ಎಲ್ಲಾ ದಿವ್ಯಾಂಗರಿಗೆ ಉಚಿತ ಬಸ್ ಪ್ರಯಾಣ ಖಾತ್ರಿಪಡಿಸಲಾಗುವುದು; ಸಚಿವ ಆಂಟನಿ ರಾಜು

             ತಿರುವನಂತಪುರ: ಹೆಚ್ಚಿನ ದಿವ್ಯಾಂಗರಿಗೆ ಉಚಿತ ಬಸ್ ಪ್ರಯಾಣಕ್ಕೆ ಅವಕಾಶ ನೀಡಲು ಸಾರಿಗೆ ಸಚಿವ ಆಂಟನಿ ರಾಜು ನಿರ್ಧರಿಸಿದ್ದಾರೆ.
        ಪಾರ್ಕಿನ್ಸನ್ ಕಾಯಿಲೆ, ಮಸ್ಕ್ಯುಲರ್ ಡಿಸ್ಟ್ರೋಫಿ, ಮಲ್ಟಿಪಲ್ ಡಿಸಬಿಲಿಟಿ, ಮಲ್ಟಿಪಲ್ ಸ್ಕ್ಲೆರೋಸಿಸ್, ಹಿಮೋಫಿಲಿಯಾ ಥಲಸ್ಸೆಮಿಯಾ, ಸಿಕಲ್ ಸೆಲ್ ಡಿಸೀಸ್ ಮತ್ತು ಡ್ವಾರ್ಫಿಸಂ ಮತ್ತು ಆಸಿಡ್ ದಾಳಿಗೆ ಒಳಗಾದ ಪ್ರಯಾಣಿಕರಿಗೆ ಇನ್ನು ಮುಂದೆ ಬಸ್‍ಗಳಲ್ಲಿ ಪ್ರಯಾಣ ದರದಲ್ಲಿ ರಿಯಾಯಿತಿಯನ್ನು ಅನುಮತಿಸಲಾಗುವುದು.
        ಪಾಲಕ್ಕಾಡ್ ಜಿಲ್ಲೆಯಲ್ಲಿ ಆಯೋಜಿಸಲಾಗಿದ್ದ ವನೇಯಂ ಅದಾಲತ್ ನಲ್ಲಿ ಸ್ವೀಕರಿಸಿದ ಅರ್ಜಿಯನ್ನು ಪರಿಗಣಿಸಿ ಈ ನಿರ್ಧಾರ ತೆಗೆದುಕೊಳ್ಳಲಾಗಿದೆ. ಅವರ ಸಂಖ್ಯೆ ಕಡಿಮೆ ಇದ್ದರೂ ಪ್ರಯಾಣದ ತೊಂದರೆಯನ್ನು ಪರಿಗಣಿಸಿ ಈ ಕ್ರಮ ಕೈಗೊಳ್ಳಲಾಗಿದೆ ಎಂದು ಸಚಿವ ಆಂಟನಿ ರಾಜು ತಿಳಿಸಿದ್ದಾರೆ. ಇಂತಹ ಕಷ್ಟಗಳಿಂದ ಬಳಲುತ್ತಿರುವವರಿಗೆ ಹೊಸ ನಿರ್ಧಾರ ಸಮಾಧಾನ ತಂದಿದೆ ಎಂದು ಸಚಿವರು ತಿಳಿಸಿದರು.
             45ರಷ್ಟು ಅಂಗವಿಕಲರಿಗೆ ಬಸ್‍ಗಳಲ್ಲಿ ಯಾತ್ರಾ ಪಾಸ್ ನೀಡಲಾಗುವುದು ಎಂದು ಕಣ್ಣೂರು ಜಿಲ್ಲೆಯಲ್ಲಿ ಆಯೋಜಿಸಿದ್ದ ವಾಹನಿಯಂ ಅದಾಲಮ್‍ನಲ್ಲಿ ತಿಳಿಸಿದ್ದರು. ಇದರ ಬೆನ್ನಲ್ಲೇ ಹೊಸ ಘೋಷಣೆ ಹೊರಬಿದ್ದಿದೆ.