ಓವರ್ ಮಾಡ್ಬೇಡಿ ಕಲೆಕ್ಟರ್ ಸರ್'!: ಮಕ್ಕಳು ತಂದೆ-ತಾಯಿಯ ಇಚ್ಛೆಯಂತೆ ಬೆಳೆಯಬೇಕೆಂದು ಇದೆಯೇ? ಅಲಪ್ಪುಳ ಕಲೆಕ್ಟರ್ ವಿರುದ್ಧ ಟೀಕೆ

                ಆಲಪ್ಪುಳ: ಮಳೆಯಿಂದಾಗಿ ಎರಡು ದಿನಗಳ ರಜೆಯ ಬಳಿಕ ಶಾಲೆ ತೆರೆಯುತ್ತಿರುವ ಹಿನ್ನೆಲೆಯಲ್ಲಿ ಮಕ್ಕಳಿಗಾಗಿ ಫೇಸ್ ಬುಕ್ ಪೇಜ್ ನಲ್ಲಿ ಆಲಪ್ಪುಳ ಜಿಲ್ಲಾಧಿಕಾರಿ ಮಾಡಿರುವ ಮತ್ತೊಂದು ಪೋಸ್ಟ್ ವ್ಯಾಪಕ ಟೀಕೆಗೆ ಗುರಿಯಾಗಿದೆ. ಶಾಲೆಗೆ ಮರಳುತ್ತಿರುವ ಮಕ್ಕಳನ್ನು ಅಭಿನಂದಿಸಿ ಜಿಲ್ಲಾಧಿಕಾರಿ ಕೃಷ್ಣ ತೇಜ ಅವರು ತಮ್ಮ ಅಧಿಕೃತ ಫೇಸ್ ಬುಕ್ ಪೋೀಸ್ಟ್ ನಲ್ಲಿ ಹಾಕಿರುವ ಪೋಸ್ಟ್ ತಪ್ಪು ಸಂದೇಶ ರವಾನಿಸುತ್ತಿದೆ ಎಂದು ಆರೋಪಿಸಲಾಗಿದೆ. ಪೋಸ್ಟ್‍ನ ಕೆಳಗೆ ಅನೇಕ ಕಾಮೆಂಟ್‍ಗಳಲ್ಲಿ ಟೀಕೆಗಳು 'ಅದು ಅತಿಯಾಗಿಲ್ಲವೇ' ಎಂದಿದೆ.
          ರಜೆಯ ನಂತರ ಶಾಲೆಗೆ ತಲುಪಲು ಸಿದ್ಧರಾಗಲು ಬೇಗ ಮಲಗಲು ಮತ್ತು ಬೆಳಿಗ್ಗೆ ಬೇಗನೆ ಎದ್ದೇಳಲು ಕಲೆಕ್ಟರ್ ಸಂದೇಶ ನೀಡಿದ್ದರು. ಆದರೆ ಇದಾದ ಬಳಿಕ ಬಂದ ಸಂದೇಶ ವಿವಾದಕ್ಕೀಡಾಗಿತ್ತು. "ನೀವು ಶಾಲೆಗೆ ತೆರಳುವ  ಮೊದಲು ನಿಮ್ಮ ಅಪ್ಪ-ಅಮ್ಮನನ್ನು ಅಪ್ಪಿಕೊಂಡು ಹೇಳು. ಅಪ್ಪ.. ಅಮ್ಮ.. ನಾನು ಚೆನ್ನಾಗಿ ಓದುತ್ತೇನೆ. ನಾನು ದೊಡ್ಡವನಾದ ಮೇಲೆ ನೀನು ಬಯಸಿದ ವ್ಯಕ್ತಿಯಾಗುತ್ತೇನೆ. ನಾನು ನಿನ್ನನ್ನು ಪ್ರೀತಿಸುತ್ತೇನೆ. ನಾನು ಬದುಕಿರುವಷ್ಟು, ನಾನು ನಿನ್ನನ್ನು ಚಿನ್ನದಂತೆ ನೋಡಿಕೊಳ್ಳುತ್ತೇನೆ ಎಂದಿತ್ತು. ಆದರೆ ಹಿಂದಿನ ಫೇಸ್‍ಬುಕ್ ಪೋಸ್ಟ್‍ಗಳಲ್ಲಿ ಮಕ್ಕಳ ಮೇಲಿನ ಪ್ರೀತಿ ತುಂಬಿದ ಜಿಲ್ಲಾಧಿಕಾರಿಯನ್ನು ಬೆಂಬಲಿಸಿದ್ದ ಅನೇಕರು ಈ ಬಾರಿ ತಮ್ಮ ವಿರೋಧವನ್ನು ಸಾರ್ವಜನಿಕವಾಗಿ ವ್ಯಕ್ತಪಡಿಸಿದ್ದಾರೆ.
