ ಜೆರಿನ್ ಪತ್ತನಂತಿಟ್ಟ ಮೂಲದವರಾಗಿದ್ದಾರೆ.
DOCTYPE html>
