ಮೊನ್ಸನ್ ಮಾವುಂಗಲ್ ಜೊತೆಗಿನ ಸಂಬಂಧ; ಐಜಿ ಲಕ್ಷ್ಮಣ ಅವರ ಅಮಾನತು ಮತ್ತೆ ವಿಸ್ತರಣೆ

              ತಿರುವನಂತಪುರ: ಪ್ರಾಚ್ಯವಸ್ತು ವಂಚನೆ ಪ್ರಕರಣದ ಆರೋಪಿ ಮೊನ್ಸನ್ ಮಾವುಂಕಲ್ ಜತೆಗಿನ ಸಂಬಂಧಕ್ಕಾಗಿ ಅಮಾನತುಗೊಂಡಿದ್ದ ಐಜಿ ಲಕ್ಷ್ಮಣ ಅವರ ಅಮಾನತು ಅವಧಿಯನ್ನು ಮತ್ತೆ ಮೂರು ತಿಂಗಳ ಕಾಲ ವಿಸ್ತರಿಸಲಾಗಿದೆ.
          ಲಕ್ಷ್ಮಣ್ ವಿರುದ್ಧದ ತನಿಖೆ ಪೂರ್ಣಗೊಳಿಸಲು ಇನ್ನೂ ಆರು ತಿಂಗಳು ಬೇಕು ಎಂದು ಗುಪ್ತಚರ ಎಡಿಜಿಪಿ ಸರ್ಕಾರಕ್ಕೆ ಮಾಹಿತಿ ನೀಡಿದ್ದರು. ಅಮಾನತು ಪರಿಶೀಲನಾ ಸಮಿತಿಯು ತನಿಖೆ ನಡೆಯುತ್ತಿರುವಾಗ ಅಧಿಕಾರಿಯನ್ನು ಮರುಸೇರ್ಪಡೆ ಮಾಡುವುದು ಸರಿಯಲ್ಲ ಎಂದು ಪರಿಗಣಿಸಿದೆ. ಇದನ್ನು ಆಧರಿಸಿ ಸಮಿತಿ ಶಿಫಾರಸನ್ನು ಅಂಗೀಕರಿಸಿ ಅಮಾನತು ವಿಸ್ತರಿಸಿದೆ.
         ಕ್ರೈಂ ಬ್ರಾಂಚ್ ಎಡಿಜಿಪಿ ಎಸ್. ಶ್ರೀಜಿತ್ ಅವರ ತನಿಖಾ ವರದಿಯನ್ನು ಆಧರಿಸಿ ಲಕ್ಷ್ಮಣ್ ಅವರನ್ನು ನವೆಂಬರ್ 10, 2021 ರಂದು ಅಮಾನತುಗೊಳಿಸಲಾಗಿತ್ತು. ಮೋನ್ಸನ್ ಮಾವುಂಗಲ್ ವಿರುದ್ಧ ವಂಚನೆ ಪ್ರಕರಣ ದಾಖಲಾಗಿದ್ದರೂ, ಐಜಿ ಅವರೊಂದಿಗೆ ಸಂಪರ್ಕದಲ್ಲಿದ್ದು ಮೊನ್ಸನ್ ವಿರುದ್ಧದ ಪ್ರಕರಣವನ್ನು ಬುಡಮೇಲು ಮಾಡಲು ಯತ್ನಿಸಿದ್ದನ್ನು ಅಪರಾಧ ವಿಭಾಗದ ಪೋಲೀಸರು ಪತ್ತೆ ಹಚ್ಚಿದ್ದರು. ಅಮಾನತು ಅವಧಿಯನ್ನು ಮೊದಲು ಎರಡು ತಿಂಗಳು ಮತ್ತು ನಂತರ ನಾಲ್ಕು ತಿಂಗಳವರೆಗೆ ವಿಸ್ತರಿಸಲಾಯಿತು. ಅಮಾನತು ಅವಧಿ ನಾಳೆಗೆ ಕೊನೆಗೊಳ್ಳಲಿದ್ದು, ಇದೀಗ ಮತ್ತೆ ಮೂರು ತಿಂಗಳು ವಿಸ್ತರಿಸಲಾಗಿದೆ.  ಅವರು 2033 ರವರೆಗೆ ಸೇವಾವಧಿ ಹೊಂದಿದ್ದಾರೆ.