          "ಅವರು ದೊಡ್ಡವರಾದ ನಂತರ ಅವರು ಏನಾಗಬೇಕೆಂದು ಬಯಸುತ್ತಾರೋ ಹಾಗೆ ಆಗಲಿ" ಎಂದು ನಿರ್ದೇಶಕ ಜಿಯೋ ಬೇಬಿ ಕಲೆಕ್ಟರ್ ಅವರ ಪೆÇೀಸ್ಟ್‍ಗೆ ಪ್ರತಿಕ್ರಿಯಿಸಿದ್ದಾರೆ. "ಕಲೆಕ್ಟರ್ ಮಾಮಾ, ನನಗೆ ಶಾಕ್ ಆಗ್ತಿದೆ, ಜಾಸ್ತಿ ಬರೆದು ಬೋರ್ ಮಾಡ್ಬೇಡಿ.. ಪ್ಲೀಸ್. ಮಕ್ಕಳು ತಮ್ಮ ಪ್ಯಾಶನ್ ಏನು ಅಂತ ಅರ್ಥ ಮಾಡಿಕೊಂಡು ಬದುಕಲಿ. ತಂದೆ ತಾಯಿಯರ ಇಚ್ಛೆಯನ್ನು ಹೇರಬೇಡಿ." ಎಂದು  ಶಿಕ್ಷಕಿ  ಸೌಮ್ಯ ಚಂದ್ರಶೇಖರನ್ ಪ್ರತಿಕ್ರಿಯಿಸಿದ್ದಾರೆ.
           "ಮಕ್ಕಳು ತಮ್ಮ ಹೆತ್ತವರಿಗೆ ಆಸೆಗಳನ್ನು ಈಡೇರಿಸುವ ಸಾಧನಗಳಲ್ಲ, ಅವರಿಗೆ ಅವರದೇ ಆದ ಆಸೆಗಳಿವೆ. ಕೆಲವು ಹುಲಿ ಚಾಕೋಗಳಂತೆ ಮಾತನಾಡಬೇಡಿ." ಬೇರೊಬ್ಬರು ಕಾಮೆಂಟ್ ಮಾಡಿದ್ದಾರೆ. ಮಲೆಯಾಳಿ ಅಲ್ಲದ ಕಲೆಕ್ಟರ್‍ಗೆ ಬೇರೆ ಯಾರು ಈ ರೀತಿ ಪೋಸ್ಟ್ ಮಾಡುತ್ತಾರೆ ಎಂದು ಒಬ್ಬರ ಪ್ರಶ್ನೆ.

