ನವದೆಹಲಿ: ರಾಷ್ಟ್ರೀಯ ಲಸಿಕಾ ಕಾರ್ಯಕ್ರಮದ (ಯುಐಪಿ) ಸೌಲಭ್ಯವನ್ನು ಅಳವಡಿಸಿರುವ, ಪರಿಷ್ಕೃತ 'ಕೋವಿನ್' ವೇದಿಕೆಗೆ ಸೆಪ್ಟೆಂಬರ್ನಲ್ಲಿ ಚಾಲನೆ ನೀಡುವ ಸಾಧ್ಯತೆ ಇದೆ ಎಂದು ಅಧಿಕಾರಿಗಳು ಹೇಳಿದ್ದಾರೆ.
ಪರಿಷ್ಕೃತ 'ಕೋವಿನ್ ವೇದಿಕೆ'ಯನ್ನು ಪ್ರಾಯೋಗಿಕವಾಗಿ ಆರಂಭಿಸಲಾಗುತ್ತಿದೆ.
ರಕ್ತ ದಾನ, ಅಂಗಾಂಗ ದಾನಕ್ಕೆ ಸಂಬಂಧಿಸಿದ ಮಾಹಿತಿ, ನೋಂದಣಿ ಸೇರಿದಂತೆ ವಿವಿಧ
ಸೌಲಭ್ಯಗಳನ್ನು ಹಂತಹಂತವಾಗಿ ಈ ವೇದಿಕೆಗೆ ಅಳವಡಿಸಲಾಗುತ್ತದೆ ಎಂದು ಅವರು
ತಿಳಿಸಿದ್ದಾರೆ.
'ಈ ಪ್ರಾಯೋಗಿಕ ಯೋಜನೆಯನ್ನು ಪ್ರತಿಯೊಂದು ರಾಜ್ಯ/ಕೇಂದ್ರಾಡಳಿತ ಪ್ರದೇಶದ ಎರಡು ಜಿಲ್ಲೆಗಳಲ್ಲಿ ಮೂರು ತಿಂಗಳ ಅವಧಿಗೆ ಜಾರಿಗೊಳಿಸಲಾಗುತ್ತದೆ. ಕೋವಿಡ್-19 ಲಸಿಕೆ ಹಾಕಿಸಿಕೊಳ್ಳುವುದು ಹಾಗೂ ಪ್ರಮಾಣಪತ್ರ ಪಡೆಯುವ ಸೇವೆಗಳು 'ಕೋವಿನ್'ನಲ್ಲಿ ಮುಂದುವರಿಯಲಿವೆ' ಎಂದೂ ಅಧಿಕಾರಿಗಳು ಹೇಳಿದ್ದಾರೆ.
'ಯುಐಪಿಯನ್ನು ಕೋವಿನ್ಗೆ ಅಳವಡಿಸಿದ ನಂತರ, ಲಸಿಕೆ ನೀಡುವ ಇಡೀ ವ್ಯವಸ್ಥೆಗೆ ಡಿಜಿಟಲ್ ಸ್ಪರ್ಶ ಸಿಕ್ಕಂತಾಗುವುದು. ಫಲಾನುಭವಿಗಳನ್ನು ಪತ್ತೆ ಹಚ್ಚುವ ಕಾರ್ಯ ಮತ್ತಷ್ಟೂ ಸುಲಭವಾಗುವುದು' ಎಂದು ಅಧಿಕಾರಿಗಳು ವಿಶ್ವಾಸ ವ್ಯಕ್ತಪಡಿಸಿದ್ದಾರೆ.
'ಯುಐಪಿ ಸೇರಿದಂತೆ ವಿವಿಧ ಸೌಲಭ್ಯಗಳನ್ನು ಕೋವಿನ್ಗೆ ಅಳವಡಿಸುವ ಕಾರ್ಯಕ್ಕೆ ರಾಷ್ಟ್ರೀಯ ಆರೋಗ್ಯ ಪ್ರಾಧಿಕಾರವು (ಎನ್ಎಚ್ಎ) ಚುರುಕು ನೀಡಿದೆ' ಎಂದು ತಿಳಿಸಿದ್ದಾರೆ.
DOCTYPE html>
.png)
