ಓಣಂಕಿಟ್ ವಿತರಣೆ ಪ್ರಾರಂಭ: ಇಪಿಒಎಸ್ ಯಂತ್ರಗಳು ಕೆಟ್ಟು ಹೋಗುವುದರಿಂದ ವೇಳಾಪಟ್ಟಿಗೆ ಅಡ್ಡಿಯಾಗುವ ಸಾಧ್ಯತೆ ಬಗ್ಗೆ ಸರ್ಕಾರ ಆತಂಕ

           ತಿರುವನಂತಪುರ: ರಾಜ್ಯದಲ್ಲಿ ಓಣಂ ಕಿಟ್ ವಿತರಣೆ ಆರಂಭವಾಗಿದೆ. ಈ ಬಾರಿ ಓಣಂಗೂ ಮುನ್ನ ಕಿಟ್ ವಿತರಣೆ ಪೂರ್ಣಗೊಳ್ಳಲಿದೆ ಎಂದು ಸರಕಾರ ಹೇಳಿಕೊಂಡಿದೆ.
           87 ಲಕ್ಷ ಪಡಿತರ ಕಾರ್ಡ್ ದಾರರಿಗೆ ಕಿಟ್ ಲಭ್ಯವಾಗಲಿದೆ ಎಂದು ಆಹಾರ ಇಲಾಖೆ ತಿಳಿಸಿದೆ. ಇದಕ್ಕಾಗಿ 425 ಕೋಟಿ ರೂ. ವ್ಯಯಿಸಲಾಗುತ್ತಿದೆ.
            ಹಸಿವು ಮುಕ್ತ ಕೇರಳದ ಭರವಸೆಯನ್ನು ತಾನು ಸಾಕಾರಗೊಳಿಸುತ್ತಿರುವುದಾಗಿ ಸರಕಾರ ಹೇಳಿಕೊಂಡಿದೆ. ಆದರೆ ಕಿಟ್ ಖರೀದಿಸಲು ಬಂದವರು ಬರಿಗೈಯಲ್ಲಿ ವಾಪಸಾಗಬೇಕಾಗಿದೆ ಎಂದು ಜನರು ಆತಂಕ ವ್ಯಕ್ತಪಡಿಸಿದ್ದಾರೆ. ಇ-ಪೋಸ್ ಯಂತ್ರಗಳ ನಿಯಮಿತ ಸ್ಥಗಿತವು ವಿತರಣೆ ಸಮಯ ಅಡ್ಡಿಪಡಿಸುತ್ತದೆ ಎಂದು ಸರ್ಕಾರವೂ ಕಳವಳ ವ್ಯಕ್ತಪಡಿಸಿದೆ.
        ಕಿಟ್ ಬಟ್ಟೆ ಚೀಲ ಸೇರಿದಂತೆ 14 ವಸ್ತುಗಳನ್ನು ಒಳಗೊಂಡಿದೆ. ಆದರೆ ಓಣಂಗೆ ಮಹತ್ವವಿರುವ ಹಪ್ಪಳ ಈ ಬಾರಿ ಕೈಬಿಡಲಾಗಿದೆ. ಕಿಟ್‍ಗಳಲ್ಲಿ ಸರಬರಾಜು ಮಾಡುವ ಹಪ್ಪಳ ಕಳಪೆ ಗುಣಮಟ್ಟದ್ದಾಗಿದೆ ಎಂದು ಈ ಹಿಂದೆ ಸಾಕಷ್ಟು ದೂರುಗಳು ಬಂದಿದ್ದವು.