           ಕೊಲೆ ಪ್ರಕರಣದ ಶಂಕಿತ ಶ್ರೀರಾಮ್ ವೆಂಕಟರಾಮನ್ ಅವರನ್ನು ಸರ್ಕಾರವು ಅಲಪ್ಪುಳ ಜಿಲ್ಲಾಧಿಕಾರಿಯಾಗಿ ನೇಮಿಸಿತ್ತು, ಆದರೆ ತೀವ್ರ ಪ್ರತಿಭಟನೆಯಿಂದಾಗಿ ಒಂದು ವಾರದ ನಂತರ ಅವರನ್ನು ವರ್ಗಾಯಿಸಲಾಯಿತು. ಇದೇ ಪರಿಸ್ಥಿತಿಯಲ್ಲಿ ಈ ಹಿಂದೆ ಕೇರಳ ಪ್ರವಾಸೋದ್ಯಮ ನಿರ್ದೇಶಕರಾಗಿದ್ದ ಕೃಷ್ಣ ತೇಜ ಅವರನ್ನು ಅಲಪ್ಪುಳದಲ್ಲಿ ನೇಮಿಸಲಾಗಿತ್ತು. ಜಿಲ್ಲಾಧಿಕಾರಿಯಾಗಿ ಅಧಿಕಾರ ಸ್ವೀಕರಿಸಿದ ಬಳಿಕ ಜುಲೈ 3ರಂದು ಜಿಲ್ಲೆಯ ಶಾಲೆಗಳಿಗೆ ರಜೆ ಘೋಷಿಸಿ ಮೊದಲ ಆದೇಶಕ್ಕೆ ಸಹಿ ಹಾಕಿದರು. ಈ ಬಗ್ಗೆ ಮಕ್ಕಳಿಗೆ ತಿಳಿಸುವ ಅವರ ಪೋಸ್ಟ್ ವೈರಲ್ ಆಗಿತ್ತು. ಜೋರು ಮಳೆ ಮುಂದುವರಿದಿದ್ದು, ಮರುದಿನ ರಜೆ ಘೋಷಣೆ ಮಾಡುವ ಜಿಲ್ಲಾಧಿಕಾರಿ ಪೋಸ್ಟ್ ಕೂಡ ವೈರಲ್ ಆಗಿತ್ತು. ಇದರ ನಂತರ ಮೂರನೇ ಪೋಸ್ಟ್ ವಿವಾದಾತ್ಮಕ ಉಲ್ಲೇಖದೊಂದಿಗೆ ಚರ್ಚೆಗೆ ಕಾರಣವಾಯಿತು.
              ಇದೇ ವೇಳೆ,  ಕಲೆಕ್ಟರ್ ಬರೆದಿರುವ ಸೂಚನೆಗಳು  ಹೆತ್ತವರು ಬಯಸಿದಂತೆ ಆಗಬೇಕೆಂಬುದು ಅರ್ಥವಲ್ಲ, ಆದರೆ ಬಹುಶಃ ತನ್ನ ಹೆತ್ತವರು ಬಯಸಿದಂತೆಯೇ ಒಳ್ಳೆಯ ವ್ಯಕ್ತಿಯಾಗಬೇಕೆಂದು  ಅರ್ಥೈಸುತ್ತಾರೆ ಎಂದು ಕೆಲವರು ಪ್ರತಿಕ್ರಿಯಿಸಿದ್ದಾರೆ. ರಾಜ್ಯದಲ್ಲಿ ಸಾಕಷ್ಟು ಜಿಲ್ಲಾಧಿಕಾರಿಗಳಿದ್ದಾರೆ, ಆದರೆ ಮಕ್ಕಳ ಮೇಲೆ ಇμÉ್ಟೂಂದು ಪ್ರೀತಿ ಇರುವ ಜಿಲ್ಲಾಧಿಕಾರಿ ಇದುವರೆಗೆ ಇರಲಿಲ್ಲ ಎಂಬುದು ಕೆಲವರ ಪ್ರತಿಕ್ರಿಯೆ. ಆಲಪ್ಪುಳದಲ್ಲಿ ವಿಆರ್ ಕೃಷ್ಣ ತೇಜ
ಅಧಿಕಾರ ಸ್ವೀಕರಿಸಿದ ನಂತರ, ಅವರ ಬಾಲ್ಯದ ಹೋರಾಟಗಳ ಬಗ್ಗೆ ಅವರ ಹಳೆಯ ಭಾಷಣವೂ ವೈರಲ್ ಆಗಿತ್ತು.